Morgunblaðið - Sunnudagur - 18.10.2015, Blaðsíða 13

upplifa erfitt fæðingarþunglyndi.
Er aldrei erfitt að vera opinskár
með slíka reynslu?
„Mér hefur alltaf þótt gott að
gefa og það á marga vegu. Þeg-
ar ég var lítil fannst mér ótrú-
lega gaman að koma fólki til að
hlæja og þykir auðvitað enn.
Það er svo góð tilfinning, svo
gott að sjá ef maður nær að
gleðja náungann og ætlast ekki
til þess að fá eitthvað í staðinn.
Ég hef fundið hvað það skiptir
miklu máli að tala líka um það
sem er ekki auðvelt og fyndið.
Því það er ekkert mál að tala
yfirborðskennt um hvað þú og
allt í kringum þig er frábært og
æðislegt. Það að tala um hinar
hliðar lífsins sýnir þér líka um
leið að þú ert ekki einn.
Mér þótti til dæmis ótrúlega
vænt um það að ég var beðin að
halda fyrirlestur í Mennta-
skólanum í Reykjavík um daginn
og tala þar um kvíða, þunglyndi
og áföll og hvernig það er fyrir
mig að fá kvíðaköst en ég hef
fengið það heiftarleg kvíðaköst
að ég hef ekki komist fram úr
rúminu.“ Þessu tengt hefur
Bryndís einnig komið víðar við.
Þannig var hún verkefnisstjóri
árlegra styrktartónleika Þú get-
ur! á síðasta ári, en fyrir þeim
tónleikum stendur samnefndur
styrktarsjóður sem hefur það að
markmiði að styrkja þá til náms
sem eru að glíma við eða hafa
glímt við geðsjúkdóm. Frá því
að sjóðurinn var stofnaður hafa
um hundrað manns verið styrktir
til náms.
„Þetta er svo brýnt málefni.
Rauði krossinn rekur hér í
Hafnarfirði Lækinn, sem er at-
hvarf fyrir fólk með geðraskanir,
og ég hef kíkt þangað í kaffi-
sopa sem og í athvarf þeirra við
Hverfisgötu í Reykjavík. Ég hef
mikinn áhuga á þessu öllu;
mannlegu eðli og mannlegu óeðli
og þessi áhugi vex bara.“
Síðustu ár verið
mikill skóli
Bryndís er þessa dagana á fullu
að syngja og skemmta út um
allar trissur og svo er öðru
hverju „í búðarleik“ eins og hún
orðar það sjálf en vinafólk henn-
ar á verslunina Systur og maka
við Laugaveg þar sem Bryndís
stendur stundum vaktina. Það er
mikið líf á Laugaveginum og
gaman að vera í daglegum sam-
skiptum við alls konar fólk að
sögn Bryndísar.
En er ástin ekkert að banka
upp á?
„Ég kýs að svara eins og Páll
Óskar Hjálmtýsson sagði ein-
hvern tímann þegar hann var
spurður af hverju hann ætti ekki
kærasta: „Maður þarf fyrst að
taka til heima hjá sér áður en
maður býður einhverjum í heim-
sókn!“ Góður vinur minn spurði
mig hvort ég ætlaði ekki að
skella mér á deit og ég var
svona efins í svörum, hvort það
væri nokkuð ráðlegt eins og
stæði. Þá sagði hann við mig:
„Sko, Bryndís mín. Stefnumót er
stefnumót, þú þarft ekki að
flytja inn á hann!“ segir Bryndís
og skellihlær.
„Þetta lýsir mér kannski svo-
lítið, ég verð alltaf svo sjúklega
barnalega ástfangin og hrifnæm
að það er vandræðalegt. Síðustu
ár hafa verið mikill skóli í þess-
um málum. Í dag veit ég hvað
ég vil og ég veit hvað ég á skil-
ið. Ég veit líka að andlegt of-
beldi í sambandi getur drepið,
það er bara þannig, og ég stíg
varlega til jarðar þótt ég sé
ekki með karlmannsfælu framan
á húsinu. Ástin bankar líka upp
á einhvern daginn og þá verð ég
tilbúin.“
„Mér þykir ofboðslega vænt um að heyra
fólkið sem stendur mér næst segja mér hvað
það er mikill munur á mér. Að það sjái
hvernig ég er að snúa aftur til míns fyrra
horfs, það sé himinn og haf þar á milli,“ segir
Bryndís Ásmundsdóttir leikkona.
Morgunblaðið/Eggert
18.10. 2015 MORGUNBLAÐIÐ SUNNUDAGUR 13
Franz Gunnarsson, með Bryndísi í hljómsveitinni
Búðabandinu í fjöldamörg ár.
Kostir: „Hún er traust vinkona sem alltaf er hægt að
leita til. Gífurlega hress týpa með smitandi gleði þegar
vel liggur á henni. Frábær skemmtikraftur sem leggur sig
alla fram á sviðinu, einstaklega gott að vinna með henni í
músíkinni.“
Gallar: „Það er einn hrikalegur galli sem hefur fylgt Bryndísi síðan ég
kynntist henni í grunnskóla og sá er að allan þennan tíma hefur aldrei
komið út sólóplata með henni. Ég bara hreinlega skil það ekki.“
Bryndís Björk Ásgeirsdóttir vinkona.
Kostir: „Bryndís er einstaklega hjartahlý og yndisleg mann-
eskja, algert sjarmatröll, skemmtileg og hugmyndarík. Ég
stend mig í sífellu að því að dást að hugrekki hennar og
þrautseigju. Hún er mikill orkubolti og er drifin áfram af
ástríðu fyrir því sem hún gerir.“
Gallar: „Hún hefur kosti sem geta orðið gallar við ákveðnar að-
stæður. Hún er til dæmis svo drífandi og tilbúin til að koma hlutum á
hreyfingu að hún á það til að fara dálítið fram úr sjálfri sér.“
Ilmur Kristjánsdóttir, bekkjarsystir í Leiklistarskóla
Íslands:
Kostir: „Bryndís er dugleg að halda heimili og ég tengi
það við leiklistarskólann því það var alltaf gott að koma
heim til hennar að hvíla sig. Hún átti fallega hluti og eld-
aði góðan mat. Maður fór heim til Bryndísar eins og að fara heim til
ömmu og láta dekra við sig. Bryndís er hjartahlý og vill fólki vel.“
Gallar: „Hún er eyðslukló, en það kemur sér vel fyrir alla sem um-
gangast hana, hún er mjög örlát.“
Hvað segir fólkið hennar?