Morgunblaðið - Sunnudagur - 18.10.2015, Qupperneq 28

HELGA MOGENSEN GAF STARFSFÓLKI RAUÐA KROSSINS
KRÖFTUGA SÚPU, MAÍSBRAUÐ OG PÖNNUKÖKUR. SÚPAN
FÓR VEL Í MANNSKAPINN SEM HITTIST HEIMA HJÁ FOR-
MANNI RAUÐA KROSSSINS Í REYKJAVÍK, KRISTÍNU S. HJÁLM-
TÝSDÓTTUR. GESTIR FÓRU SADDIR OG SÆLIR ÚT Í DAGINN.
Myndir og texti: Ásdís Ásgeirsdóttir asdis@mbl.is
B
lásið var til hádegisverðar fyrir fólkið í framfaraliði Rauða
krossins en Helgu Mogensen langaði til að gefa þessu dug-
lega og fórnfúsa fólki að borða. „Ég er bara að gefa þeim
kröftuga súpu svo þau geti haldið áfram með þessi stóru
verkefni,“ segir Helga sem bauð upp á tyrkneska kjötsúpu, maísbrauð
og pönnukökur. Þau tímamót eru um þessar mundir að Reykjavík-
urdeild Rauða Krossins, sem hefur verið í sérhúsnæði, er að flytja
starfsemi sína í Efstaleitið. „Með þessu erum við að þétta starfið og
að spara mikla fjármuni sem annars fóru í leigu. Við horfum fram á
það að þetta verði skemmtileg og gefandi samvinna til aukins þróttar
og betri árangurs,“ segir Sveinn Kristinsson, formaður Rauða kross
Íslands, sem mættur var svangur í matinn.
Dásemdarhádegisverður
„Maturinn er frekar alþjóðlegur, eins og Rauði krossinn, það er víða
komið við. Indverskst brauð og tyrknesk súpa og svo íslenskar pönnu-
kökur,“ segir Helga. Súpuna segir Helga vera svipaða og venjulega
íslenska kjötsúpu en heldur kryddaðri og í henni er meira grænmeti.
Kúskús er einnig í henni og heldur henni saman. „Hún er svo einföld
og yndisleg og maður getur búið hana til og átt í 2-3 daga og verið
alltaf jafn hamingjusamur með
hana. Ég bý ekki oft til maís-
brauðið en það er skemmtileg
tilbreyting,“ segir hún. „Pönnu-
kökurnar eru nokkuð klass-
ískar en með trönuberjaepla-
fyllingu. Dásemdarhádegis-
verður.“
Vilja nýta betur matinn
Helga hefur undanfarið unnið í
sjálfboðavinnu hjá Rauða
krossinum. Hún fer reglulega í
Konukot með mat. Fyrirtækið hennar, Úr eldhúsi Helgu Mogensen,
útbýr tilbúna rétti og selur í verslanir. „Þetta eru réttir sem fólk
grípur með sér heim eða í vinnuna,“ segir hún. Þar sem ég er nýj-
byrjuð að starfa sem sjálfboðaliði fannst mér tilvalið að hlúa að þeim
sem eru sífellt að hlúa að öðrum,“ segir Helga. „Ég hef verið að
ræða við Rauða krossinn og er í samvinnu við Kristínu Hjálmtýsdótt-
ur, formann Rauða krossins í Reykjavík,“ segir Helga en þær eru að
hefja samstarf um hvað sé hægt að gera við mat sem er að renna
út. „Í staðinn fyrir að henda matnum langar okkur að hitta versl-
unareigendur og athuga hvað sé hægt að gera meira. Það fer svo
mikið til spillis. Taka þátt í þessari alheimsbreytingu, þessari hug-
arfarsbreytingu sem á sér stað. Spennandi að sjá hvert það leiðir.“
Helga er sjálfboðaliði hjá
Rauða krossinum og fer oft
með mat í Konukot.
KRÖFTUG SÚPA FYRIR FÓRNFÚST FÓLK
Alþjóðlegur
hádegismatur
Þórir Guðmundsson, deildarstjóri Rauða krossins í Reykjavík, Árni Gunnarsson, stjórnarmaður
Rauða krossins í Reykjavík, Sigurður Örn Eyjólfsson sjálfboðaliði, Ragnar Þorvarðarson, varafor-
maður Rauða krossins í Reykjavík, Helga Mogensen matreiðsluhönnuður og eigandi Úr eldhúsi
HM, Kristín S. Hjálmtýsdóttir, formaður Rauða krossins í Reykjavík, Sveinn Kristinsson, for-
maður Rauða kross Íslands og Gunnhildur Sveinsdóttir, verkefnastjóri hjá Rauða krossinum.
* Í staðinn fyrir aðhenda matnumlangar okkur að hitta
verslunareigendur og
athuga hvað sé hægt
að gera meira. Það fer
svo mikið til spillis.
28 MORGUNBLAÐIÐ SUNNUDAGUR 18.10. 2015
Matur og drykkir
Þessi súpa er einföld en frábær á haust- og
vetrardögum.
Fyrir 6 til 8 manns
50 ml olífuolía
3 gulrætur meðalstórar smátt skornar
1 rófa meðalstór, smátt skorin
1 púrrulaukur, smátt skorinn
5 stk. vorlaukar, smátt skornir (til að skreyta
með)
1 sæt kartafla meðalstór, skræld og smátt
skorin
3 hvítlauksgeirar, afar smátt saxaðir
2 cm engifer, rifið niður
1 krukka pastasósa
1 ½ msk. gróft salt
½ tsk. pipar
½ tsk. allspice
2 tsk. turmerik
½ tsk. cayenne-pipar
3 lítrar vatn
1 stk. stór laukur, smátt skorinn
1 ½ kg lambakjöt, smátt skorið
50 g af kúskús
Byrjið á því að marínera kjötið.
MARÍNERING
50 ml olía
½ tsk. allspice
1 msk. engifer
1 msk. hvítlaukur
Hrærið saman og dreifið yfir kjötið og látið
liggja í 3 klst.
Bakið síðan í heitum ofni í 40 mín. við 140 °C. Strá-
ið saman við smá salti og svörtum pipar.
Þegar kjötið er tilbúið hellið þá næstum öllum
vökvanum af kjötinu en haldið smá eftir fyrir súpuna.
Byrjið á því að velgja 50 ml af olíu í góðum potti.
Setjið út í laukinn og hvítlaukinn og léttsteikið við
lágan hita. Setjið út í allt kryddið og grænmetið,
hrærið vel saman. Bætið vatninu út í og hækkið hit-
ann og látið suðuna koma upp og sjóðið í 15 mín.,
þá er pastasósan og kjötið sett í pottinn og áfram er
soðið í 15 mín., lækkið þá hitann. Ef þú kýst að hafa
kúskús í súpunni þá er það sett saman við hérna,
setjið lokið á og látið malla, allt upp í eina klst.
Auðvitað er súpan best daginn eftir og því lengri
suða því betri verður súpan og það á við þessa eins
og góða íslenska kjötsúpu. Smakkið súpuna til með
salti og sítrónusafa rétt undir lokin. Súpan er borin
fram með limesafa, kornbrauði og kóríander.
Kröftug vetrarsúpa með tyrknesku yfirbragði