Morgunblaðið - Sunnudagur - 18.10.2015, Side 34

Tíska
AFP
*Á Vogue-rás Youtube hefur tískugyðjanAlexa Chung tekið að sér að stýra áhuga-verðri þáttaröð um tísku. Þar fjallar Chungum ýmsar hliðar tískuheimsins og leitar eft-ir svörum við ýmsum spurningum varðanditískuheiminn. Þættirnir eru að sjálfsögðuaðgengilegir öllum og algerlega ómissandi
fyrir tískuunnendur.
Alexa Chung stýrir tískuþáttum á Youtube
H
vað er það sem heillar þig við tísku? Eitt af því sem heillar mig er
hversu margbreytileg hún er og að allir geti fundið sér eitthvað við hæfi
sem er „í tísku“. Fötin sem við klæðumst geta líka sagt svo margt og get-
ur tíska því að miklu leyti verið tjáningarform, til að mynda klæði ég mig
mjög oft eftir skapi. Það er líka svo skemmtilegt að sjá hvernig tískan fer í hringi –
ég veit ekki hversu oft ég hef hneykslast á klæðaburði móður minnar á gömlum
myndum en beðið hana að grafa þær flíkur upp seinna og skamma hana svo fyrir að
hafa hent þeim.
Hvernig myndir þú lýsa þínum fatastíl? Ég er mjög hrifin af beinum sniðum og
hlutlausum litum og fjárfesti helst í einföldum grunnflíkum sem ég poppa upp með
yfirhöfnum eða einfaldlega fallegum varalit. Ég er ein af þessum týpísku íslensku
konum sem eiga það til að ganga aðeins í svörtu og ég held að 90% af fataskápnum
mínum séu svört. Þótt ég kaupi mikið af svörtum fötum eru þau oftar en ekki úr
ólíkum efnum með ólíkri áferð. Ég reyni að vera dugleg að kaupa mér föt í öðrum
litum en enda þó oftast í dökkum litum eða jarðarlitum sem ég
para svo við svart. Ef ég finn flík sem ég fíla kaupi ég líka
stundum fleiri í öðrum litum. Ég er mjög hrifin af því að „lay-
era“, ef svo má að orði komast, sem getur komið sér mjög vel
fyrir kuldaskræfu í íslenskri veðráttu.
Áttu þér uppáhaldshönnuð? Ég á ekki neinn einn uppáhalds-
hönnuð þar sem ég fell oftast fyrir flíkum frá ólíkum hönn-
uðum. Ég er mjög hrifin af Olsen-tvíburunum og því sem þær
hanna en hef því miður aldrei eignast flík frá þeim – það er
nokkuð sem verður að bíða þangað til eftir lífið á námslánum.
Mínímalísk og klassísk hönnun heillar mig og mér finnst ég
sjá mest af því í Skandinavíu.
Hvert er þitt uppáhalds-tískutrend þessa stundina? Ég er
rosalega hrifin af yfirhöfnum og stórum þykkum peysum og
mér finnst það vera trend sem kemur alltaf aftur. Ég keypti
mér líka mínar fyrstu útvíðu buxur um daginn og ég er alveg
kolfallin fyrir þeim. Ég var mjög efins til að byrja með þegar
ég sá því trendi bregða fyrir í tísku-
tímaritunum en þegar ég rakst á
mjög fallegar svartar (en ekki hvað)
í Zöru um daginn ákvað ég að slá til.
Þær voru ekki lengi að koma sér vel
fyrir á topp 5-listanum yfir uppá-
haldsflíkurnar þessa dagana.
Áttu þér eitthvert gott stef, ráð eða mottó, þegar kem-
ur að fatakaupum? Ég get verið mjög hvatvís og þarf því
að hafa hemil á mér og reyni að staldra aðeins við áður en
ég ákveða að kaupa eitthvað, jafnvel hugsa það í einhverja
daga. Ef ég er ennþá að hugsa um flíkina viku seinna eða
jafnvel löngu seinna þá er eitthvað í hana varið. Þetta
gengur misvel hjá mér.
Er eitthvert ráð sem þú getur gefið varðandi fatakaup?
Dýrt er ekki alltaf betra þótt gæðin skipti að sjálfsögðu
máli. Stundum hef ég brennt mig á því að ætla að spara en
sit á endanum uppi með flík sem ég geng aldrei í eða ein-
faldlega skemmist stuttu eftir kaupin og þá er sparnaður-
inn ekki beint mikill. Annað sem ég hef lært eftir að ég
varð eldri er að velja mér föt eftir vaxtarlagi en ekki eftir
því sem er trendí þá stundina.
Hvað kaupir þú þér alltaf þótt þú eigir nóg af því? Yfir-
hafnir og peysur. Mér finnst ég aldrei eiga nóg af peysum.
Svartar flíkur eru svo nokkuð sem ég hreinlega fæ ekki
nóg af.
Hvaða þekkta andlit finnst þér með flottan stíl? Mér
finnst tískubloggarinn Maja Wyh ótrúlega smart en hún er
mikið í því að „layera“ eins og ég er svo hrifin af. Olsen-
tvíburarnir og Elizabeth systir þeirra eru einnig mjög ofar-
lega á listanum.
Hverju myndir þú aldrei klæðast? Bleikum 80’s-
glimmerkjól.
Áttu þér uppáhaldsflík? Þessa dagana hugsa ég að það sé
kápan mín; svört, hlý, mínímalísk og klassískt beint snið.
KLÆÐIR SIG EFTIR SKAPI
Íris Tanja klæðir sig gjarnan eftir
skapi og segir hún tísku að miklu
leyti ákveðið tjáningarform.
Morgunblaðið/Golli
Klassísk hönn-
un heillar
ÍRIS TANJA FLYGENRING, NEMI Í LEIKLISTARDEILD LISTAHÁSKÓLA
ÍSLANDS, ER MEÐ KLASSÍSKAN OG MÍNÍMALÍSKAN STÍL. ÍRIS
KAUPIR AÐALLEGA EINFALDAR GRUNNFLÍKUR SEM HÚN HRESSIR
UPP Á MEÐ YFIRHÖFNUM EÐA LITRÍKUM VARALITUM.
Sigurborg Selma Karlsdóttir sigurborg@mbl.is
Tískubloggarinn Maja
Wyh er með óaðfinn-
anlegan fatastíl.
Íris fjárfesti nýverið í
útvíðum gallabuxum.
Hönnun Olsen-tvíbur-
anna hjá tískuhúsinu The
Row er í miklu eftirlæti.