Morgunblaðið - Sunnudagur - 18.10.2015, Síða 48

Gítarleikarinn Páll Eyjólfsson stillir gítarinn
áður en tónlistin er flutt á æfingunni.
É
g fylgi vel ævintýraminninu í
verkinu,“ segir Ágústa Skúla-
dóttir, leikstjóri Rakarans frá
Sevilla, hinnar þekktu gam-
anóperu eftir Rossini, þegar hún
er spurð um það á hvað hún leggi áherslu í
upsetningunni. Óperan verður frumsýnd í
Eldborgarsal Hörpu í kvöld, laugardag.
Ævintýraminnið sem hún vísar til í verk-
inu er hið klassíska; prinsessan er lokuð
inni í turni af umsjónarmanni sínum sem
ætlar að giftast henni og hirða af henni
peningana. Til að frelsa hana og vinna ástir
hennar þá þarf greifinn að fara í tvöfalt
dulargervi því hann vill gera það án þess
að hún viti að hann er greifi.
Ágústa valdi því þá leið við uppsetn-
inguna á verkinu að feta hefðbundinn veg
en ekki setja verkið í skrýtinn búning.
Ágústa bætti þó tveimur karakterum við
verkið sem hún kallar óperuþernur sem
túlka með leikrænum tilburðum. „Þær eru
töfrakvendi sem eru til stuðnings Rosinu og
koma þessu öllu í höfn,“ segir hún sposk.
Kvenhetjan með minni
Íslendingasagnanna
Ágústa bendir á að flestir þekkja eitthvað í
fari allra persóna í verkinu og geta því
tengt við þær en þær eru skemmtilegar og
fjölbreyttar. „Kvenhetjan er mikill kven-
skörungur og býr yfir minni Íslend-
ingasagnanna. Hún heldur að það sé verið
að svíkja hana í ástum og þá ætlar hún að
velja þann versta í staðinn fyrir þann
besta,“ segir Ágústa.
Rakarinn er límið sem límir söguna sam-
an eins og titill óperunnar vísar til. Hann
er bragðarefur, lífskúnstner og hreinlega
léttir líf fólks með tilveru sinni, að sögn
Ágústu.
Gleði frá upphafi til enda
„Þetta hefur verið gleði frá upphafi til
enda. Við höfum unnið saman að því að
skapa þennan leikheim,“ segir Ágústa,
spurð út í samvinnuna með söngvurum og
hljómsveit sem Guðmundur Óli Gunnarsson
stýrir.
Þrjú hlutverk í verkinu eru tvöföld. Sig-
ríður Ósk Kristjánsdóttir og Guðrún Jó-
hanna Ólafsdóttir skiptast á að fara með
hlutverk Rosinu. Bjarni Thor Kristinsson
og Jóhann Smári Sævarsson eru í hlutverki
Doktor Bartolo, Kristinn Sigmundsson og
Viðar Gunnarsson í hlutverki Don Basilio.
„Ég er svo heppinn að vera með mjög leik-
hæfa söngvara sem eru á heimsmælikvarða.
Það er algjör lúxus þegar það tvennt fer
saman,“ segir Ágústa.
Hún segist hafa leyft öllum að koma með
innlegg sem þeir töldu að væri skemmtilegt
fyrir hlutverk sitt, í þeim heimi sem pass-
aði við þann sem búið var að skapa. „Ég er
svo heppin að vinna með svona tilboðsgóðu
fólki,“ segir Ágústa ennfremur um sam-
starfið.
Með titilhlutverkið, hlutverk rakarans
Fígaró, fer baritónsöngvarinn Oddur Arn-
þór Jónsson. Rakarinn frá Sevilla er mikil
gleðiópera með dramatískum tóni. Þessi
sýning er mjög sjónræn, litrík og falleg
sem einstakir galdramenn hafa náð að
töfra fram að sögn Ágústu. Í þessu sam-
hengi vísar hún til búninganna sem eru
„töfraðir“ fram af stakri snilld af bún-
ingahönnuðinum Maríu Ólafsdóttur. Leik-
myndina hannaði Daninn Steffen Aarfing
sem hefur starfað í óperuhúsum víða um
heim. Ljósahönnuður er Jóhann Pálmi
Bjarnason.
Aldrei vandamál, bara lausnir
Rakarinn frá Sevilla er sett upp í Eldborg
í Hörpu en sviðið þar er ekki hannað sem
leiksvið, eins og hefur áður komið fram.
„Þetta er eins og með hvert rými sem
maður fer inn í, maður tekur því fagnandi
sem er fyrir og er frábært og vinnur svo
með hitt. Aðrar hugmyndir kvikna sem
annars hefðu eflaust ekki komið í öðru
rými og því þarf maður að finna fleti og
hugsa út fyrir kassann. Það er aldrei neitt
vandamál, bara lausnir,“ svarar Ágústa að
bragði, aðspurð hvernig það hafi verið að
setja þetta óperuverk upp í Hörpu.
Á ÆFINGU RAKARANS FRÁ SEVILLA
Ævintýrið í forgrunni
ÍSLENSKA ÓPERAN FRUMSÝNIR Í KVÖLD RAKARANN FRÁ SEVILLA Í ELDBORG Í HÖRPU. LEIKSTJÓRINN ÁGÚSTA
SKÚLADÓTTIR LEYFÐI ÆVINTÝRAMINNINU Í VERKINU AÐ NJÓTA SÍN EN BÆTTI ÞÓ VIÐ TVEIMUR ÓPERUÞERNUM
SEM TÚLKA MEÐ LEIKRÆNUM TILBURÐUM. LJÓSMYNDARI MORGUNBLAÐSINS FÓR Á ÆFINGU Í VIKUNNI OG
FANGAÐI LIFANDI OG ÁHUGAVERÐ AUGNABLIK.
Þórunn Kristjánsdóttir thorunn@mbl.is
Liprir fingur – Antonia Hevesi píanóleikari
Íslensku óperunnar spilaði á æfingunni.
Dagbjört Óskarsdóttir farðar Valgerði
Guðnadóttur fyrir hlutverkið hennar Bertu.
48 MORGUNBLAÐIÐ SUNNUDAGUR 18.10. 2015
Nýtt leikrit, „Fylgsnið“ eftir Hávar Sigur-
jónsson, verður frumflutt í Útvarpsleikhúsi
Rásar 1 á morgun, sunnudag, kl. 13. Í því seg-
ir af ungum manni sem glímt hefur við geð-
sjúkdóm frá barnsaldri. Hann ásakar föður
sinn í blaðaviðtali um að hafa beitt sig kyn-
ferðislegu ofbeldi í æsku en faðirinn neitar
öllum ásökunum og móðirin stendur með
honum. Þau segja ásakanir sonarins vera til-
hæfulausa óra og fjarri öllum sanni. Spurn-
ingar vakna um hver sé sannleikurinn, hver
sé sekur og hver saklaus. Leikstjóri verksins
er Hilmar Jónsson og leikarar Pálmi Gests-
son, Halldóra Rósa Björnsdóttir, Arnmundur
Ernst Backman Björnsson, Elías Óli Hilm-
arsson og María Ellingsen.
ÚTVARPSLEIKRIT FRUMFLUTT
FYLGSNIÐ
Nýtt útvarpsleikrit eftir Hávar Sigurjónsson
verður frumflutt í Útvarpsleikhúsinu.
Morgunblaðið/Styrmir Kári
Möguleikar teikningarinnar eru kannaðir og nýtt-
ir á sýningunni Frumdráttum og fyrirmyndum.
Myndlistarsýningin „Frumdrættir og fyrir-
myndir“ verður opnuð í Listasal Mosfells-
bæjar, í Bókasafni Mosfellsbæjar í Kjarnanum,
Þverholti 2, í dag kl. 15. Titill sýningarinnar
vísar til teikningarinnar sem tjáningarmiðils
og er sýningin samstarfsverkefni og stefnu-
mót listamannanna Guðbjargar Lindar, Jeans
Larsons, Kristínar Geirsdóttur og Ólafar
Oddgeirsdóttur. Viðfangsefni og hugmynda-
leg nálgun listamannanna eru ólík en verkin
eiga það sameiginlegt að í þeim eru kannaðir
og nýttir möguleikar teikningarinnar. Á Degi
myndlistar, 31. október, verður boðið upp á
listamannaspjall kl. 15.
SAMSÝNING Í MOSFELLSBÆ
FRUMDRÆTTIR
Sýningin „Gyðjur“ verður
opnuð í dag, laugardag, í
Listasafni Sigurjóns Ólafs-
sonar. Á henni má sjá
portrett af konum eftir
Sigurjón auk annarra
verka eftir hann sem eru
ýmist höggvin í stein eða
tálguð í tré, þar sem hinni
kvenlegu ímynd er lýst og
hún tekur á sig mynd gyðj-
unnar. Sýningin er sett upp í tilefni af því að í
ár eru 100 ár eru liðin frá því að íslenskar
konur fengu kosningarrétt. Eftir Sigurjón
liggja yfir 200 andlitsmyndir, flestar af karl-
mönnum í ábyrgðarstöðum, en kvenportrett
hans eru ekki eins þekkt, að undanskilinni
myndinni sem hann gerði af móður sinni árið
1938 en fyrir hana hlaut hann danska
heiðurspeninginn sem kenndur er við
gullaldarmálarann C.W. Eckersberg.
Sýningarstjóri er Birgitta Spur.
OPNUN Í SAFNI SIGURJÓNS
GYÐJUR
Eitt af verkum
Sigurjóns.
Menning