Morgunblaðið - Sunnudagur - 25.10.2015, Blaðsíða 20

Borgin Saint-Étienne er aðeins um
50 km vestan við stórborgina Lyon.
Huggulegur staður í fögru um-
hverfi. Íbúar eru um 200 þúsund.
Mikil námavinnsla var á svæðinu
fyrir margt löngu eftir að kol fund-
ust í jörðu. Það er löngu liðin tíð
en eitt margra merkilegra safna
borgarinnar rifjar upp þá tíma og er
sagt afar áhugavert.
Hönnun af ýmsu tagi skipar stór-
an sess í borginni og er hönn-
unartvíæringur fastur liður þar á
bæ. Menningarlíf er í blóma og í Sa-
int-Etienne og næsta nágrenni eru
hvorki fleiri né færri en 40 listahá-
tíðir sem draga að þúsundir gesta
árlega. Íþróttaáhugi er mikill. Einn
þeirra sem lék með liði borgar-
innar á sínum tíma var Michel Plat-
ini, besti knattspyrnumaður Frakka
á seinni hluta síðustu aldar.
Saint-Etienne
Ljósmynd/Cristophe Roy
Kastali skammt utan við Saint-Etienne. Víða er fallegt í sveitunum í kring.
20 MORGUNBLAÐIÐ SUNNUDAGUR 25.10. 2015
Ferðalög og flakk
F
rakkland er fjölsóttasta
ferðamannaland heims og
hefur verið um nokkurra
ára skeið. Fyrir þremur ár-
um komu alls 83 milljónir ferða-
manna til landsins og vert að geta
þess að þarna ræðir um fólk sem
„dvelur“ í landinu; ekki eru taldir
með íbúar annarra landa í álfunni
sem aka eða sitja í lest í gegnum
Frakkland á leið sinni.
Til samanburðar má geta þess
að sama ár komu 67 milljónir
ferðamanna til Bandaríkjanna og
58 milljónir ferðuðust til Kína.
En hvers vegna skyldi Frakk-
land vera svona vinsælt meðal
ferðamanna? Fyrir því er ugglaust
margar ástæðar.
Ein ástæða er gott veður: gríð-
arlegur fjöldi fólks kemur til þess
að njóta lífsins á ströndinni, að-
allega suður við Miðharðarhaf, á
Ríveríunni sem Fransmenn kalla
Cote d’Azur. Íslendingar hafa fæst-
ir uppgötvað það svæði ennþá, fara
frekar til Spánar, Ítalíu og landa
austar í álfunni. Ekki er gott að
segja hvers vegna en aðallega er
þó líklega um að kenna tungu-
málaerfiðleikum. Frakkar voru
ekki sérlega viljugir til þess að tala
ensku á árum áður en það er
reyndar mikið breytt og sú kynslóð
þjóna og annarra sem sinna ferða-
fólki dagsins í dag eru alla jafna
prýðilega mæltir á enska tungu.
Matur, vín og menning er einnig
mikið aðdráttarafl enda óvíða
meira og betra í boði en einmitt í
Frakklandi. Þar er hvert vínrækt-
arhéraðið öðru betra að finna,
mjög góð skíðasvæði og fleira
mætti tína til.
Í stuttu máli: Í Frakklandi er
fjölbreytnin í fyrirrúmi og óhætt
að segja að þar geta allir fundið
eitthvað við sitt hæfi.
EM Í FÓTBOLTA Í FRAKKLANDI
Hvergi fleiri
ferðamenn
ÚRSLITAKEPPNI EVRÓPUMÓTS KARLALANDSLIÐA
Í FÓTBOLTA FER FRAM Í FRAKKLANDI NÆSTA SUMAR.
KEPPT ER Í 10 BORGUM, FJÓRAR VORU KYNNTAR
UM SÍÐUSTU HELGI EN HÉR SEGIR AF HINUM SEX,
Í SUÐURHLUTA LANDSINS.
Skapti Hallgrímsson skapti@mbl.is
LILLE
LENS
PARÍS
SAINT-DENIS
SAINT-ÉTIENNEBORDEAUX
LYON
TOULOUSE NICE
MARSEILLE
Borgin Toulouse við Garonne-ána í
suðvesturhluta Frakklands er sú
fjórða stærsta í Frakklandi. Íbúar
innan borgarmarkanna eru tæplega
hálf milljón en á stórborgarsvæðinu
öllu býr liðlega milljón manna.
Toulouse er helsta miðstöð flug-
vélaiðnaðarins í Evrópu. Þar eru
m.a. höfuðstöðvar flugvélafram-
leiðandans Airbus, stærsti gervi-
hnattaframleiðandi álfunnar er þar
og aðalgeimferðamiðstöð Evrópu.
Í Toulouse er mikils virtur há-
skóli og einn sá elsti í Evrópu,
stofnaður árið 1229. Nemendur
þar eru ríflega 100.000.
Ekki er vandamál að komast til
og frá borginni; á milli Toulouse og
Parísar fljúga fleiri farþegar en á
milli flestra annarra borga Evrópu.
Toulouse
Ljósmynd/Manuel Huyn
Gengið á tunglinu! Geimskemmtigarður er í flugborginni miklu, Toulouse.
Bordeaux er hafnarborg við Atlantshafið. Þar búa um
250.000 manns en séu nærliggjandi byggðir taldar með
eru íbúar um milljón.
Í borginni er þekktur háskóli þar sem um 100.000
manns stunda nám, þar er einnig mikil starfsemi í
tengslum við flug og geimvísindi en borgin og raunar
svæðið allt er langþekktast fyrir vínframleiðslu.
Bordeaux stendur fyllilega undir því að vera nefnd
vínhöfuðborg heimsins þótt önnur svæði státi vissu-
lega af frábærum vínum.
Í Bordeaux er árlega haldin mikil hátíð, Vinexpo, og
umsvif í kringum vínræktina skipta sköpum. Vín hefur
verið framleitt á svæðinu síðan á áttundu öld og veltan
í þeim bransa er stjarnfræðileg.
Vín er ræktað á tæplega 120.000 hekturum lands og
talið að árlega sé léttvínum tappað á um það bil 960
milljón flöskur. Mikið er framleitt af „venjulegum“ vín-
um sem almenningur gæðir sér á daglega með matnum
en frá Bordeaux svæðinu er líka margt af því sem þykir
best í heiminum af rauðvíni og þar af leiðandi það dýr-
asta. Hvítvín þaðan eru líka talin afbragð, mörg hver.
Aðeins um fótbolta í lokin: landsliðskempan fyrrver-
andi, Arnór Guðjohnsen, lék með liði Girondins de
Bordeaux 1990 til 1992.
Höfuðborg frægasta vínræktarhéraðsins
Ljósmynd/Thomas Sanson.
Sólríkt er að sumarlagi í Bordeaux og borgin falleg og snyrtileg eins og myndin úr miðbænum ber með sér.
Býsna öruggt er að veðrið verður
gott í Nice við Miðjarðarhafs-
ströndina þegar EM fer fram næsta
sumar og upplagt að skella sér á
ströndina á milli leikja.
Hitinn var hátt í 30 stig hvern
einasta dag í júní í sumar og regn-
dropar sýna sig ógjarnan á svæð-
inu, nema hressilega einstaka kvöld
til að hreinsa loftið!
Borgin er kunn fyrir mikla
strandlengju þar sem heimamenn
og gestir hafa það notalegt alla
daga. Í nágrenninu eru margir litlar
bæir sem gaman er að skoða, bæði
meðfram ströndinni og uppi í hlíð-
unum og alla jafna hagstæðara að
gista þar en í borginni. Þá er stutt
til Cannes og Mónakó.
Gott er að fljúga til Nice að því
leyti að ferðalangurinn getur verið
kominn á gististaðinn fljótlega eftir
lendingu. Flugvöllurinn er nefnilega
á uppfyllingu steinsnar frá mið-
borginni og engum hefur nokkurn
tíma flogið í hug að færa hann …
Huggulegt við Miðjarðarhafið
Morgunblaðið/Skapti Hallgrímsson
Nýlegt almenningssvæði í miðborg Nice. Þarna var áður rútubílamiðstöð.