Morgunblaðið - Sunnudagur - 25.10.2015, Blaðsíða 35

25.10. 2015 MORGUNBLAÐIÐ SUNNUDAGUR 35
Þ
að er sko aldeilis ekki á hverjum degi sem smáhesturinn hnýtur
um eitthvað sem hann verður að eignast. Eftir mikla sparnaðar-
tíð þar sem ekkert hefur verið keypt í fataskápinn nema flíkin
sanni að hún geri raunverulega eitthvað fyrir smáhestinn (láti
hann virka hærri og grennri og allt það) virðist fjandinn vera við það að
verða laus.
Þetta er allt sænska móðurskipinu H&M að kenna. Árlega fá þeir
hönnuði til liðs við sig til að hanna sérstaka línu sem kemur í takmörkuðu
upplagi. Í svo takmörkuðu upplagi kemur dýrðin að um leið og dyrnar á
H&M opnast þennan tiltekna dag verður allt kreisí. Spariguggurnar, sem
flestar hafa beðið í röð í marga klukkutíma, missa það í orðsins fyllstu.
Í ár er það franska tískuhúsið Balmain sem hannar þessar línu fyrir
H&M. Við fyrstu sýn virtist þetta ekki vera neitt sérstaklega spennandi
en annað átti eftir að koma á daginn.
Smáhesturinn var í sakleysi sínu við dagleg störf, að keyra upp lest-
urinn á mbl.is, þegar hann rakst á Balmain H&M-línuna í heild sinni.
Hjartað tók nokkur aukaslög og þegar hann
skrollaði í gegnum hverja myndina á fætur
annarri fann hann hvernig blóðið fór að
streyma hraðar um æðarnar. Það sem heill-
aði mest við línuna fyrir utan klofstígvélin,
pallíetturnar, glansefnin og gullhnappana
var hvað mikil áhersla er lögð á mittislínuna.
Í tísku dagsins í dag þar sem allt er vítt og
sítt var þetta kærkomin tilbreyting.
Næst reif hann dagatalið upp af skrifborð-
inu með miklum tilþrifum, skoðaði dag-
skrána á dagatalinu og líka í Calendernum í
símanum, og velti því fyrir sér hvort það væri
einhver smuga að stinga af í einn sólarhring
eða svo.
Línan kemur í H&M 6. nóvember og þenn-
an dag er dagskrá smáhestsins þéttbókuð –
svo þéttbókuð að hann gæti ekki einu sinni
notað skítatrix á borð við „því miður er ég
tvíbókaður á fund“ eins og feðraveldið notar
svo gjarnan og heldur ekki sett jakkann sinn
á stólbakið í vinnunni eins og einu sinni tíðk-
aðist hjá ríkisstarfsmönnum.
Þegar þessar upplýsingar lágu fyrir fór
smáhesturinn að velta fyrir sér hvar í heim-
inum væri líklegast að spariguggur hefðu
ekki smekk fyrir Balmain. Það er nefni-
lega alltaf séns að komast í svona
hönnunargóss í borgum þar sem snobbað
er fyrir einhverju öðru. Smáhesturinn
þekkir það. Hann komst yfir Versace
H&M-góss í Berlín mánuði eftir að línan
kom í verslanir 2011. En það er bara vegna
þess að í Berlín eru hipsterarnir ekki með
gullkeðjur eða í rauðum buxum með gull-
rennilás og pálmatrjám.
Ljósið í myrkrinu er að þær séu allar orðn-
ar mittislausar þarna í Stokkhólmi en þangað
á smáhesturinn erindi á næstunni.
Eða þá að vönduðu Stokkhólms-
beibin hafi bara ekkert að gera við
gullhnappa, pallíettur og buxur með
100% glans. Þótt smáhesturinn hafi
fengið hland fyrir hjartað yfir þessari línu áttar hann sig líka á því að það
er auðvelt að líta út eins og „listdansari“ í þessum fötum (en auðvitað er
það smekksatriði). martamaria@mbl.is
Þessar víðu glansbuxur eru
truflaðar. Hér eru Kendall
Jenner og Gigi Hadid.
Hland fyrir
hjartað
Kendall Jenner og Oli-
vier Rousteing í teiti.
Hún klæðist fötunum úr
Balmain H&M línunni.
Rosie Hunt-
ington-Whiteley
í Balmain.
Ofuráhersla er
lögð á mittislínuna
eins og sést hér.
Nethyl 2 110 Reykjavík Sími 568 1245
Veitum fría ráðgjöf
fyrir tjónþola
Pantaðu tíma: fyrirspurnir@skadi.is
skadi.is
Þ. Skorri Steingrímsson,
Héraðsdómslögmaður
Steingrímur Þormóðsson,
Hæstaréttarlögmaður
Sérfræðingar í
líkamstjónarétti
Morgunblaðið
gefur út stórglæsilegt
Jólablað
fimmtudaginn 19. nóvember
PÖNTUN AUGLÝSINGA:
til kl. 12 mánudaginn
16. nóvember.
NÁNARI UPPLÝSINGAR GEFUR:
Katrín Theódórsdóttir
Sími: 569 1105 kata@mbl.is
Fjallað verður uppáhalds
jólauppskriftirnar að
veislumatnum,
grænmetisrétti,
jólasiði og jólamat
í útlöndum,
gjafapakkningar,
viðburði í kringum jólahátíðina,
jólabækur, jólatónlist
og margt fleira.