Morgunblaðið - Sunnudagur - 01.11.2015, Blaðsíða 28
28 MORGUNBLAÐIÐ SUNNUDAGUR 1.11. 2015
Matur og drykkir
S
ystkinin vilja bjóða upp á mat fyrir alla fjölskylduna með áherslu á
að venja börn á að borða hollan mat frá fyrstu tíð. Aðalheiður sér
um reksturinn en Guðmundur er matreiðslumeistari staðarins.
Hún er með bakgrunn í hótel- og veitingageiranum en hann á
langan kokkaferil að baki og hefur kokkað á Apótekinu og í Orkuveitunni
svo eitthvað sé nefnt. Nú hafa þau tekið saman höndum að gera vel við
gesti sína með hollum mat. „Aðaláherslan er á hollustu, það eru engin
aukaefni í matnum og við notum mikið árs-
tíðabundið íslenskt grænmeti,“ segir Aðal-
heiður og bætir við að innihaldslýsing sé ná-
kvæm á öllum réttum svo allir ættu að geta
fundið eitthvað við sitt hæfi, þrátt fyrir of-
næmi fyrir einhverju. Þau vilja hafa fjöl-
breytni á matseðli svo alltaf sé hægt að
prófa eitthvað nýtt. „Við breytum um mat-
seðil í hverri viku, og það er alltaf súpa og
salat,“ segir hún en þau leggja mikið upp úr
fersku hráefni og að elda allt frá grunni.
Einnig eru þau með viðskipti við fyrirtæki og
veisluþjónustu. „Við ætlum að auka fyrir-
tækjaþjónustu og vera með veisluþjónustu og
stefnum að því að fá vínveitingaleyfi, en það
er núna opið til níu öll kvöld nema um helg-
ar,“ segir Aðalheiður.
Gleðjast saman yfir dásamlegum mat
Aðalheiður og maðurinn hennar Hákon buðu góðum vinum í mat til að
smakka á sýnishornum af þeim réttum sem í boði eru á Lifandi markaði.
Það var notalegt andrúmsloft og létt yfir hópnum sem hittist reglulega yf-
ir góðum mat. Súpan var ljúffeng og bragðmikil en hún var borin fram
með dásamlegu súrdeigsbrauði og heimatilbúnu graskerspestói. Aðalrétt-
urinn var svo borinn fram, brakandi ferskur þorskur með salati og kart-
öflum og að lokum fengu gestir að smakka Súkkulaði Ganache og Kær-
leikskúlur. Allir héldu saddir og sælir út í dimmu og blautu haustnóttina.
Guðmundur leggur lokahönd á kvöldmatinn og Aðalheiður hjálpar til.
HOLLT OG GOTT FRÁ LIFANDI MARKAÐI
Lifandi
matarboð
SYSTKININ AÐALHEIÐUR OG GUÐMUNDUR GUÐMUNDS-
BÖRN ERU NÝIR EIGENDUR LIFANDI MARKAÐAR Í
BORGARTÚNI. ÁHERSLAN ER Á FERSKAN MAT
ELDAÐAN FRÁ GRUNNI OG VILJA ÞAU KENNA
BÖRNUM AÐ BORÐA HOLLT.
Myndir og texti: Ásdís Ásgeirsdóttir asdis@mbl.is
* Aðal-áherslaner á hollustu,
það eru engin
aukaefni í
matnum og við
notum mikið
árstíðabundið
íslenskt græn-
meti.
160 g pecan hnetur
150 g döðlur
70 g kókosmjöl
20 g kakó
50 g kókosolía við herbergishita
Saxið allt niður og þrýstið í botninn af formi.
Setjið 250 g hnetur í bleyti í 4 tíma,
takið úr vatni og maukið.
80 g kakó
250 ml vatn
100 g agave sýróp
100 g kókosolía
Hrærið öllu saman og setjið yfir botninn.
Setjið í frysti í 4 tíma og takið út klukkutíma
áður en borið fram. Stráið yfir kókósflögum.
Súkkulaði Ganache
1,5 l vatn
1 dós kókosmjólk
3 sætar kartöflur
1 spergilkálshaus
2 paprikur
2 laukar
5 tómatar
turmerik rót (3 stk söxuð)
engifer ( 3 cm rót söxuð)
1 tsk karry
Lífrænn grænmetiskraftur 1tsk
Skerið allt grænmeti gróft niður.
Sjóðið kartöflur og grænmeti í vatn-
inu og kókósmjólkinni ásamt krydd-
unum. Maukið með töfrasprota.
Sætkartöflusúpa
2 bollar ristuð graskers-
fræ
1 bolli olífuolía
4 hvítlauksgeirar
salt, pipar og
skvetta sítrónusafi
Ristið graskersfræin þar til að-
eins farin að brúnast. Setjið
allt í matvinnsluvél.
Berið fram með góðu brauði.
Graskerspestó