Morgunblaðið - Sunnudagur - 01.11.2015, Blaðsíða 31
1.11. 2015 MORGUNBLAÐIÐ SUNNUDAGUR 31
Börnum finnst gaman að láta lesa fyrir sig og lestur skiptir miklu máli
fyrir málþroskann. Hjá skólabörnum er heimalesturinn helsta heima-
verkefnið og mikilvægt er að hvetja eldri börn áfram í yndislestri og
setja gott fordæmi með því að skipta símanum út fyrir bók.
Lestur er bestur* Það er langbest fyrir lítil börn að venjasig við dálitla reglufestu. Sérstaklega efþau fá að setja reglurnar sjálf!
Astrid Lindgren – Lína langsokkur ætlar til sjós
Fjölskyldumeðlimir eru:
Á heimilinu í München búa
Ragnheiður Eyjólfsdóttir arki-
tekt, sem nýlega hlaut Íslensku
barnabókaverðlaunin fyrir bók-
ina Skuggasaga – Arftakinn, Sig-
urvin Friðbjarnarson, flug-
umferðarstjóri í flugturninum í
München, og sonurinn Högni Sig-
urvinsson, sem verður þriggja ára
í desember. „Kattarflikkið Giu-
liano ættleiddum við nýlega af vini
okkar hér í borg. Við grínumst
stundum með að við séum allt í einu
orðin fjögurra manna fjölskylda því
Giuliano vegur um það bil það sama
og sonurinn eða um tólf kíló.“
Þátturinn sem allir geta horft á?
„Hér í Þýskalandi horfum við með
syninum á hundinn Keks sem skott-
ast um og talar við ýmis önnur dýr.
Á eftir honum kemur örstuttur þátt-
ur um Sandmännchen, eins konar
Óli lokbrá, sem blæs á endanum
svefnryki yfir sjónvarpsskjáinn. Þá
vita öll börn í Þýskalandi að það sé
kominn háttatími. Við foreldrarnir
horfum svo saman á þættina Game
of Thrones þegar þeir eru í gangi en
Ragnheiður nýtir hins vegar oftast
kvöldin í að skrifa framhald bók-
arinnar.“
Maturinn sem er í uppáhaldi hjá
öllum?
„Við foreldrarnir erum miklir
nautnaseggir þegar kemur að mat
og vonumst til að smita Högna af
áhuga okkar með tímanum. Hann er
nefnilega töluverður gikkur. Í sumar
grilluðum við mikið, þá sérstaklega
grænmeti sem við ræktuðum sjálf í
garði sem við vorum með rétt fyrir
utan borgina.“
Skemmtilegast að gera saman?
„Hér í München er frábær dýra-
garður og við erum öll að sjálfsögðu
með árskort. Það er því oft farið
þangað til að skoða apana og ljónin.
Þess á milli finnst okkur sérlega
skemmtilegt að skjótast í Alpana og
fara í fjallgöngur eða á snjóbretti.“
Borðið þið morgunmat saman?
„Þar sem Sigurvin er í vaktavinnu er
allur gangur á hvort hann er heima á
morgnana eða ekki. Við reynum þó
að borða saman morgunmat eins oft
og hægt er og ræðum þá daginn sem
er í vændum og dagskrá hvers og
eins.“
Hvað gerið þið saman heima
ykkur til dægrastyttingar?
„Þar sem aldursbil fjölskyldu-
meðlima er frekar mikið þá
verðum við foreldrarnir oft að
láta okkur lynda að kubba turna,
flugvélar og stóra bíla til að halda af-
kvæminu góðu. Við erum þó dugleg
að baka og elda saman því þrátt fyrir
EFTIRLÆTI FJÖLSKYLDUNNAR
Alparnir, aparnir og kattarflikkið Giuliano
matvendnina er Högni frábær að-
stoðarkokkur og algjör herforingi
þegar kemur að eldhússtörfum.“
Samtökin English Heritage sem
vilja vernda breskan þjóðararf hafa
hvatt fólk til þess að skera út rótar-
grænmeti í stað graskera. Áður en
graskerið varð svona tengt hrekkja-
vöku var hefð fyrir því í Bretlandi að
skera hræðileg andlit út í næpur og
setja þær nálægt hurðum til þess að
hræða á brott illa anda, sögðu góð-
gerðarsamtökin í tilkynningu.
Á nítjándu öld byrjuðu innflytj-
endur í Bandaríkjunum, sem tóku
þessar hrekkjavökuhefðir með sér
vestur, að skera út í grasker í stað-
inn. Af graskerum var nóg í Vestur-
heimi og auk þess var miklu auð-
veldara að skera þau út. Næpuluktin
hefur því meira eða minna fallið í
gleymskunnar dá.
Til að minna á þessa hefð halda
samtökin upp á hrekkjavökuna með
hefðbundnum hætti og sýna fjölda
útskorinna næpa í Dover-kastala.
Þetta árið er sérstaklega mikil þörf
á því að hvetja fólk til að skera út í
rætur þar sem uppskerubrestur hef-
ur verið á graskerjum í Bretlandi
vegna vætutíðar.
SKERUM ÚT NÆPUR, EKKI GRASKER
Fara aftur í
ræturnar
AFP
Verslunareigendur!
Réttarhálsi 2, 110 Reykavík | www.gm.is | Sími 535 8500 | info@gm.is
Ítalskir pappírspokar
í úrvali
Flottar lausnir
til innpökkunar
allskyns vöru Eingöngu sala til fyrirtækja
Jólaskeið ERNU 2015 og
servíettuhringur ársins
Verð 21.500,-
Verð 12.500,-
Silfurmunir og skartgripir síðan 1924
ERNA
Skipholti 3 – Sími 552 0775 – erna.is
Í fyrsta sinn frá 1974
er jólaskeiðin
skreytt báðum megin.
Skeiðin er hönnuð af Ragnhildi Sif Reynisdóttur, gullsmið og hönnuði
og myndskreytt af Hildi Ingu Björnsdóttur, myndlistarmanni.
GULL- OG SILFURSMIÐJA