Morgunblaðið - Sunnudagur - 08.11.2015, Blaðsíða 26

R
ósa ákvað að tími væri kominn á súpubók en
sjálf eldar hún oft súpur við mikla ánægju
heimilisfólksins. „Þetta er þægileg matargerð
og í flestum tilfellum fjótleg og auðvelt að
búa til hollan og næringarríkan mat með því að setja
saman hollt hráefni í súpu,“ segir hún. Hún segist
hafa tekið eftir hvað súpur séu að verða vinsælar og
hefur fólk gjarnan súpur í saumaklúbbum, ferming-
arveislum og á öðrum mannamótum. „Ég fann fyrir
miklum áhuga á súpum. Þær eru algjörlega í tísku,“
segir hún og hlær.
Sjávarréttasúpa alltaf vinsæl
Rósa segist ekki geta gert upp á milli súpanna sem
hún eldar. „En ef ég er að bjóða góðum gestum
finnst mér sjávarréttasúpa einhvern veginn eiga við,“
SÚPUVEISLA Í HAFNARFIRÐI
ÚT ER KOMIN NÝ MATREIÐLSUBÓK EFTIR RÓSU GUÐBJARTSDÓTTUR, HOLLAR OG HEILLANDI
SÚPUR. RÓSA BAUÐ VINKONUM HEIM KVÖLD EITT Í VIKUNNI OG Á MEÐAN NORÐURLJÓSIN
DÖNSUÐU Á NÓVEMBERHIMNI, GÆDDU ÞÆR SÉR Á HEITRI OG LJÚFFENGRI FISKISÚPU.
Texti og myndir: Ásdís Ásgeirsdóttir asdis@mbl.is
Heit súpa á köldu kvöldi
Halla Sigurgeirsdóttir, Lára Janusdóttir,
Guðrún Þórhalla Helgadóttir, Unnur
Lára Bryde, Kristín Thoroddsen, Helga
Ingólfsdóttir, Helena Hauksdóttir og
Rósa Guðbjartsdóttir.
Morgunblaðið/Ásdís
segir hún en það er einmitt það sem hún býður vin-
konum sínum upp á í matarboðinu góða. Þar voru
saman komnar nokkrar vinkonur úr Hafnarfirði og
voru þær hæstánægðar með matseðilinn. Í forrétt
fengu þær kælda avókadósúpu sem Rósa bar fram í
litlum glösum með jarðarberjasalsa.
Í aðalrétt var svo borin fram dýrindis sjávarrétt-
asúpa með kókos og karrí. „Þessi súpa varð til hjá
mér fyrir mörgum árum en hún tekur þó sífelldum
breytingum í meðförum mínum í eldhúsinu en uppi-
staðan kókos, karrí og fiskur er alltaf í aðalhlutverki,“
segir Rósa.
Í eftirrétt var hollt hnetusmjörskonfekt sem var
himneskt með kaffinu. Óhætt er að segja að gestunum
hlýnaði að innan við góðan mat og skemmtilegan fé-
lagsskap og héldu þær brosandi út í nóvembernóttina.
Matur
og drykkir
Lime gerir allt betra
24 stundir/Valdís Thor
*Þessi litli græni ávöxtur sem vex á trjám víðaí hitabeltislöndum er ljúffengur í alls kynsrétti og drykki. Hann er fullur af C-vítamíniog því tilvalið að kreista smá út í vatnsglasiðeða nota hann til matargerðar. Hann erómissandi í indverskri, kínverskri og mexí-kóskri matargerð, enda vex mest af lime í
þessum þremur löndum. Prófið að kreista
smá út í súpuna, á fiskinn eða salatið.
1 msk. ólífuolía eða smjör
1 laukur, smátt skorinn
2-3 hvítlauksrif, marin
2-3 cm fersk engiferrót, rifin
2 tsk. karríduft
½ tsk. túrmerik
1 dós kókosmjólk, 400 ml
5 dl fiskisoð
50 g kókosþykkni (má sleppa)
salt og grófmalaður pipar
300-400 g sjávarfang, t.d. lax, rækjur eða hörpu-
skel
Mýkið lauk og hvítlauk í ólífuolíu eða smjöri við vægan
hita í potti í nokkrar mínútur. Bætið engiferi saman við
og karríi og túrmerik og blandið vel. Hellið síðan kók-
osmjólkinni út í og hrærið vel saman. Blandið fiskisoðinu
út í og látið suðuna rétt aðeins koma upp. Lækkið svo
hitann og látið krauma í nokkrar mínútur. Smakkið til
með salti og pipar. Ef þið viljið hafa súpuna enn rjóma-
kenndari er gott að bæta kókosþykkni (creamed coconut)
saman við hana.
Setjið síðan þá sjávarrétti sem þið notið í súpuna og
látið hitna í gegn, í tvær til þrjár mínútur. Alltaf að passa
að ofelda ekki fiskinn í súpum sem þessum.
Berið súpuna fram. Mér finnst nauðsynlegt að strá rist-
uðum kókos-flögum eða mjöli yfir hvern disk. Einnig er
gott að bera fram með súpunni gríska jógúrt, sýrðan eða
þeyttan rjóma, ferskt kóríander og límónubáta. Allt eftir
smekk hvers og eins.
Sjávarréttasúpa með kókos og karríi