Morgunblaðið - Sunnudagur - 15.11.2015, Blaðsíða 18
A
msterdam er einstaklega falleg borg
sem gaman er að heimsækja. Hún
er ekki stór en hefur alla kosti stór-
borgar. Rúmlega 800.000 manns búa
í borginni en 1,6 milljónir þegar nærliggjandi
svæði eru talin með. Hún er gömul og þétt-
byggð með góðum almenningssamgöngum svo
auðvelt er að komast á milli staða. Líka er
hægt að notast við uppáhaldsfararmáta inn-
fæddra; hjólreiðar, en hjólaleigur eru víða um
borgina.
U-laga síkin í miðborginni eru einkenn-
ismerki borgarinnar og setja mikinn svip á
hana. Sömuleiðis gömlu mjóu húsin í miðborg-
inni, sem hallast hvert að öðru sér til stuðnings.
Óhætt er að mæla með gönguferð í ljósaskipt-
unum en Amsterdam er rómantísk borg í eðli
sínu.
Þrjú söfn og tónleikahöll
Mikið er um að vera fyrir ferðamenn í borginni
og auðvelt að finna sér eitthvað að gera. Eitt af
því sem er sérstaklega gaman að gera í borg-
inni er að sækja söfn borgarinnar heim. Þar er
einn áfangastaður augljósari en annar en það
er svokallað Museumplein eða Safnatorg en við
þetta stóra opna svæði standa Rijksmuseum,
Stedelijk-safnið og Van Gogh-safnið auk Con-
certgebouw, tónleikahúss borgarinnar.
Rijksmuseum er risastórt þjóðarsafn sem var
opnað á ný eftir tíu ára endurbætur í apríl
2013. Safnkosturinn er heimsfrægur en í 80
galleríum er hægt að skoða 8.000 hluti sem fara
yfir 800 ára listasögu Hollands frá miðöldum til
Mondrian. Á meðal frægustu verka safnsins eru
Næturverðir Rembrandts og Mjólkurstúlka
Vermeers.
Stedelijk-safnið er nútímalistasafn en safnið á
gott úrval verka eftir Malevich og líka Cézanne.
Líka má skoða þarna skúlptúra, iðnhönnun,
ljósmyndir og innsetningar. Safnið var endur-
hannað og nýr vængur opnaður í september
2012.
Síðasta safnið í þessari upptalningu er Van
Gogh-safnið, sem opnað var í júní 1973. Safn-
byggingarnar eru teiknaðar af Gerrit Rietveld
og Kisho Kurokawa. Nýr inngangur, glerbygg-
ing á milli húsanna tveggja, var síðan opnaður í
september síðastliðnum. Þetta nýja svæði auð-
veldar safninu að taka á móti vaxandi fjölda
gesta. Ekki veitir af en árið 2013 heimsóttu
safnið 1,4 milljónir manna og var það þá annað
mest sótta safn landsins og númer 35 í röðinni
á heimsvísu. Árið 2014 voru gestirnir 1,6 millj-
ónir. Vel er hægt að mæla með því að spara sér
tíma í röð fyrir utan safnið með því að kaupa
miða fyrirfram á netinu. Eins og nafnið gefur
til kynna býr safnið yfir mesta fjölda Van
Gogh-málverka og -teikninga á einum stað í
heiminum.
Endurbætur síðustu ára hafa síðan gert safn-
atorgið sjálft að skemmtilegum stað til útivistar
en þar er kjörið að hvíla hugann og anda að sér
frísku lofti áður en næsta safn er heimsótt.
Ljósmyndir/Wikipedia
Nýja viðbyggingin við Van Gogh-safnið.
AMSTERDAM ER GÓÐ HEIM AÐ SÆKJA
Skemmtilegt
safnatorg
AMSTERDAM ER FALLEG BORG SEM BÝR YFIR MIKILLI MENNINGAR-
SÖGU OG FJÖLDA SAFNA SEM GAMAN ER AÐ SÆKJA HEIM FYRIR
UTAN AÐ VERA EINSTAKLEGA RÓMANTÍSK.
Inga Rún Sigurðardóttir ingarun@mbl.is
Borgin nýtur sín vel
í ljósaskiptunum.
Rijksmuseum og safnatorgið í forgrunni.
Nútímalistasafnið Stedelijk.
Ferðalög
og flakk *Ferðamálastofa Finnlands, Thisis-FINLAND, hefur látið búa til lyndis-tákn fyrir þjóðina og segist verafyrsta landið til að gera svo. Fyrstuþrjú lyndistáknin eru sánan (finnsktpar í gufubaði), sá óbrjótanlegi(mynd af Nokia 3310) og flösuþeyt-
arinn (rokkari að sveifla makk-
anum). Fleiri tákn eru á leiðinni.
Finnsk lyndistákn