Morgunblaðið - Sunnudagur - 15.11.2015, Blaðsíða 21

okkar. Og þeir leikmenn sem voru
stjörnur hjá okkur í sumar? Halló!
Ég segi ekki meira.“
Annars eru úrslitin aukaatriði í
þessu sambandi, Pétur segir þetta
fyrst og fremst hafa verið ofboðs-
lega gaman og Þorsteinn bætir við
að Grótta hefði mun frekar hafa
viljað kljást við þessa kappa en
jafnaldra sína enda þótt sénsinn
hefði þá líklega verið meiri.
Þetta er þriðja keppnisferð öld-
unganna í Gróttu til Bretlandseyja.
Fyrir hálfum öðrum áratug eða svo
glímdi liðið fyrst við Celtic (3:3) og
síðan Kilmarnock (2:4) í Skotlandi.
Tildrög Norwich-ferðarinnar eru
þau að einum leikmanna Norwich,
Gregg Broughton, var haldin
svakaleg steggjarveisla á Íslandi
fyrir jólin í fyrra. Þeir Ólafur Garð-
arsson, lögfræðingur og leikmaður
Gróttu, eru kunningjar og úr varð
að veislugestir skoruðu Gróttu á
hólm á Seltjarnarnesinu. Eftir þann
leik var strax rætt um að end-
urtaka leikinn ytra og reyndist það
auðsótt. Hafði Ólafur veg og vanda
af undirbúningi ferðarinnar.
Fagmennskan í fyrirrúmi
„Við vorum mjög spenntir að fara
utan en það runnu á okkur tvær
grímur þegar við vorum búnir að
senda leikmannalistann okkar út og
fengum listann þeirra til baka. Á
honum voru svakaleg nöfn,“ segir
Pétur.
Þeir segja fagmennskuna í fyr-
irrúmi í Norwich, liðsrútan hafi
sótt Gróttuliðið á lestarstöðina og
allt sem á eftir kom hafi verið til
fyrirmyndar. Umgjörðin kringum
félagið er frábær og Pétur og Þor-
steinn eru sammála um að þeir hafi
aldrei stigið inn á jafngott gras og
á æfingarvellinum, þar sem leik-
urinn fór fram. „Við komum þarna
morguninn eftir til að horfa á ung-
lingalið Norwich leika gegn Arsen-
al. Það var úrhellisrigning en það
sá ekki á grasinu,“ segir Þorsteinn.
Fyrir leikinn var Gróttumönnum
boðin greining á því hversu mikið
þeir myndu hlaupa í leiknum. Það
var pent afþakkað. Áður en flautað
var til leiks heilsuðust allir leik-
menn og dómarar, líkt og um úr-
valsdeildarleik væri að ræða.
Bæði lið fóru út að borða eftir
leikinn og þá tókst Gróttu að koma
fram ákveðnum hefndum. „Við
mættum vopnaðir bæði hákarli og
brennivíni og drógum það upp er
leið á kvöldið. Norwich-menn
smökkuðu allir og hlógu ógurlega á
milli þess sem þeir grettu sig,“
segir Pétur.
Vertinn á staðnum hafði hvorki
húmor fyrir brennivíninu né
hákarlinum, kvartaði sárann undan
lyktinni og vísaði sparkendum út.
Öllum með tölu. „Ég held það liggi
samt ennþá einn eða tveir bitar af
hákarli á gólfinu hjá honum til
minningar um þessa frábæru heim-
sókn,“ segir Pétur og hlær.
Hittu Gylfa Þór í lestinni
Daginn eftir var Gróttumönnum
boðið á Carrow Road að sjá leik
Norwich City og Swansea City í
úrvalsdeildinni. Þessi helgi var
raunar valin sérstaklega svo menn
gætu barið landa sinn, Gylfa Þór
Sigurðsson, augum. Heimamenn
unnu sigur, 1:0, og Gylfi hefur oft-
ast leikið betur. „Við vorum að
vona að Gylfi skoraði en Norwich
ynni. Við erum nefnilega allir orðn-
ir svolitlir Norwich-menn eftir
þetta ævintýri,“ segir Þorsteinn.
Eftir leik fóru Gróttumenn beint
upp í lest til Lundúna og hver hald-
iði að hafi beðið þeirra um borð?
Gylfi Þór Sigurðsson. Hann var
einnig á leið til Lundúna, þaðan
sem hann flaug til liðs við íslenska
landsliðið. Einhver kom auga á
kappann sem var hinn elskulegasti,
spjallaði lengi við hópinn og sat
fyrir á myndum með pöbbunum í
hópnum.
Grótta og Norwich skilja sátt. Að
kalla. Einhverjir Norwich-menn
stefna skónum hingað til lands
vegna REY Cup í júlí næstkomandi
og þá verður að sjálfsögðu leikið á
ný. „Þá munu þeir senda sinn leik-
mannalista fyrst,“ segir Pétur
ákveðinn. „Við höfum nefnilega að-
gang að nokkrum góðum til við-
bótar á Nesinu.“
Hann nefnir engin nöfn.
Og Garðar lokar samtalinu, eins
og sönnum rokkara sæmir: „Við
munum koma fram hefndum!“
Grótta og Norwich City í leikslok ásamt dómendum. Efri röð: Alex Neil, Pét-
ur Blöndal, Jimmy Unwin, Daniel Yeadon, Einar Sveinn Þórðarson, Matthew
Gill, Matthew Seago, Ólafur Garðarsson, Franz Ploder, Gregg Broughton,
Dean Kiely, Nick Fox, Pete Dye, Steinar Kristjánsson, James Lomax, Ingólfur
Garðarsson, Þorsteinn Stefánsson og aðstoðardómarar. Neðri röð: Adrian
Forbes, Adam Watkinson, Þór Sigurgeirsson, Kristinn Arnarsson, Alan Neil-
son, Garðar Guðmundsson, dómari leiksins, Örn Unnarsson, Matthew
Wright, Sigurður Sigurðarson, Mark Hallam, Vilhjálmur Alvar Halldórsson og
Darren Huckerby.
Markvörðurinn Kristinn Arnarsson, kallaður Kiddi blindi, Örn Unnarsson,
Franz Ploder, Þorsteinn Stefánsson og Vilhjálmur Alvar Halldórsson eftir leik.
Lið Gróttu gerir sig klárt fyrir Evrópuleikinn. Umgjörðin var til fyrirmyndar.
15.11. 2015 MORGUNBLAÐIÐ SUNNUDAGUR 21
Umferðarmiðstöðin BSÍ • 101 Reykjavík • 580 5400 • main@re.is • www.flugrutan.is • www.re.is
BSÍ - Umferðarmiðstöðin
Reykjavík
Keflavíkurflugvöllur
Kauptu miða núna á www.flugrutan.is
*Miðast við að keyptur sé miði fram og til baka frá BSÍ eða Keflavíkurflugvelli á 4.000 kr.
2.000 kr.*
FYRIR AÐEINS
Alltaf laus sæti Alltaf ferðir Hagkvæmur kostur
Frí þráðlaus internet-
tenging í öllum bílum
Ferðatími u.þ.b.
45 mínútur
Umhverfisvænt
VIÐ
SKUTLUM
ÞÉR!
Áætlunarferðir Flugrútunnar eru í
tengslum við allar komur & brottfarir
flugvéla um Keflavíkurflugvöll.