Morgunblaðið - Sunnudagur - 15.11.2015, Blaðsíða 38
C
harles Krauthammer er einn
snjallasti pistlahöfundur sem nú
lætur til sín taka. Pistla sína
skrifar hann í The Washington
Post og þeir birtast jafnframt í
400 öðrum dagblöðum og hefur
Telegraph nýlega bæst í þann hóp.
Penni sem bítur
Krauthammer er handhafi Pulitzer-verðlauna fyrir
verk sín og er að auki í hópi skákfréttaritara Banda-
ríkjanna.
Flesta virka daga vikunnar segir hann álit sitt á
helstu viðburðum dagsins á Sjónvarpsstöðinni Fox
og einu sinni í viku á PBS (Public Broadcasting Ser-
vice).
Krauthammer er læknir og sálfræðingur og starf-
aði áður við þær greinar. Úrval af pistlum hans
„Things That Matter“ kom nýlega út á bók og trón-
aði efstur á metsölulista NYT. Elja mannsins og yf-
irferð er með nokkrum ólíkindum. En þau verða
fyrst undraverð þegar hugsað er til þess að Kraut-
hammer lamaðist ungur mjög illa eftir að hafa
stungið sér til sunds í of grunna laug. Læknanámi
lauk hann liggjandi í sjúkrarúmi sínu þar sem náms-
efninu var varpað á loft stofunnar með skugga-
myndavélum.
Prófessorum læknadeildarinnar þótti svo mikið til
staðfestu sjúklingsins koma að þeir komu við á spít-
alanum eftir vinnu og fóru yfir einstök efni með lam-
aða námsmanninum.
Alltaf úr óvæntri átt
Stjórnmálalega þróaðist Krauthammer frá því að
vera demókrati að miðju bandarískra stjórnmála og
er hægt að segja að hann sé nú um flest hægra meg-
in við miðjuna. Enginn stjórnmálaflokkur, ein-
staklingur eða stefna getur þó gengið að Charles
Krauthammer algjörlega vísum, eins og pistlar hans,
hárbeittir en hófstilltir, bera með sér.
Pistlar á borð við Krauthammers eru sjaldgæfir í
fjölmiðlum nútímans, jafnvel á fjölmennum mál-
svæðum þar sem úrtakið er stórt. Og lengi mætti
leita í fjölmiðlum hér á landi, svo ekki sé minnst á
stóryrtu pistlana á netinu, sem fæstir standast lág-
markskröfur. Ekki mun hver og einn, sem fylgist
með þessum pistlum samsama sig öllu því sem þar
er sagt. En röksemdafærslan og óvænt nálgun gríp-
ur flesta hugsandi menn. Krauthammer kann fyrir
sér á fleiri sviðum en títt er um skríbenta og er fátt
óviðkomandi. En hann er um leið gætinn og varfær-
inn, en missir þó hvorki snerpu né tök sín á lesand-
anum.
Íslendingur hjó eftir því þegar hann vitnaði í írska
skáldið William Butler Yeats sem hefði sagt frá ís-
lenskum bændum sem fundið höfðu höfuðkúpu í
kirkjugarði og bauð í grun að hún kynni að vera
skáldsins Egils: „Hin mikla beinaþykkt kúpunnar
sannfærði þá um að svo hlyti að vera. En til þess að
geta verið algjörlega vissir stilltu þeir kúpunni á
grjótvegg og lömdu hana hressilega með hamri.“
Þegar hún brotnaði ekki við höggin „voru þeir ekki í
minnsta vafa um að hauskúpan væri af skáldinu og
að henni bæri að sýna mikla virðingu í öllum efnum.“
Krauthammer segir svo: „Hin ríka mannlega til-
hneiging til að kanna gildi hluta með því að sjá
hversu vel þeir standist vonda meðhöndlun – hin
ósjálfráða athöfn að sparka í hjólbarða á notuðum bíl
– er forn mjög, og ef marka má Yeats, stöku sinnum
sjarmerandi venja.“
Krauthammer sjálfum hefur eins og ósjálfrátt þótt
rétt að setja dálítinn fyrirvara gagnvart hinni ágætu
heimild.
Í framhaldinu dregur hann ályktanir og þráður
slitnar aldrei.
Sagan hefur betur
Það einkennir mörg skrif Krauthammers að hann
telur einsýnt að þótt margur leggi sig fram um að
lagfæra söguna öðrum í óhag eða sjálfum sér í hag
Morgunblaðið/Eggert
Kjánar, kjaftaskar, tröll-
karlar eða -kerlingar eiga
ekki seinasta orðið
Reykjavíkurbréf 13.11.15
38 MORGUNBLAÐIÐ SUNNUDAGUR 15.11. 2015