Morgunblaðið - Sunnudagur - 22.11.2015, Blaðsíða 28
Jólaskeið ERNU 2015 og
servíettuhringur ársins
Verð 21.500,-
Verð 12.500,-
Silfurmunir og skartgripir síðan 1924
ERNA
Skipholti 3 – Sími 552 0775 – erna.is
Í fyrsta sinn frá 1974
er jólaskeiðin
skreytt báðum megin.
Skeiðin er hönnuð af Ragnhildi Sif Reynisdóttur, gullsmið og hönnuði
og myndskreytt af Hildi Ingu Björnsdóttur, myndlistarmanni.
GULL- OG SILFURSMIÐJA
28 MORGUNBLAÐIÐ SUNNUDAGUR 22.11. 2015
Þeim er vorkunn greyjunum,jólasveinunum þrettán, semkoma til byggða með gjafir
í poka fyrir börnin í landinu. Verk-
ið er erfitt því mörg eru börnin og
veðrið og færðin oft slæm.
Í nýrri bók eftir blaðamanninn
Ómar R. Valdimarsson og móður
hans og listakonuna Dagmar Agn-
arsdóttur, eru gömlu íslensku jóla-
sveinarnir loksins komnir með að-
stoðarmenn, sennilega ekki að
óþörfu. Þeir lenda að vonum í
mörgum ævintýrum á ferð sinni
um landið. Þeir sofa yfir sig, týna
gjöfum, borða óvart jólamatinn og
detta í snjóskafla, sem er bara al-
gengt í svona starfi. En allt fer vel
að lokum og börnin fá í skóinn, þó
að sum þeirra þurfa að sætta sig
við kartöflu.
Fjölskylda og vinir
fyrirmyndir
Hugmyndin kviknaði hjá Ómari
fyrir nokkrum árum þegar hann
var að segja dóttur sinni sögur af
jólasveinunum á köldum desem-
berkvöldum. „Mig langaði bara að
segja stelpunum mínum sögur. Ég
gerði fyrst nokkrar sögur en þá
kom upp sú hugmynd að gera eina
sögu fyrir hvern jólasvein og þau
ævintýri sem hann lendir í þegar
hann kemur til byggða. Þetta er
svolítið mikið verkefni að gefa öll-
um börnum Íslands í skóinn á einu
kvöldi þannig að ég fór að velta
því fyrir mér hvort það væru ekki
einhverjir að liðsinna þeim. Og þá
kom hugmynd að taka eins konar
íslenskt huldufólk inn í þetta, sem
væru hjálparkokkar,“ segir Ómar
en hann notar gjarnan vini og
vandamenn sem fyrirmyndir af
persónum. „Konan mín er til dæm-
is óþekka stelpan,“ segir hann og
skellihlær. „Þessi gæðakona!“ segir
Dagmar um tengdadóttur sína
hlæjandi.
Sögurnar eru þrettán og segja
frá ýmsum raunum sem jólasvein-
arnir lenda í á ferð sinni um land-
ið. Bókin er ætluð öllum börnum
sem trúa á jólasveininn. „Jóla-
sveinar koma með í skóinn hjá öll-
um sem trúa á hann,“ segir Óm-
ar. „Þetta hverfist um eitt barn
hverju sinni en það er engu að
síður oft getið hvar jólasveinninn
hefur verið áður,“ segir Ómar en
börn vina hans og dætur eru þar
persónur.
Segir móður sína ofvirka
Þegar Ómar var búinn að koma
nokkrum sögum niður á blað
ákvað hann að leita til móður sinn-
ar sem er að hans sögn hans uppá-
haldslistamaður. Hún tók vel í það
að myndskreyta bókina og ákváðu
þau þá að gefa sögurnar út í bók.
Dagmar, sem er hárgreiðslukona,
fór að læra myndlist þegar hún
bjó í Malasíu árið 1999 og síðan þá
hefur hún numið myndlist í Taí-
landi, á Jakarta og í Kenía og
haldið sýningar víða. Næsta sýning
verður einmitt opnuð 26. nóvember
í menningarsalnum í Hrafnistu í
Hafnarfirði. Hún vinnur aðallega í
olíu, en einnig með vatnslitum,
bleki og kolum. Á daginn rekur
hún hárgreiðslustofu ásamt annarri
konu á Hrafnistu í Reykjavík. Þeg-
ar hún er ekki að vinna eða að
sinna list sinni slær hún Íslands-
met í kraftlyftingum. „Ég gerði
þetta aðallega fyrir barnabörnum,
stelpurnar. Nú segja þær, amma
mín er kraftlyftingakona!“ segir
hún. Síðar fór amman að keppa á
mótum og á núna, tveimur árum
síðar, 26 Íslandsmet í sínum flokki.
„Hún væri ábyggilega greind með
ADHD eða að
minnsta kosti
ofvirkni,
kannski ekki at-
hyglisbrest,“
segir Ómar og
hlær. „Já, þú átt
ekki langt að
sækja það,“ segir
Dagmar við son
sinn. Þau hlæja
mikið saman
mæðginin og segja
samstarfið mjög
gott.
Teikningarnar
vann Dagmar með
vatnslitum og bleki.
„Ég las allar sög-
urnar og kom mér
inn í efnið,“ segir
Dagmar. Hún segist
ekki hafa skipt sér
af textanum hjá syninum og hann
ekki af hennar teikningum. „En
við vorum bæði sammála um að
við vildum nota gömlu jólasvein-
ana,“ segir Ómar.
Skapandi skrif tilbreyting
Ómar, sem er lögmaður, starfar
sem viðskiptablaðamaður hjá Blo-
omberg-fréttaveitunni en fann sér
tíma til að setjast við bókaskriftir.
„Þessi bók varð til á löngum tíma.
Þó að megnið af vinnu mömmu
hafi verið á síðustu metrunum
skrifaði ég þetta á mörgum mán-
uðum,“ segir hann. „Daglega er ég
að skrifa fréttir um viðskipti og
efnahagslíf og skrifa mikið af þurr-
um texta. Það er gagnlegt fyrir þá
sem lesa en ekkert mjög skapandi.
Maður verður stundum þreyttur á
því, ég tala nú ekki um þegar
maður er búinn að skrifa milljón
fréttir um gjaldeyrishöftin og líður
eins og maður sé alltaf að skrifa
sömu fréttina, þá er það ágætis frí
að fara í eitthvað allt annað,“ segir
Ómar.
Fékk sjálfur kartöflu í skóinn
„Maður sækir líka í sinn eigin
reynslubanka,“ segir Ómar um
hvernig sögurnar urðu til. „Eitt
barnið í sögunni fær kartöflu í
skóinn og er rosa ánægt með það
og lætur mömmu sína sjóða hana í
matinn um kvöldið. Það er ég!“
segir Ómar skellihlæjandi og
mamma hans segir að hann hafi
verið alveg brjálaður en hafi reynt
að snúa vörn í sókn með því að
biðja móður sína að sjóða hana í
matinn. „Kartaflan var svo fúl að
það var búið að teikna fýlukall á
hana,“ segir Ómar. Dagmar man
ekki hvað varð til þess að sonurinn
átti skilið kartöflu í skóinn. „Ég
held þetta hafi verið gott, hann
átti það skilið og ég held að hann
hafi lært af þessu,“ segir hún.
„Þetta situr í mér! Eins og þú
heyrir,“ segir hann og grínast með
að hann sé að skrifa sig frá þess-
ari sáru reynslu. „Þú fyrirgefur
mömmu þinni?“ spyr ég. „Já, ef
bókin gengur vel!“ segir hann og
horfir á strangur á móður sína í
gríni. Þau segja samstarfið gott.
„Þetta var skemmtilegt ferli og
gaman að vinna með mömmu!“
segir Ómar og Dagmar tekur und-
ir það.
Hrekkir vini
sína í leiðinni
Ómar segist nota tækifærið í bók-
inni til að hrekkja vini sína örlítið
að jólasveinasið. „Einn vinur minn
er veiðimaður og þegar ég var að
skrifa bókina fór hann á rjúpu og
gekk illa. Jólasveinninn grínast
með þetta í sögunni. Svo er það
annar vinur minn sem er með
mjög stóra bumbu í bókinni, af því
að við erum alltaf að metast um
hvor sé með minni bumbu,“ segir
hann og hlær. „Ég las kaflann fyr-
ir hann og hann hafði húmor fyrir
þessu. En ég efast ekki um að
hann launi mér lambið gráa.“
NÝ JÓLASVEINABÓK EFTIR MÆÐGIN
Jólasveinarnir
þrettán fá
hjálp þetta árið
Mæðginin Dagmar og Ómar eiga heiðurinn af nýrri jólasveinabók og eru sumar sögurnar úr reynslubanka Ómars. Þau
rifja upp þegar hann fékk kartöflu í skóinn og bað móður sína að sjóða hana í kvöldmat.
Morgunblaðið/Ásdís
MÆÐGININ ÓMAR R. VALDIMARSSON OG DAGMAR AGN-
ARSDÓTTIR TÓKU HÖNDUM SAMAN EN ÚT ER KOMIN BÓK-
IN 13 SKRÝTNIR JÓLASVEINAR. ÓMAR SKRIFAÐI TEXTANN EN
MÓÐIR HANS, DAGMAR, MYNDSKREYTTI. Í ÞETTA SINN FÁ
JÓLASVEINAR HJÁLP FRÁ AÐSTOÐARFÓLKI. BÓKIN ER TIL-
VALIN FYRIR FORELDRA OG BÖRN Í AÐDRAGANDA JÓLA.
Ásdís Ásgeirsdóttir asdis@mbl.is
Fjölskyldan Memfismafían blæs til hátíðar á Kexinu sunnudaginn 22. nóvember klukkan 13 ítilefni af útgáfu Karnivalíu, barnabókaplötu Braga Valdimars Skúlasonar. Memfis-
mafían leikur lög, lesin verður hugvekja úr bókinni og auðvitað verður Karnivalía
til sölu á sérstöku hátíðarverði. Kakó, kaffi og afasúkkulaði í boði prófessorsins.
Karnivalía og kakó