Morgunblaðið - Sunnudagur - 22.11.2015, Blaðsíða 42
Viðtal
42 MORGUNBLAÐIÐ SUNNUDAGUR 22.11. 2015
O
ft er talað um Íslandsvini og er þá átt við
kvikmyndastjörnur eða tónlistarmenn sem
hafa rekið hér inn nefið. En það má segja að
bandarísku hjónin Caleb og Tara séu alvöru
Íslandsvinir en þau hafa komið hingað sjö og
átta sinnum síðan 2007. Þau eru þó hvorug fræg en starfa
bæði við listir af ýmsum toga, hún við myndlist og hann við
kvikmyndalist og tónlist í heimabæ sínum, Harrisburg í
Pennsylvaníu. Þau drýgja tekjurnar með kennslu á milli þess
sem þau stunda sína list og segja bæði að Ísland hafi haft
mikil áhrif á listsköpun sína. Íslensk tónlist hefur skipað sér-
stakan sess í lífi þeirra allt frá þau kynntust verkum Syk-
urmolanna en nú orðið þekkja þau íslenska tónlist betur en
margur Íslendingurinn.
Átti íslenska nágranna
Íslandstengingin nær langt aftur hjá Caleb því sem barn
átti hann íslenska nágranna, Guðjón B. Ólafsson hjá Ice-
land Seafood Corporation og fjölskyldu en sonur Guðjóns
og Caleb urðu vinir. Hann rifjar upp minningu frá heim-
sókn til fjölskyldunnar. „Ég gleymi aldrei að í einu her-
berginu hjá þeim var harpa. Og hún var risastór, mun
hærri en ég var. Eitt sinn kom ég þangað og ein af dætrum
hans var að spila á hana. Þetta var eins og af öðrum heimi
fyrir mér; ég, þessi ameríski strákur, að sjá þessa ljós-
hærðu íslensku unglingsstúlku spila á þessa risahörpu, það
var guðdómlegt. En svo urðum við Ólafur, yngsti sonurinn,
vinir,“ segir Caleb en bendir á að fleiri íslenskar fjölskyldur
hafi verið í hverfinu.
Caleb byrjaði strax sem unglingur að fá áhuga á íslenskri
tónlist. „Árið sem ég varð sextán kom út platan Life’s too
good með Sykurmolunum, og það var sumarið sem ég fékk
bílpróf og allt sumarið spilaði ég þessa plötu í bílnum og
þannig uppgötvaði ég að það væri til frábær tónlist frá Ís-
landi,“ segir Caleb.
Fengu ráð hjá Prins Póló
Tónlist er eitt af sameiginlegum áhugamálum þeirra hjóna
en Caleb er bassaleikari í hljómsveit. Þau þekktu bæði ís-
lenska tónlist þegar þau kynntust árið 2002. „Og þá byrjuð-
um við að skoða önnur bönd frá Íslandi og fundum mörg
sem við fíluðum og við fórum að fara á tónleika þeirra í
Bandaríkjunum,“ segir Tara og nefna þau Sigur Rós, Múm
og Prins Póló. „Við hittum hann (Prins Póló eða Svavar Pét-
ur Eysteinsson) í New York og spurðum hvaða stað við ætt-
um ekki að missa af að sjá ef við færum til Íslands og hann
sagði okkur að fara á Snæfellsnes. Hann skrifaði nafnið nið-
ur fyrir okkur og við fórum þangað strax í fyrstu ferðinni,“
segir Caleb. „Þetta var frábært ráð því það er svo fallegt þar
og einn uppáhaldsstaðurinn sem við höfum komið á hingað
til,“ segir Tara.
Urðu ástfangin af landinu
Það var svo það herrans ár 2007 að þau ákváðu að skella
sér til Íslands. Þau leigðu sér bíl og keyrðu hringinn. „Við
urðum bara ástfangin af landinu, af landslaginu, af menn-
ingunni og tónlistinni. Okkur leið svo vel, þetta var svo
heimilislegt og við fundum strax að við vildum koma aftur.
Og þannig hófst ástarsamband okkar við Ísland,“ segir Tara
og brosir. „Þetta var 2007 og það var allt svo dýrt þá, feng-
um lítið fyrir dollarann. Við borðuðum bara hrískökur og
hnetusmjör,“ segja þau hlæjandi. Þeim var ráðlagt af Prins
Póló að fara á kaffihúsið á Hellnum sem þau segja falinn
gimstein, einn af mörgum gimsteinum sem þau segjast hafa
fundið á Íslandi.
Kynntust For a Minor Reflection
Eftir þessa fyrstu ferð sneru þau heim og spilaði Caleb á
tónleikum þar ytra en á sömu tónlistarhátíð spilaði íslensk
hljómsveit skipuð ungum mönnum. Það var sveitin For a Mi-
nor Reflection en á þeim tíma voru allir meðlimir í þeirri
hljómsveit undir tvítugu. Með í för var því faðir Kjartans,
annars gítarleikara hljómsveitarinnar, Haukur Holm, sem
kom með sem bílstjóri og til að passa upp á strákana. Hauk-
ur og Caleb náðu strax vel saman. „Þetta var frábært, við
fengum að spila með strákunum og kynntumst Hauki og öll-
um í bandinu,“ segir Caleb en sá vinskapur hefur haldist síð-
an.
Flatey væri fínt himnaríki
Íslandsáhuginn var kviknaður fyrir alvöru og sumarið eftir
notuðu þau tækifærið á leið sinni til Evrópu til að koma við á
Íslandi. „Næsta sumar fórum við til Íslands í stutt stopp á
leið okkar til Evrópu og langaði að hitta Hauk og konu hans
Guðnýju í einn drykk en þá voru þau stödd í Flatey. Við vor-
um frekar spæld að missa af þeim þegar Haukur sagði okkur
að koma bara til Flateyjar,“ segir Caleb. „Það var ótrúleg
gjöf til okkar,“ segir Tara. Síðan þá hafa þau komið nokkrum
sinnum til Flateyjar og segjast alveg heilluð. „Fyrsta daginn
þar vöknuðum við í glampandi sól og gengum út á tún. Það
var svo ótrúleg upplifun, ef einhver hefði labbað upp að mér
og bankað í mig og sagt: Heyrðu, nú ert þú dáinn og þetta er
himnaríki hefði ég sagt: Allt í lagi,“ segir Caleb og Tara kink-
ar kolli. Þau segjast hafa orðið fyrir einhvers konar hug-
ljómun þar sem þau reyna að túlka í list sinni.
Voru „star struck“
Þau segja að íslensk tónlist sé bæði dulræn og töfrandi. „Það
er einhver sérstök tilfinning sem fylgir íslenskri tónlist, eitt-
hvað töfrandi,“ segir Tara. „Það er eitthvert andrúmsloft í
tónlistinni, eitthvað sem er undir áhrifum frá veðrinu, birt-
unni og landslaginu,“ segir Caleb.
Bæði hafa þau hlustað mikið á Björk í gegnum árin. „Hún
er ein af mínum uppáhaldstónlistarmönnum,“ segir Tara, en
þau fara alltaf á tónleika hennar þegar hún kemur til Banda-
ríkjanna. Sigur Rós er einnig í uppáhaldi en þegar Caleb og
Tara hittu Hauk og Kjartan fyrst í Bandaríkjunum höfðu
þau ekki hugmynd um tenginguna við Sigur Rós, en Georg,
bassaleikari Sigur Rósar, er sonur Hauks og bróðir Kjart-
ans. „Við vorum „star struck“ þegar við föttuðum það. Við
vorum nýbúin að horfa á kvikmyndina Heima þegar við hitt-
um Hauk fyrst,“ segir Caleb en hafa nú oft hitt þá Sigur
Rósarmeðlimi í gegnum Hauk.
Veðrið skiptir ekki máli
Hjónin hafa komið hingað nánast árlega frá 2007, hann átta
sinnum og hún sjö. „Fyrstu fimm skiptin var alltaf sól. Alveg
sama hvað við vorum lengi. En síðan fórum við að fá verra
veður. En það skiptir ekki máli. Við höfum komið til Havaí
og Kostaríka og allir dagar eru eins. Fallegt og sólríkt. En
hér er veðrið alltaf að breytast, oft á mjög dramatískan
máta,“ segir Tara.
Þau hafa komið víða; á Vestfirði, til Vestmannaeyja og far-
ið hringveginn. „Þetta er mjög auðveld eyja að skoða, hún er
ekki svo stór og auðvelt að skoða sig um,“ segir Tara. Þau
leigja sér alltaf bíl en núorðið fá þau að gista hjá íslenskum
vinum sem þau hafa kynnst í þessum Íslandsferðum. Hauk-
ur, Guðný og Starri sonur þeirra fóru í sumar og heimsóttu
þau hjón til Pennsylvaníu þegar þau héldu brúðkaupsveislu
en þau giftu sig nýlega og létu smíða hringana á Íslandi hjá
Hansínu Jensdóttur gullsmið.
„Draumalandið“ ótrúleg bók
Þau hafa mikinn áhuga á menningu og umhverfismálum og
hafa fylgst vel með fréttum héðan. „Íslendingar eru svo gest-
risnir og okkur finnst fólkið hér vera mjög opið og vinalegt í
garð okkar og menningin skemmtileg. Við vorum á Seyð-
isfirði og hittum Andra Snæ Magnason og hann var þar með
bókina sína Draumalandið en myndina höfðum við séð heima.
Bókin er ótrúleg. Hún segir svo margt um Íslendinga í fortíð
og nútíð. Og núna er hann að vinna með Björk í umhverf-
ismálunum. Maður skyldi ætla að bókin væri víti til varn-
aðar, en það virðist ekki vera. Pólitíkusarnir ráða, þeir sem
eru með peningana. Umhverfið er svo fallegt og maður skil-
ur ekki af hverju verið er að skemma það, eins og að virkja
Þjórsá, hvað er það?“ spyr Caleb.
Eldfjöll og svartar strendur
Áhrif frá íslenskri náttúru má nú sjá í listsköpun þeirra.
„List mín hefur breyst gríðarlega síðan ég byrjaði að koma
hingað. Landslag hefur alltaf heillað mig. Ég lærði á Írlandi
og það hafði áhrif á mig og núna Ísland. Ég nota mikið lín-
urnar í landslaginu, í fjöllunum hér, og líka fugla, og það
hvort tveggja hefur verið mikill innblástur í verkunum mín-
um,“ segir Tara. „Okkur finnst landslagið veita okkur svo
mikinn innblástur. Bara það að sjá eldfjöll og svartar strend-
ur og jökla er svo ólíkt því sem við eigum að venjast, þetta
er svo öðruvísi,“ segir hún og hann er sammála.
Norðurljós og Airwaves
Þau segjast hafa tekið eftir að Ísland er núna „í tísku“ en
fyrst hafi fólk orðið hissa á þessu flandri þeirra norður í
kuldann. Nú orðið er enginn hissa og allir þekkja einhvern
CALEB SMITH OG TARA CHICKEY HAFA TEKIÐ ÁSTFÓSTRI VIÐ ÍSLAND. ÞESSI HJÓN FRÁ
BANDARÍKJUNUM HAFA KOMIÐ HINGAÐ NÁNAST ÁRLEGA FRÁ 2007 OG UPPLIFA STERKT
BÆÐI NÁTTÚRUNA OG TÓNLISTINA SEM LANDIÐ HEFUR UPP Á AÐ BJÓÐA. ÞAU SEGJAST
FÁ INNBLÁSTUR FYRIR LIST SÍNA Í HVERRI ÍSLANDSHEIMSÓKN OG HYGGJAST KOMA OFT
AFTUR, ENDA HAFA ÞAU EIGNAST MARGA GÓÐA ÍSLENSKA VINI.
Ásdís Ásgeirsdóttir asdis@mbl.is
Í ástarsambandi
við Ísland