Morgunblaðið - Sunnudagur - 06.12.2015, Blaðsíða 18
18 MORGUNBLAÐIÐ SUNNUDAGUR 6.12. 2015
Heilsa og hreyfing
Það er engin lognmolla í boxfit-tímum enda
reynir mikið á þrek og þol. Ég er eins og svo
margir aðrir sífellt að prófa mig áfram í
líkamsræktinni því satt að segja finnst mér
fátt af því mjög skemmtilegt. En hreyfing-
arleysið gengur ekki og eitthvað verður
maður að gera. Ég skellti mér því á enn eitt
námskeiðið nýlega hjá Hress, í þetta sinn í
boxfit. Eins og nafnið gefur til kynna er box-
að og eru æfingar unnar í pörum. (Þú þarft
ekki að koma með æfingafélaga þó það sé
vissulega skemmtilegra og ýtir á mann að
skrópa ekki!) Boxfit virkar þannig að annar
er með boxhanska en hinn með platta og
skipst er á reglulega. Í tímunum er blandað
saman boxi, magaæfingum, styrktaræfingum
og hreyfingu eins og stuttu skokki í sal eða
hinum illræmdu „burpees“ en í þeim hend-
irðu þér á gólfið til þess eins að spretta upp
jafnharðan. Þetta er svo endurtekið eins oft
og kennaranum þykir henta. Sem er ansi oft!
Í tímunum er mikil keyrsla, hávær tónlist
og í mínu tilfelli brjálaður kennari sem öskrar
stanslaust nafnið manns í tíma og ótíma.
„Taka betur á því, Ásdís!“ „Engan aum-
ingjaskap, Ásdís!“ Ég reyni að ímynda mér
andlitið á kennaranum þegar ég lem af öllu
afli í plattann hjá félaganum.
Að öllu gríni slepptu og þótt undarlegt
megi virðast eru þetta með skemmtilegri
tímum sem ég hef farið í og klukkutíminn líð-
ur hratt. Svitinn lekur úr boxhönskunum og
það er mikið stuð. Eftir að sitja við tölvu all-
an daginn er frábært að fá líkamlega útrás
með því að berja eitthvað. Formið batnar
með hverjum tíma og líkaminn styrkist. Ég
stefni ekkert á frama í boxi en sé alveg fyrir
mér að skella mér strax á annað námskeið.
Og það er bara fínt að láta öskra svolítið á
sig! asdis@mbl.is
BOXFIT SAMEINAR ÞOLÆFINGAR OG BOX
Að finna boxarann í sér
Boxfit kemur fólki í gott form um leið og það fær útrás og hreyfingu eftir kyrrsetu dagsins.
Getty Images
Þ
órunn veit sínu viti þegar kemur
að glúteni og óþoli fyrir hveiti en
hún greindist með hveitiofnæmi
árið 2009. Hún heldur úti síðunni
gluten.is og fésbókarsíðunni Glútenfrítt líf
en í bókinni útskýrir hún á einfaldan
máta hvað það þýðir að vera með sjúk-
dóminn glútenóþol og hveitiofnæmi og
hvernig á að bregðast við því.
Glútenóþol er krónískur sjúkdómur
Glútenóþol, öðru nafni seliak, er krónískur
þarmasjúkdómur. Slímhúð þarma þolir
ekki glútenið og þeir skaðast og bólgna
ef þeir komast í snertingu við glúten.
Þetta er sjálfsofnæmissjúkdómur en þegar
glútens er neytt ræðst ónæmiskerfið á
slímhúð þarmaveggjanna. Við þetta koma
fram ýmis einkenni, einkum frá melting-
arvegi. Einkennin geta verið mismunandi
milli einstaklinga en eru til dæmis nær-
ingarskortur, þyngdartap, kviðverkir, nið-
urgangur, uppþemba, þreyta, þunglyndi,
höfuðverkur, sár í munni, exem og hár-
missir. Einnig getur fólk verið með sjúk-
dóminn án mikilla einkenna. Ef þig grun-
ar að þú sért haldin glútenóþoli er fyrsta
skrefið að fara í blóðprufu og ef sýnið
bendir til glútenóþols er framkvæmd
magaspeglun þar sem sýni er tekið úr
smáþörmum til að staðfesta greiningu.
Að forðast glúten ævilangt
Þórunn bendir á í bók sinni að eitt er að
hafa sjúkdóminn glútenóþol (seliak) og
annað að vera viðkvæmur fyrir glúteni, en
mörgu fólki líður betur af því að minnka
glúten í fæðu. Hins vegar þarf fólk með
sjúkdóminn alfarið að sniðganga glúten
ævilangt.
Þeir sem þjást af hveitiofnæmi þurfa að
sniðganga hveiti. Þórunn útskýrir hvernig
hún tókst á við það en í upphafi fannst
henni það mjög erfitt, enda hveiti í mjög
mörgum matvörum. Hún ráðleggur fólki
að hugsa um það sem það má borða,
frekar en það sem það má ekki borða. Sá
matur sem óhætt er að neyta og er glú-
tenfrír er kjöt, fiskur, ávextir, grænmeti,
ber, baunir, hnetur, fræ, egg og flestar
mjólkurvörur. Ýmislegt þarf að skoða vel
og vandlega og lesa þarf á umbúðir en
margar vörur innihalda glúten, eins og
unnar kjötvörur, pakkamatur, krydd-
blöndur, nammi, súpur og frystar mat-
vörur svo eitthvað sé nefnt. Það er sem
er á bannlista er brauð, pizzur, pasta,
spelt, rúgur, morgunkorn, bjór, malt, sinn-
ep og margt fleira.
Bólgnar upp við hveitið
Hveitiofnæmi er nokkuð sem margir þjást
af og er Þórunn ein þeirra. Hún segir að
hveiti sé í ótrúlega mörgu og henni
fannst það erfitt í upphafi að forðast all-
an mat sem innihélt hveiti. „Nú er þetta
ekkert mál, það er svo auðvelt að nota
eitthvað annað í staðinn fyrir hveiti í
bakstri til dæmis,“ segir hún en við-
urkennir að hún sakni þess að mega fá
sér malt og appelsín á jólunum. Hún
bendir á að ýmsar góðar kökuuppskriftir
innihalda ekki hveiti, eins og sörur, til að
mynda.
Ef hún neytir matar sem inniheldur
hveiti finnur hún vel fyrir því daginn eft-
ir, því hún bólgnar upp af bjúg, fær út-
brot og kláða og vanlíðan.
Opnaði fyrst vefsíðuna gluten.is
Fyrst þegar hún greindist með hveitiof-
næmið fannst henni lítið til af upplýs-
ingum um hveitiofnæmi og glútenóþol.
Hún ákvað því að stofna vefsíðu og fés-
bókarsíðu um þessi mál. Þegar Þórunn sá
hversu margir heimsóttu vefsíðuna og fés-
bókarsíðuna ákvað hún að skrifa bókina
því áhuginn virtist mikill og þörf á upp-
lýsingum og ráðum á einum stað. Í bók-
inni er einnig talað um snyrtivörur en
margar þeirra innihalda hveiti og þar af
leiðandi glúten. Þórunn gefur góð ráð
varðandi matargerð og birtir margar
girnilegar hveiti- og glútenlausar upp-
skriftir. Bókin er því góð leið til að fræð-
ast um glútenóþol og hveitiofnæmi og
hvernig hægt sé að lifa góðu lífi án glú-
tens eða hveitis.
BÓKIN GLÚTENFRÍTT LÍF KOMIN ÚT
Að lifa án glútens
* Þórunn ráðleggurfólki að hugsa umþað sem það má borða,
frekar en það sem það má
ekki borða. Sá matur sem
óhætt er að neyta og er
glútenfrír er kjöt, fiskur,
ávextir, grænmeti, ber,
baunir, hnetur, fræ, egg og
flestar mjólkurvörur.
ÞÓRUNN EVA GUÐBJARGAR THAPA VEIT ALLT UM GLÚTENÓÞOL
SEM ER KRÓNÍSKUR ÞARMASJÚKDÓMUR. ENGINN LÆKNING ER TIL
EN HÆGT ER AÐ LIFA GÓÐU LÍFI MEÐ ÞVÍ AÐ FORÐAST GLÚTEN
ALLA ÆVI. HÚN ER SJÁLF HALDIN HVEITIOFNÆMI OG HEFUR
ÞURFT AÐ BREYTA UM MATARÆÐI. NÝ BÓK EFTIR ÞÓRUNNI,
GLÚTENFRÍTT LÍF, LEIÐIR ÞIG Í ALLAN SANNLEIKANN UM
HVERNIG Á AÐ LIFA MEÐ GLÚTENÓÞOLI OG HVEITIOFNÆMI.
Ásdís Ásgeirsdóttir asdis@mbl.is
Getty Images/iStockphoto
Þórunn Eva skrifar um
glúten- og hveitilaust líf
í nýrri bók þar sem
einnig má finna girni-
legar uppskriftir.
Morgunblaðið/Ásdís
Vinsælt er að dýfa nachos í salsasósu eða ostasósu eða jarðarberjum í súkkulaðisósu svo ein-
hver dæmi séu nefnd. Fólk á það til að dýfa, bíta og dýfa aftur. Þetta ætti að forðast því að
rannsóknir sýna að með því að dýfa tvisvar skilur þú eftir hundruð baktería í skálinni í seinni
dýfunni. Vertu tillitssamur vinur. Dýfðu bara einu sinni hverjum bita.
Ekki dýfa tvisvar í salsasósu eða ídýfu