Morgunblaðið - Sunnudagur - 06.12.2015, Blaðsíða 23
AFP
Mikill viðbúnaður er við alla
helstu ferðamannastaði,
eins og Louvre-safnið.
Hermenn með al-
væpni við Notre
Dame-dómkirkj-
una. Nærvera
þeirra vandist
furðufljótt.
AFP
6.12. 2015 MORGUNBLAÐIÐ SUNNUDAGUR 23
Hann veltur inn í neðanjarðarlestina á síðkvöldi.
Kominn að niðurlotum vegna neyslu áfengis eða
fíkniefna, blessaður. Nema hvort tveggja sé. Vagninn
er yfirfullur, þannig að hans hlutskipti er að standa
við útganginn. Til allrar hamingju getur hann haldið
sér í þar til gerða slá. Ekki svo að skilja að hann færi
sér það í nyt enda með báðar hendur fullar; með
bjórdós í annarri og síma í hinni.
Hann reynir af veikum mætti að tala í símann en
fær af einhverjum ástæðum bara samband við út-
varpið. Ónafngreindir rapparar gelta á hann. En sú
svívirða! Hann reynir að malda í móinn en gefst
fljótt upp og kemur símanum með erf-
iðismunum fyrir í rassvasanum. Þreifar á
öðrum vösum, líklega eftir höfuðtólum, en
þau eru horfin veg allrar veraldar.
Þá er ekki annað í stöðunni en að vefja sér
sígarettu. Spennandi glíma er framundan
enda er hvorugt honum í hag, ástand hans
sjálfs eða aðstæður í lestinni sem gengur í
óvenjumiklum bylgjum á teinunum. Öllum
að óvörum rúllar hann verkefninu upp; ekki
svo mikið sem milligramm af tóbaki fer til
spillis. Verst að enginn er eldurinn.
Hann er á óræðum aldri og ónáðar ekki
nokkurn mann í vagninum, er bara í sinni
vídd. Laus við alla árásargirni og að því er
virðist sáttur við Guð og menn. Hann er alls
ekki illa til fara, nýklipptur og ekki útilokað
að hann hafi komist í steypibað á síðasta sól-
arhringnum. Kannski er þetta bara tilfallandi
uppsláttur á miðvikudagskvöldi – sem farið
hefur svona hressilega úr böndunum.
Vonum það, hans vegna.
Enn syrtir í álinn – bjórinn er á þrotum.
Hann leggur dósina að eyranu og hristir hana dug-
lega. Allur er varinn góður. Ekki er um að villast,
dósin er tóm. Veðbankar eru opnaðir umsvifalaust í
vagninum og allir viðstaddir setja evrur sínar á þann
möguleika að okkar maður annaðhvort leggi eða
fleygi dósinni frá sér. Það gerist ekki. Mönnum til
mikillar undrunar byrjar hann að brjóta dósina
vandlega saman. Fagmenn yrðu fullsæmdir af verk-
laginu.
Beint í körfuna
Lestin nemur staðar á næstu stöð. Dyrnar opnast
og hann veltur út á pallinn og gengur í einstaklega
óbeinni línu en þó ákveðið að ruslakörfu sem er í
sjónmáli. Treður samanbrotinni bjórdósinni í hana
að hætti Shaquille O’Neals. Tvö stig! Vagnverjum
fellur allur ketill í eld. Okkar maður er þá svona of-
boðslega mikið snyrtimenni. Getur ekki hugsað
sér að láta sitt eftir liggja – enda þótt hann líti út
fyrir að vita hvorki í þennan heim né annan. Vel
gert!
Ekki aldeilis nóg með það. Hann er hreint ekki á
leið út úr lestinni á téðri stöð. Snýr sér þvert á móti
á punktinum og tekur strauið, í álíka skakkri línu og
áður, aftur inn í lestina. Nær settu marki sek-
úndubroti áður en hurðin skellist á hæla honum. Fá-
ránlega vel gert! Já, þið skilduð þetta rétt, hann fór
bara út úr lestinni til að henda bjórdósinni í rusla-
körfuna. Og svo inn aftur.
Maður er greinilega aldrei of ölvaður til að henda
rusli. Munið það! Sorpa ætti að fá þennan ágæta
mann í auglýsingaherferð hjá sér.
Á næstu stöð yfirgef ég lestina og kveð okkar
mann með virktum að skilnaði. Óska honum alls
hins besta. Hann tekur nokkuð óvænt undir kveðj-
una með því að lyfta þumlinum. Í sama mund brunar
lestin af stað með hann. Eftir þessi stuttu kynni er ég
ekki í vafa um að hann veit upp á hár hvert hann er
að fara.
Annað myndi ekki meika sens.
Bráðskemmtilega sýningu á ljósmyndum Philippe Halsman var
að finna á neðanjarðarlestarstöðvum í París á dögunum. Meðal
annars þessa frægu mynd af listmálaranum Salvador Dalí.
Annálað snyrtimenni
www.smyrilline.is
Stangarhyl 1 · 110 Reykjavík
Sími: 570-8600 · info@smyril-line.is
Fjarðargötu 8 · 710 Seyðisfjörður
Sími: 472-1111 · austfar@smyril-line.is
Norræna siglir
í allan vetur
Bókaðu
núna!
Norræna siglir vikulega yfir vetrartímann frá Seyðisfirði til Færeyja og
Danmerkur. Hægt er að bóka ferðir í allan vetur á frábæru verði.
Þeim sem bóka sig er sérstalega bent á að kynna sér vel aukaskilmála vegna vetrarsiglinga.
Færeyjar
2 fullorðnir með fólksbíl
Netverð
á mann frá 34.500
Danmörk
2 fullorðnir með fólksbíl
Netverð
á mann frá 74.500