Morgunblaðið - Sunnudagur - 06.12.2015, Blaðsíða 36
36 MORGUNBLAÐIÐ SUNNUDAGUR 6.12. 2015
Græjur og tækni
Eftir því sem stafrænni tækni fleygirfram hafa myndavélar minnkað ogþær orðið meðfærilegri. Þetta sést
einna best á vélum eins og GoPro, sem
eru pínulitlar en þó geysiöflugar og hægt
að skella þeim á nánast hvað sem er –
skíðahjálm, brimbretti, reiðhjól, sundgler-
augu, flygildi, byssuhlaup og hanska, svo fátt eitt sé
talið. Afraksturinn af slíku getur og verið framúrskarandi
skemmtilegur, en hann getur líka verið óþægilega
skrykkjóttur. Stundum á það
reyndar við að upptakan sé
skrykkjótt, gefur bara meiri
stemningu, en oft langar mann
til að myndin verði ekki eins
hreyfð, að hún verði atvinnu-
mannslegri ef svo má segja,
enda nota atvinnumenn í kvik-
myndatöku oft milljónatól til að
draga úr hristingi og hreyfingu
í myndskeiðum.
Eitt af þeim tólum á sér forna sögu, kallast gimbal
upp á ensku, en kalla má jafnvægissnúð upp á íslensku.
Snúðurinn sá sér til þess að halda jafnvægi þegar allt fer
á hvolf í kringum hann, eða réttara sagt að apparat, til
dæmis áttaviti, nú eða myndavél, haldi réttri stöðu þó að
skip velti eða maður gangi eða hlaupi. Þannig tæki eru
til og mikið notuð í kvikmyndatöku, en hafa kostað veru-
legar fjárhæðir allt til þessa. Upp á síðkastið hefur þó
græjum með jafnvægissnúð fjölgað og ný vél frá DJI,
DJI Osmo, er gott dæmi um það.
DJI er kínverskt fyrirtæki og frægt fyrir sín flygildi,
eða dróna ef vill, sem búnir eru smámyndavélum frá fyr-
irtækinu. Smámyndavélum segi ég en þær taka engar
smámyndir – myndavélin í Osmo er til að mynda 4K vél,
tekur myndir sem eru allt að 4.000 x 3.000 dílar, 12 MP.
Osmo er ný græja frá DJI og hefur að vonum vakið
talsverða athygli, enda er það ágætis vitnisburður um það
hve langt menn eru komnir í kvikmyndatækni til al-
mannabrúks.
Á myndinni af tækinu sem fylgir greininni sést ekki
tengi fyrir farsíma sem fylgir annars vélinni, en það er
þá skrúfað ofarlega á tækið. Síðan tengir maður símann
við það með þráðlausri nettengingu, ræsir
smáforrit sem til er fyrir Android-síma og
iOS og getur þá séð á símanum það sem mynda-
vélin sér, aukinheldur sem hægt er
að sýsla með vélina, breyta
stillingum og þar fram
eftir götunum. Það tek-
ur smá tíma að setja
þetta upp, setja
símann í,
tengjast
Osmo-netinu
og síðan
ræsa smáfor-
ritið, en svo
virkar það frá-
bærlega eftir það.
Það er ævintýraleg upplifun að sjá hve vel tækið vinn-
ur, næstum því ótrúlegt að sjá og höktandi myndataka
verður eins og tökumaðurinn svífi
áfram. Þetta kemur í ljós ef
maður gengur af stað og enn
frekar þegar maður hleypur, nú
eða klofar yfir snjóskafla – það
er nóg af slíku fyrir kvik-
myndatilraunir sem stendur.
Stýringin er einföld og ekki
þarf síma til að taka mynd-
skeið. Á skaftinu eru hnappar
til að taka ljósmynd eða
kveikja á vídeóupptöku og einnig til að snúa myndavél-
inni til og frá, upp og niður á mjög þægilegan hátt.
Það er einnig hnappur framan á vélinni sem
maður smellir tvisvar á til að koma vélinni
sjálfkrafa í lárétta stöðu og ef maður smellir
þrisvar snýr hún sér að þeim sem heldur á
vélinni til að taka sjálfsmynd.
Hægt er að fá allskyns tengingar fyrir
snúðinn og skaftið; hjólafesting er til að
mynda fest þar sem símafestingin annars er –
það er líka hægt að hafa símafestingu og þá
símann í henni, en eðlilega þarf skaftið að vera
með – rafhlaðan er í því. Það gefur augaleið að
reiðhjólamyndband sem tekið er á vél með jafnvæg-
issnúð er betra en án hans, þó að hristingurinn á
myndskeiði með gamla laginu gefi sína stemningu.
Það er erfitt að meta galla tækja sem eru í sérflokki
og fátt út á Osmoinn að setja. Að því sögðu þá hefði raf-
hlaðan mátt endast lengur, þó ég hefði ekki viljað hafa
hana stærri um sig, og svo er vifta í myndavélinni til að
tryggja að hún ofhitni ekki og suðið í henni heyrist
greinilega ef innbyggði hljóðneminn er notaður.
DJI Osmo fæst í Fotovali og kostar þar 124.900.
KÍNVERSK JAFNVÆGISLISTAVÉL
EFTIR ÞVÍ SEM MYNDAVÉLAR VERÐA MINNI OG MINNI
VERÐUR UMBÚNAÐUR UM ÞÆR LÍKA FULLKOMNARI OG
FULLKOMNARI. ÖRSMÁA VÉL, SEM TEKUR ÞÓ STÓRAR
MYNDIR, ER HÆGT AÐ FESTA VIÐ ALLKYNS TÓL OG
TÆKI, FARARTÆKI ÞAR Á MEÐAL, OG SVO ER BÚNAÐUR
TIL AÐ TAKA MYNDIR AÐ HÆTTI ATVINNU-
MANNA FÁANLEGUR Á SKAPLEGU VERÐI.
* Málið á apparatinu er eðlilega nokkuðsnúið eins og sést á meðfylgjandi mynd,
en uppgefið er handfangið 61,8 x 48,2 x
161,5 mm að stærð. Það er nokkuð þungt:
skaft með rafhlöðu er 201 g og jafnvægissn-
úðurinn 221 g, 422 g samanlagt. Stillingum á
snúðnum má breyta í smáforritinu sem notað
er til að tengja síma og myndavél.
* Myndavélin er með Sony CMOS-myndflöguog skilar 12,4 MP linsan er 20 mm, f/2,8 og fók-
usinn nær í hálfan fjórða metra. Ljósnæmið ISO
100-3200 í myndskeiði, 100-1600 í ljósmyndun.
Hægt er að taka allt að 7 myndir í einni lotu
og líka Timelapse, sjálfvirka breiðmynd og
sjálfsmyndabreiðmynd.
* Myndbandsupptaka er mest UHD eða 4K(4.096 x 2.160 dílar) 24/25p og svo ýmis þrep
þar niðurávið í FHD og HD. Minniskortið í
vélinni er Micro SD og mest hægt að nota 64
GB kort í henni. Framan á vélinni er tengi fyrir
hljóðnema, en vegna viftunnar í vélinni þá er
ekki hægt að nota innbyggðan hljóðnemann í
henni nema þegar hljóðgæði skipta engu máli
eða litlu.
Græjan
ÁRNI
MATTHÍASSON
Það er góð þumalputtaregla að
taka sjálf stjórnina á græjum
heimilisins en láta ekki tæknina
stjórna. Til þess gæti þurft að
tileinka sér nýja hluti og læra
almennilega á græjurnar.
Tæknin stjórni ekki
Dean Martin er á leið upp á svið á ný, sem heilmynd. Heil-
myndin af þessum svala söngvara verður frumsýnd í Las
Vegas á næsta ári, að því er fram kemur í frétt Vanity Fa-
ir. Heilmyndin verður í háskerpu og er höfundur hennar
Hologram USA. „Ný kynslóð á eftir að verða fyrir miklum
áhrifum af því hversu mikill söngvari og skemmtikraftur
Dean Martin var,“ sagði framkvæmdastjóri Hologram
USA, Alki David, í tilkynningu. „Hann var konungurinn í
Vegas og bar höfuð og herðar yfir aðra skemmtikrafta og
er ímynd glæsimennskunnar og svalleikans.“
Áhorfendur eiga eftir að fá að heyra sígild lög Martins á
borð við „That’s Amore“ og „Everybody Loves Some-
body“. Í Vegas-sýningunni mun grín Jerry Lewis og Dean
Martin ennfremur verða endurvakið.
Búast má við því að heilmyndasýningum sem þessum
muni fjölga verulega. Með þessari tækni fær fólk að
minnsta kosti að komast nær hetjunum sínum.
Fyrr á árinu tilkynnti Hologram USA samstarf sitt við
Pat Houston um gerð heilmyndar af Whitney Houston
sem mun leggjast í ferðalög á næsta ári.
DEAN MARTIN HEILMYND
Lifnar við í Las Vegas
Rosemary Clooney verður ekki með í þetta sinn en grín
Dean Martin og Jerry Lewis verður rifjað upp.