Morgunblaðið - Sunnudagur - 06.12.2015, Blaðsíða 45

tíma hvað framboðið varðar en mér er
meira í mun að landsliðið standi sig vel í
Frakklandi en að ég verði forseti. Ég verð
því að hafa komið öllum málefnum á fram-
færi áður en við förum til Frakklands og ég
lýt sömu reglum og allir í hópnum.“
Jafnframt segist Þorgrímur hvorki búast
við að opna sérstaka kosningaskrifstofu né
ráða kosningastjóra.
„Eins og staðan er í dag hef ég ekki
áhuga á því. Auðvitað veit ég að þeir sem
þekkja mig og taka þátt í umræðum um
embættið verða mínir bestu talsmenn og
kannski breytist þetta eitthvað þegar nær
dregur.
En ég er í fullri vinnu, hef skuldbundið
mig til að halda fyrirlestra í skólum og vera
með landsliðinu. Í stað kosningaskrifstofu
gæti ég frekar hugsað mér að hafa opið hús
heima þannig að þeir sem vilja koma og
spjalla geti heimsótt mig. Mér finnst sú til-
hugsun góð.“
Þrátt fyrir að hefðbundin kosningabarátta
sé ekki á teikniborðinu er eðlilegt að rifja í
stuttu máli upp fyrir lesendur hvaðan Þor-
grímur kemur og hvar hann hefur komið við
áður en hann svarar því svo sjálfur hvað
hann ætlar sér að gera í framtíðinni
Þorgrímur fæddist að Tómasarhaga 39, er
sonur hjónanna Þráins Þorvaldssonar múr-
arameistara og Soffíu Margrétar Þorgríms-
dóttur kennara. Hann bjó í Reykjavík og
síðar Kópavogi til 11 ára aldurs en þá flutt-
ist hann til Ólafsvíkur. Móðurforeldrar hans,
séra Þorgrímur Vídalín Sigurðsson á Stað-
arstað í Staðarsveit á Snæfellsnesi og Ás-
laug Guðmundsdóttir, léku stórt hlutverk í
uppeldi hans sem og sveitaumhverfið sem
hann hefur sterkar taugar til en hjá þeim
var hann öll sumur sem barn. Þegar Þor-
grímur fór í Menntaskólann í Reykjavík
voru móðurforeldrar hans fluttir í bæinn og
snerist þá dæmið við; bjó hann hjá þeim á
veturna meðan hann var í skólanum og fór
til Ólafsvíkur á sumrin.
Eftir menntaskóla lá leiðin meðal annars
til Parísar þar sem hann lærði frönsku við
Sorbonne háskólann einn vetur, og fljótlega
tók blaðamennska og ritstjórn við, en hann
var meðal annars ritstjóri Íþróttablaðsins í
12 ár og var samhliða blaðamaður hjá
Frjálsu framtaki, síðar Fróða og skrifaði
fyrir flestöll tímarit fyrirtækisins. Þorgrímur
var landsliðsmaður í knattspyrnu, fram-
kvæmdastjóri Tóbaksvarnarnefndar í 8 ár
og hefur unnið að skýrslum fyrir ráðamenn
þjóðarinnar um bætt heilbrigði. Síðustu árin
hefur hann starfað sjálfstætt sem blaðamað-
ur, fyrirlesari og rithöfundur.
Þorgrímur hefur skrifað um 30 bækur,
flest allar metsölubækur, hann hefur hlotið
Íslensku barnabókaverðlaunin í tvígang og
fyrirlestrar hans fyrir ungmenni skipa stór-
an sess í lífi hans og starfi. Á síðasta ári
hélt hann hann um 180 fyrirlestra fyrir ung-
menni um mikilvægi sjálfstrausts þar sem
hann hvetur þau til að láta drauma sína
rætast, gera góðverk og koma fallega fram
við aðra. Þegar hann var valinn borgar-
listamaður Reykjavíkur í hittifyrra kom
fram í áliti formanns menningar- og ferða-
málaráðs borgarinnar að það val snerist ekki
aðeins um bókaskrif heldur það að sinna
ungu fólki almennt og hvetja til aukins lest-
urs.
Næsta kynslóð mikilvæg
„Mér hefur einhvern veginn alltaf verið
kippt inn í verkefni til að bæta samfélagið.
Og ég hef alltaf tekið vel í það því þannig
finnst mér ég hafa einhvern tilgang. Þrennt
er mér sérstaklega hugleikið; hreyfing, mat-
„Þegar maður er inni í skólastofu,
kannski tvisvar á dag, 80 mínútur í
senn, með fyrirmyndarkrakka fyrir
framan sig og talar við þau um kærleik
og góðverk skynjar maður sterkt þörf-
ina fyrir því að þessum gildum sé hald-
ið á lofti,“ segir Þorgrímur Þráinsson.
Morgunblaðið/Árni Sæberg
* Mér er það hjartans málað við vöndum okkurmiklu betur í umönnun
barna, allt frá móðurkviði
upp í það þegar við teljum
þau fullorðin. Ef við gerum
það ekki þurfum við að horfa
upp á vanlíðan þeirra, sjálfs-
mynd þeirra veikist og þau
finna sig síður í lífinu. Ég
vil vinna að þessum málum
ötullega á bak við tjöldin.
Fjölskyldan á góðri stundu.
Hjónin Ragnhildur og Þor-
grímur með þau Kolfinnu,
Þorlák Helga og Kristófer.
6.12. 2015 MORGUNBLAÐIÐ SUNNUDAGUR 45