Morgunblaðið - Sunnudagur - 06.12.2015, Blaðsíða 52
Stund milli stríða hjá Þorvaldi Davíð Kristjánssyni leikara, Óskari Þór Axelssyni leikstjóra og fram-
leiðandanum Skúla Malmquist. Ekki fylgir sögunni að hverju var hlegið svo innilega.
V
ið erum tæplega hálfnuð, komin
með 45% eða þar um bil,“ segir
kvikmyndaleikstjórinn Óskar
Þór Axelsson um tökur á kvik-
myndinni Ég man þig sem
byggð er á samnefndri bók Yrsu Sigurðar-
dóttur. Tökur á myndinni hófust 10. nóv-
ember sl. á Hesteyri í Jökulfjörðum, þar
sem hluti sögu Yrsu gerist og þar dvaldi
tökulið í viku. Einnig hefur verið tekið upp í
Hvalfirði, í Grindavík og á Árbæjarsafni.
Ferja þurfti fólk, tækjabúnað og vistir til
Hesteyrar sjóleiðina frá Ísafirði og dvaldi
tökuliðið þar við skilyrði sem flestir nútíma-
menn myndu kalla frumstæð.
Óskar er spurður að því hvort erfiðustu
tökunum sé lokið, þ.e. á Hesteyri. „Já og nei.
Við vorum þarna í viku og það var vissulega
mjög erfitt, skrítnar aðstæður sums staðar
en tökurnar í vor verða með miklu fleiri
tökustöðum og leikurum og ýmsu svoleiðis
sem er erfitt á móti. Það er ekki endilega
hægt að segja að það erfiðasta sé búið, það
er margt erfitt eftir en erfiðasta tímabilið,
þessi vika, er að baki. Eftir að hafa lokið
henni finnst manni allir vegir færir.“
-Lentuð þið í einhverjum vandræðum í
einangruninni á Hesteyri?
„Það voru alls konar vandræði en við
leystum yfirleitt allt, vorum vitanlega vel
undirbúin. Þú skýst ekkert að sækja eitt-
hvert tæki sem gleymdist þegar þú ert kom-
inn þangað en það var að minnsta kosti ein
bátsferð til okkar á dag þannig að smotterí
var hægt að græja. Við tókum skot úr lítilli,
fjarstýrðri þyrlu og þá var veðrið að stríða
okkur. Það gekk erfiðlega og við þurftum að
að koma aftur frá Ísafirði til að endurtaka
það,“ segir Óskar. „Þá eru miklar vegalengd-
ir á staðnum og engin farartæki og við
þurftum því að bera allt, vorum endalaust að
bera græjur fram og til baka.“
Gæludýr og engin sturta
Tökuliðið dvaldi í tveimur húsum á Hesteyri,
sk. læknis- og skólahúsum og þurftu eig-
endur þeirra að koma tveimur dögum fyrr til
að kynda húsin svo þau yrðu nægilega hlý.
„Það er smávegis rafmagn þarna og við
komum með rafstöðvar fyrir tökurnar en
vorum með kertaljós og batterísluktir þar
fyrir utan,“ segir Óskar.
-Var þetta ekki bara kósí?
„Þetta var kósí. Í skólahúsinu, þar sem
helmingurinn af fólkinu gisti, voru gæludýr,
litlar mýs. Einhverjir vöknuðu við að mýs
væru að labba yfir andlitin á þeim. Ég gisti
reyndar ekki þar sjálfur,“ segir Óskar og
hlær.
-Það er greinilega ekkert lúxuslíf á ís-
lenskum leikurum í kvikmyndatökum!
„Nei, nei, þetta var ekkert lúxuslíf, ým-
islegt sem þeir þurftu að gera sem var ekki
mjög „glamourous“. Það var ekki hægt að
fara í sturtu og fólk var farið að lykta ágæt-
lega þarna inni undir lokin,“ segir Óskar
skellihlæjandi en bætir við að Anna Gunndís
Guðmundsdóttir, ein af aðalleikkonum mynd-
arinnar, hafi þurft að fleygja sér í læk í tök-
um og fengið að fara í stutta sturtu á eftir.
„Það er hægt að fara í sturtu þarna en það
er ekki mælt með því. Ég held að hún sé sú
eina sem fór í sturtu,“ segir Óskar en auk
Önnu fara með aðalhlutverk í myndinni þau
Ágústa Eva Erlendsdóttir, Þorvaldur Davíð
Kristjánsson, Jóhannes Haukur Jóhannesson
og Sara Dögg Ásgeirsdóttir.
Gæludýr voru fleiri en mýs því refir létu
einnig sjá sig. „Þeir eru rosalega gæfir
þarna í óbyggðunum, komu alveg að hús-
unum og voru allt í kringum okkur. Þannig
að við vorum með refi og mýs okkur til sam-
lætis,“ segir Óskar.
Tvær sögur
Ég man þig kom út árið 2010 og ólíkt flest-
um bókum Yrsu er hún hrollvekja og
spennusaga en ekki hefðbundin glæpasaga. Í
henni eru sagðar tvær sögur sem tvinnast
saman er á líður. Ung hjón og vinkona
þeirra halda til eyðiþorpsins Hesteyrar um
miðjan vetur til að gera upp eyðibýli sem
þau hafa fest kaup á og ætla að breyta í
gistiheimili. Þau fer fljótlega að gruna að
þau séu ekki ein í þorpinu og í ljós kemur að
löngu látinn drengur gengur aftur og á
harma að hefna. Á Ísafirði dregst ungur
læknir inn í rannsókn á sjálfsvígi eldri konu
DRAMA OG DRAUGAGANGUR YRSU Á HVÍTA TJALDIÐ
Nálgast bókina
af auðmýkt
UM HELMINGI TAKNA Á KVIKMYNDINNI ÉG MAN ÞIG ER LOKIÐ.
LEIKSTJÓRI MYNDARINNAR OG ANNAR TVEGGJA HANDRITSHÖFUNDA,
ÓSKAR ÞÓR AXELSSON, SEGIR TÖKUR HAFA GENGIÐ VEL EN ÞÆR FÓRU
M.A. FRAM Á HINUM AFSKEKKTA STAÐ HESTEYRI Í JÖKULFJÖRÐUM.
Helgi Snær Sigurðsson helgisnaer@mbl.is
Óttaslegin Anna Gunndís Guðmundsdóttir.
Arnar Harðarson tilbúinn í töku.
* Myndin verður ekkieins og bókin þarsem hver kafli endar með
æsispennandi óvissu og
klippir svo á milli sögu-
sviða. Bíóformið hreinlega
leyfir það ekki þannig að
það verður meira flæði í
myndinni og ekki þessir
hörðu skellir.
52 MORGUNBLAÐIÐ SUNNUDAGUR 6.12. 2015
Breski glæpasagnahöfundurinn Sarah Ward
kemur fram á glæpasagnadagskrá með Ragn-
ari Jónassyni kollega sínum í Kaffislipp á Ice-
landair Hotel Reykjavik Marina klukkan 14 á
morgun, sunnudag. Þau Ragnar og Ward
ræða um glæpasögur og lesa upp úr verkum
sínum. Andy Lawrence stýrir spjallinu, en
hann skrifar um glæpasögur fyrir blöð og
tímarit.
Ný bók Sarah Ward, In Bitter Chill, vakti
athygli í Bretlandi í sumar sem leið og lof
gagnrýnenda. Ragnar Jónasson hefur átt vel-
gengni að fagna á síðustu árum og er með
nýja bók, Dimmu, í bókaflóði þessa vetrar.
Reykjavík Bókmenntaborg UNESCO
stendur að dagskránni, sem fer fram á ensku.
RAGNAR OG WARD KOMA FRAM
GLÆPASÖGUR
Glæpasagnahöfundurinn Sarah Ward kemur
fram rétt eins og Ragnar Jónasson.
Rætt verður um verk Christoph Büchel, Mosk-
una, í íslenska skálanum í Feneyjum í ár.
Morgunblaðið/Einar Falur
Málþing verður haldið í Listasafni Íslands, í
dag, laugardag milli kl. 11 og 14.30 um fram-
lag Íslands til Feneyjatvíæringsins, Moskuna,
sem var verk svissneska listamannsins Chri-
stoph Büchel. Eins og kunnugt er var íslenska
skálanum lokað eftir tvær vikur í vor og
fékkst ekki opnaður að nýju áður en tvíær-
ingnum lauk seint í nóvember.
Þátttakendur í málþinginu eru Hlynur
Helgason, myndlistarmaður og listfræðingur,
Ólafur Gíslason, listfræðingur, Ragna Sigurð-
ardóttir, myndlistarmaður, rithöfundur og
gagnrýnandi, Stefano Rabolli Pansera, arki-
tekt og borgarfræðingur, og Guðni Tómas-
son, listsagnfræðingur, sem stjórnar.
MÁLÞING Í LISTASAFNINU
RÆÐA MOSKUNA
Stórsveit Reykjavíkur
kemur fram á jóla-
tónleikum í Silfurbergi í
Hörpu á morgun, sunnu-
dag, og hefjast þeir klukk-
an 14.
Tónleikarnir verða um
klukkustundar langir og á
þeim mun hinn góðkunni
leikari Guðjón Davíð
Karlsson, þekktur sem
Gói, heimsækja Stórsveitina og kynnist hann
tónlistinni og hljóðfærunum sem félagar
sveitarinnar nota. Hann tekur einnig lagið
með hljómsveitinni og allir gestir geta sungið
með. Í tilkynningu segir að svo sé aldrei að
vita nema jólasveinar láti sjá sig.
Á efnisskránni eru jólalög í fjörugum út-
setningum. Stjórnandi á tónleikunum er
Haukur Gröndal.
JÓLATÓNLEIKAR STÓRSVEITAR
FJÖR MEÐ GÓA
Gói - Guðjón
Davíð Karlsson
Menning