Morgunblaðið - Sunnudagur - 06.12.2015, Blaðsíða 55

Grunnurinn er hefðbundinn en það ersitt af hverju nýtt, fyrst og fremstsextán síðna viðbót vegna frábærs
árangurs karlalandsliðsins sem tryggði sér í
fyrst skipti sæti í lokakeppni stórmóts, Evr-
ópumótsins í Frakklandi næsta sumar. Bókin
er 272 blaðsíður að stærð, sem er met, og
myndir hafa heldur aldrei verið fleiri, 380
talsins,“ segir Víðir Sigurðsson en nýjasta
bindið í bókaflokknum Íslensk knattspyrna
kemur út nú um helgina. Útgefandi er Tind-
ur.
„Annars er ég alltaf að þróa bókina og
bæta inn meiri upplýsingum,“ heldur Víðir
áfram. „Ég hef alltaf haft það að leiðarljósi
að allt sem viðkemur íslenskri knattspyrnu
sé aðgengilegt á einum stað. Lesendur eiga
að geta fundið allt um allar deildir Íslands-
mótsins og yngri flokkana í bókinni.“
– Þetta er 35. sinn sem bókin kemur út og
í 34. skipti sem þú skrifar hana. Er þetta
alltaf jafnskemmtilegt?
„Já, annars væri ég löngu hættur þessu.
Þetta er einhver ástríða eða baktería sem
fylgir mér. Ég byrjaði ungur að halda til
haga upplýsingum um íslenska og enska
boltann og eftir að ég byrjaði að skrifa bæk-
urnar hefur þetta bara ágerst. Ég bý að
ákveðnum grunni þegar ég byrja á nýrri
bók, vinnubrögðin eru þau sömu og vinnslan
tekur yfirleitt svipaðan tíma – en efnið er
alltaf nýtt.“
Vinnur bókina jafnt og þétt
– Er þetta áhlaupsvinna eða vinnurðu þetta
jafnt og þétt?
„Ég vinn þetta jafnt og þétt allt árið.
Skrifa til dæmis um hverja umferð Íslands-
mótsins um leið og hún klárast. Mesta
skorpan er við fráganginn á haustin.“
– 2015 er stórmerkilegt ár í íslenskri
knattspyrnusögu, ekki satt?
„Heldur betur, eitt það alstærsta sem við
höfum upplifað. Þar ber vitaskuld
hæst að karlalandsliðið sé á leið á
EM. Kvennalandsliðið hefur líka
fengið fljúgandi start í undankeppni
EM og það þarf stórslys til að það
verði ekki meðal þátttakenda í lokakeppn-
inni sumarið 2017. Þá hefur 21 árs landslið
karla líka náð frábærum árangri í mjög
sterkum riðli í undankeppni EM. Úti í hinum
stóra heima klóra menn sér í sívaxandi mæli
í höfðinu yfir þessum árangri hjá þjóð sem
hefur álíka marga íbúa og borgir á borð við
Leicester eða Coventry.“
– Hvaða markmið er raunhæft að karla-
landsliðið setji sér næsta sumar?
„Ég er einmitt með Gylfa Þór Sigurðsson í
viðtali um þetta í bókinni og við erum sam-
mála um að markmiðið hljóti að vera að
komast upp úr riðlinum og í sextán liða úr-
slit. Þátttökuþjóðirnar eru í fyrsta skipti 24,
þannig að aðeins átta heltast úr lestinni eftir
riðlakeppnina. Möguleikar okkar hljóta því
að vera raunhæfir. Í sextán liða úrslitum er
útsláttarfyrirkomulag og þar getur allt gerst,
eins og dæmin sanna.“
Leiknir dæmi leik
Leiknis og Leiknis
– Hvað stendur upp úr á Íslandsmótinu á
þessu ári?
„Hjá körlunum er það sannfærandi sigur
FH. Liðið var reyndar ekkert alltof sannfær-
andi framan af sumri en tók þetta með stæl í
seinni umferðinni. Hjá konunum ber auðvit-
að hæst sigur Breiðabliks sem vann titilinn
loksins eftir tíu ára bið. Persónulega er ég
ánægðastur með sveitunga mína á Fáskrúðs-
firði, Leikni, sem unnu sér í fyrsta skipti
sæti í 1. deild Íslandsmótsins. Einstakur ár-
angur hjá sex hundruð manna bæjarfélagi.
Næsta sumar mun Leiknir etja kappi við lið
á borð við Fram og Keflavík – og svo auðvit-
að nafna sína frá Reykjavík. Blasir ekki við
að Leiknir Ágústsson verði fenginn til að
dæma þá leiki?“
Hann hlær.
– Talandi um ævintýri. Hvað hefur komið
þér mest á óvart allan þann tíma sem þú
hefur skráð sögu íslenskrar knattspyrnu?
„Ætli það sé ekki árangur nafna minna úr
Garði sem fóru á mettíma upp um tvær
deildir og lifðu af tvö sumur í efstu deild, áð-
ur en þeir féllu 1987. Sama sumar léku þeir
til úrslita um bikarinn við Fram. Fleiri lítil
bæjarfélög hafa náð framúrskarandi árangri
og komið liðum í efstu deild, má þar nefna
Borgarnes og Ólafsvík. Víkingar í Ólafsvík
unnu 1. deildina með miklum yfirburðum á
þessu ári.“
Deildirnar að styrkjast
– Er íslensk knattspyrna á heildina litið við
góða heilsu?
„Já, hún er við prýðilega heilsu. Deildirnar
eru alltaf að verða sterkari og sterkari. Auð-
vitað missum við alltaf leikmenn út í at-
vinnumennsku, karla og konur, en aðrir
koma aftur heim í staðinn, reynslunni ríkari.
Þá erum við alltaf að sjá sterkari erlenda
leikmenn á Íslandi, ekki síst í kvennadeild-
inni. Í sumar léku þar til dæmis leikmenn
frá Brasilíu.“
– Það orð fer af þér að þú sért uppflettirit
af holdi og blóði um íslenska knattspyrnu.
Mig langar í lokin að fletta aðeins upp í þér.
Manstu til dæmis í hvaða sæti Valur varð á
Íslandsmótinu 1985?
„Þetta er afar heppileg spurning því Valur
varð Íslandsmeistari árið 1985.“
Hann hlær.
– Nú jæja, reynum eitthvað flóknara.
Hver er besti árangur Leifturs frá Ólafsfirði
í efstu deild?
„Þriðja sæti, í þrígang. Leiftur komst líka
í Evrópukeppni á þessu blómaskeiði sínu,
fjórum sinnum, og lék bikarúrslitaleik.“
Þar höfum við það.
Íslensk knatt-
spyrna er við
prýðilega heilsu
ÁRIÐ SEM ER AÐ LÍÐA ER MEÐ ÞEIM ALBESTU Í ÍSLENSKRI
KNATTSPYRNU, AÐ ÁLITI VÍÐIS SIGURÐSSONAR SEM HALDIÐ
HEFUR SPARKSÖGU ÞJÓÐARINNAR TIL HAGA Í BÓKAFLOKKI Í 34 ÁR.
ÞAR BER VITASKULD HÆST UNDRAVERÐAN ÁRANGUR
KARLALANDSLIÐSINS SEM ER Á LEIÐINNI Á LOKAMÓT EM.
Orri Páll Ormarsson orri@mbl.is
Víðir Sigurðsson er sérstaklega ánægður með
sveitunga sína á Fáskrúðsfirði.
Morgunblaðið/Júlíus
Íslenska karlalandsliðið hefur haft ríka ástæðu til að fagna á árinu sem er að líða.
AFP
6.12. 2015 MORGUNBLAÐIÐ SUNNUDAGUR 55
Íslenska karlalandsliðið
er að vonum á allra
vörum nú um stundir og
Björn Bragi Arnarsson
og Hilmar Gunnarsson
hafa gert bókina Áfram
Ísland sem fjallar um
frækinn árangur liðsins í
undankeppni EM. Farið er yfir leikina, rætt
við þjálfara og alla leikmenn sem komu við
sögu og skyggnst bak við tjöldin. Í bókinni
eru fjölmargar ljósmyndir eftir Hafliða
Breiðfjörð sem fylgdi lands-
liðinu hvert fótmál í keppn-
inni. Fullt tungl gefur út.
Atvinnumaðurinn Gylfi
Sigurðsson heitir bók eftir
Ólaf Þór Jóelsson og Viðar
Brink. Eins og titillinn gef-
ur til kynna er ferli Gylfa
fylgt eftir í máli og myndum, allt frá því
hann var smápolli í FH. Gylfi lýsir meðal
annars sjálfur reynslu sinni af dvölinni hjá
félögunum sem hann hefur leikið með er-
lendis, auk þess sem hann
talar að sjálfsögðu um
landsliðið. Sena gefur út.
Bókaútgáfan Hólar gefur
út bókina Fótboltaspurn-
ingar eftir Bjarna Þór Guð-
jónsson og Guðjón Inga Ei-
ríksson. Þar geta lesendur
spreytt sig á fjölmörgum fótboltaspurn-
ingum, þungum og léttum
og haft gaman af.
Hólar gefa líka út bókina
Steven Gerrard – árin hjá
Liverpool eftir Sigfús Gutt-
ormsson.
Bókaútgáfan Sögur er
með þrjár knattspyrnubæk-
ur að þessu sinni. Stelp-
urnar okkar fjallar um ís-
lenska kvennalandsliðið sem hefur náð
frábærum árangri. Í þessari bók er farið yfir
sögu landsliðsins í máli og myndum. Margrét
Lára, Guðbjörg, Dagný, Sara Björk, Katrín
og allar hinar. Úrslit í öllum
leikjum Íslands í und-
ankeppnum EM og HM. Ís-
lands- og bikarmeistarar,
bestar,
efnilegastar
og marka-
hæstar frá
upphafi.
Bestu konurnar er um
fremstu sparkynjur sög-
unnar, Abby Wambach,
Alex Morgan, Camille Abily,
Lottu Schelin og margar
aðrar. Helstu æviatriði og
sterkustu hliðar snilling-
anna.
Þriðja bókin er Skytt-
urnar þrjár sem fjallar um
eitt skæðasta sóknartríó
sögunnar, Lionel Messi,
Neymar og Luis Suárez, sem gerir garðinn
frægan hjá Barcelona þessi misserin.
Gróska í spark-
bókmenntum
ÞÓNOKKRAR KNATTSPYRNUBÆKUR KOMA ÚT NÚNA FYRIR JÓLIN,
BÆÐI TENGDAR ÍSLENSKUM OG ERLENDUM SPARKMENNTUM.