Morgunblaðið - Sunnudagur - 13.12.2015, Blaðsíða 52

Þ
að er mikill heiður og mjög gaman
að þessi diskur sé gefinn út,“ seg-
ir Sigrún Eðvaldsdóttir um nýjan
tvöfaldan hljómdisk sem nefnist
Fiðlukonsertar Sigrúnar Eðvalds-
dóttur. Diskurinn er sá þriðji í röð sem
„endurspeglar mikilvæg augnablik helstu ein-
leikara úr röðum hljómsveitarinnar“ eins og
segir í tilkynningu frá Sinfóníuhljómsveit Ís-
lands. Áður hafa komið út diskur með fiðlu-
konsertum í meðförum Guðnýjar Guðmunds-
dóttur og klarínettukonsertum í túlkun
Einars Jóhannessonar. Útgáfuröðin er sam-
starfsverkefni Sinfóníuhljómsveitar Íslands,
Ríkisútvarpsins og Útgáfufélagsins Smekk-
leysu.
Sigrún, sem gegnt hefur stöðu konsert-
meistara Sinfóníuhljómsveitarinnar síðan
1998, er í hlutverki einleikarans á nýjasta
diskinum sem inniheldur fjóra af þekktustu
fiðlukonsertum tónbókmenntanna frá 19. og
20. öld, þ.e. konsert í D-dúr eftir Johannes
Brahms, konsert eftir Alban Berg, konsert í
a-moll eftir Antonín Dvorák og konsert í d-
moll eftir Jean Sibelius. Samkvæmt upplýs-
ingum frá útgefanda eiga konsertarnir það
sameiginlegt að „einleikshlutverk þeirra allra
er mjög krefjandi, bæði hvað tækni og mótun
varðar en um leið er hlutverk hljómsveit-
arinnar íburðarmikið. Þá eru þeir allir sömu-
leiðis einu fiðlukonsertar tónskáldanna.“
Allir voru konsertarnir fjórir teknir upp í
Háskólabíói og allir nema Sibeliusar-
konsertinn teknir upp á tónleikum. Konsert
Brahms var tekinn upp í október 1991, kon-
sertinn eftir Dvorák í nóvember 1999, kon-
sertinn eftir Berg í mars 2008 og konsertinn
eftir Sibelius í febrúar 2009.
Hlustaði á upptökurnar í bílnum
„Það er u.þ.b. hálft annað ár síðan ég fékk að
vita að þetta stæði til. Bjarni Rúnar Bjarna-
son tónmeistari setti mér það fyrir í sumar að
velja úr upptökum af um átta mismunandi
konsertum. Þetta var því sannkallað lúxus-
vandamál og mjög gaman. Ég tók mig því til í
sumar og hlustaði á þetta allt í bílnum,“ segir
Sigrún og heldur áfram til útskýringar að
mjög margir tónlistarmenn eigi svo léleg
hljómtæki að bestu græjurnar séu í bílnum.
„Lengi vel átti ég engin hljómtæki og þá
vandi ég mig á að hlusta á tónlist í bílnum.“
Að sögn Sigrúnar varð Bjarni Rúnar mjög
ánægður þegar hún upplýsti hann um hvaða
konserta hún vildi hafa á diskinum. „Því hann
var alveg sammála. Hann var sjálfur búinn að
leggjast yfir þetta áður og fannst þessar fjór-
ar upptökur sem rötuðu inn á diskinn bestar
án þess segja mér það fyrirfram.“
Í ljósi þess að konsertarnir eru teknir upp á
18 ára tímabili liggur beint við spyrja hvort
Sigrún heyri mun á sér sem flytjanda á þessu
tímabili. „Já, ekki spurning. Það vill svo
skemmtilega til að alla uppteknu konsertana
fjóra flutti ég á mjög sérstökum tímum í mínu
lífi. Þannig að mér þykir svo vænt um hvern
og einn þeirra. Þegar ég flutti Dvorák var ég
bara nýkomin heim, ung, saklaus og rómantísk.
Mér þykir brjálæðislega vænt um þá upptöku.
Mér er þessi konsert mjög kær vegna þess að
ég lærði hann hjá gamla kennaranum mínum í
Curtis-tónlistarháskólanum í Philadelphiu fyrir
mörgum árum. Þetta er mjög krefjandi kons-
ert og erfitt að koma honum til skila á mús-
íkalskan hátt. Árið 1985 var ég valin til að
koma fram fyrir Íslands hönd á útvarpshátíð í
Stokkhólmi og spurði kennara minn hvað hon-
um fyndist að ég ætti að spila. Þá svaraði hann
mér því að ég ætti að sýna þeim hversu mús-
íkölsk ég væri og því væri einboðið að velja
Dvorák-konsertinn.“
ÞRIÐJI DISKURINN LÍTUR DAGSINS LJÓS Í RÖÐ SINFÓNÍUHLJÓMSVEITAR ÍSLANDS UM EINLEIKARA SÍNA
„Þetta var sannkallað
lúxusvandamál“
FIÐLUKONSERTAR SIGRÚNAR EÐVALDSDÓTTUR NEFNIST HLJÓMDISKUR SEM NÝVERIÐ KOM ÚT OG GEYMIR UPP-
TÖKUR FJÖGURRA KONSERTA SEM HÚN FLUTTI Á ÁRUNUM 1991 TIL 2009. SIGRÚN SEGIST HAFA FLUTT KON-
SERTANA FJÓRA Á SÉRSTÖKUM TÍMUM Í LÍFI SÍNU OG ÞVÍ ÞYKI SÉR MJÖG VÆNT UM HVERN OG EINN ÞEIRRA.
Silja Björk Huldudóttir silja@mbl.is
52 MORGUNBLAÐIÐ SUNNUDAGUR 13.12. 2015
Aðventa, saga Gunnars Gunnarssonar um
eftirleitir Fjalla-Bensa og förunauta hans á
Mývatnsöræfum, verður að venju lesin í
Gunnarshúsum í Reykjavík og á Skriðu-
klaustri þriðja sunnudag í aðventu á morgun.
Hjá Rithöfundasambandi Íslands á Dyngju-
vegi 8 les skáldkonan Kristín Svava Tómas-
dóttir söguna og hefst lestur kl. 13.30. Hjá
Gunnarsstofnun á Skriðuklaustri hefst lestur
Vésteins Ólasonar kl. 14.
„Allir eru velkomnir á þessa kyrrðarstund
í amstri aðventunnar meðan húsrúm leyfir.
Boðið verður upp á kaffi og smákökur með
lestrinum sem tekur rúmar tvær klukku-
stundir,“ segir í tilkynningu.
LESIN Í GUNNARSHÚSUM
AÐVENTA
Á næsta ári verða liðin 80 ár frá því að Gunnar
Gunnarsson skrifaði nóvelluna Aðventu.
Morgunblaðið/Ólafur K. Magnússon
Kristín R. Sigurðardóttir og Hólmfríður
Jóhannesdóttir syngja saman á morgun.
Morgunblaðið/Kristinn
Hólmfríður Jóhannesdóttir messósópran,
Kristín R. Sigurðardóttir sópran og Julian
Hewlet píanóleikari koma fram á tónleikum í
Dómkirkjunni í Reykjavík á morgun, sunnu-
dag, kl. 16.
Á efnisskránni eru íslenskir, amerískir og
austurrískir dúettar ásamt einsöngsperlum.
„Hólmfríður, Kristín og Julian störfuðu
saman árin 2010 og 2011 undir nafninu
Ópera Gala þar sem þau héldu fjölda tón-
leika í Reykjavík og á landsbyggðinni.
Nú liggja leiðir þeirra saman á ný á aðvent-
unni þar sem jólatónlistin ræður ríkjum,“
segir í tilkynningu.
DÚETTAR OG EINSÖNGSPERLUR
DÓMKIRKJAN
Þess verður í dag, laug-
ardag, minnst með dag-
skrá í Norræna húsinu
milli kl. 13 og 16 að 20 ár
eru síðan Richard Wagner
félagið var stofnað.
Dagskráin hefst á tveim-
ur erindum. Fyrst fjallar
Selma Guðmundsdóttir
um stofnun Wagnerfélags-
ins og aðdraganda hennar, samstarfið við
Bayreuth, áherslur í starfi félagsins og helstu
viðburði. Síðan fjallar Árni Blandon um óp-
eruna Tristan og Ísold þar sem hann beinir
sjónum m.a. að sköpunarferlinu og ólíkum
uppfærslum.
Að lokum verður sýndur fyrsti þáttur
Tristan og Ísold í uppsetningu Patrice Ché-
reau frá La Scala í Mílanó. Hljómsveit stjórn-
ar Daniel Barenboim. Í hlutverki Ísoldar er
Waltraud Meier sem hefur verið „annáluð
fyrir glæsilega túlkun á hlutverkinu,“ eins og
segir í tilkynningu. Þar kemur einnig fram að
hún hafi nýverið sungið hlutverkið í síðasta
sinn í Bayerische Staatsoper.
AFMÆLISDAGSKRÁ Í DAG
WAGNERFÉLAGIÐ
Richard Wagner
Menning