Morgunblaðið - Sunnudagur - 20.12.2015, Blaðsíða 40
H
vað er það sem heillar þig við tísku? Mér
finnst tíska ekkert endilega heillandi í sjáfri sér en
mér finnst það hvernig fólk leikur sér með og nýtir
sér tískuafurðir skemmtilegt.
Hvernig myndir þú lýsa þínum fatastíl? Fatastíll minn er
ekki bundinn ákveðnum straumum, ég fylgist í sannleika sagt
ekki vel með tísku. En ég er ófeimin við að klæða mig í hvað
sem mér finnst flott, ég hika ekki við að fara í æpandi liti eða
áberandi flíkur. Skartgripirnir sem við Orri Finnbogason erum að
gera saman undir merkinu Orri Finn Skartgripir setja líklega
mesta mynd á minn stíl. Ég elska skartgripi og hef alltaf
notað mikið skart og síðan ég varð skartgripagerðar-
maður sjálf er ég auðvitað hlaðnari skarti en nokkru sinni
fyrr.
Hvert er eftirlætistískutímabil þitt og hvers vegna?
Pönktímabilið er að sjálfsögðu langflottast en ég missti
því miður rétt svo af því. Leður fer aldrei úr tísku og svo
eru keðjur, hanakambar, göt í andliti og skapofsi eitthvað
svo dásamlega hress blanda.
Ætlar þú að fá þér eitthvað fallegt fyrir jól eða ára-
mót? Það er svo mikið að gera hjá mér við að framleiða
skartgripi fyrir jólin. Við búum hálfpartinn í versluninni okkar á Skólavörðustíg 17a
þessa dagana, þannig að ég sé ekki fram á að versla neitt á sjálfa mig. En ég mæli
eindregið með því að allir fái sér fallegan skartgrip fyrir hátíðarnar. Við vorum að
enda við að gefa út fjórðu skartgripalínuna okkar, Verkfæri, það er mjög sterk lína
og ég er mjög sátt við útkomuna. Ég fékk líka smá útrás fyrir pönkarann í mér í
henni.
Hvað kaupir þú þér alltaf þó þú eigir nóg af því? Ullarsokka og
góða ilmi, hvort sem það eru krydduð ilmvötn eða einhver girnileg
krem úr ilmandi jurtum.
Hvaða þekkta andlit finnst þér með flottan stíl? Grace Jones er
eilífðartöffari og svo var Frida Kahlo einstök í alla staði.
Áttu þér uppáhaldsflík? Þykkar leðurbuxur sem Orri maðurinn
minn fann á mig hjá Rauða krossinum eru í miklu uppáhaldi og
ég elska síðu kasmírpeysurna mína frá Aftur. Svo er alpaca-
loðhúfan sem ég keypti í fimbulkuldanum í Andes-fjöllunum, á
ferðalagi okkar Orra í Perú í sumar, orðin besta vinkona mín.
Hvernig skín þinn persónulegi stíll í gegn í hönnun
þinni? Ætli það sé ekki mest það að vera ófeimin, þorin og
óhefðbundin jafnvel. Ég vil meina að ég sé lengra í áttina
að rokki en poppi, það er frekar langt í væmnina í mér og
ég hugsa að það skíni í gegn. Orri Finn-skartgipirnir okkar
verða líklega seint skilgreindir sem krúttlegir. Svo finnst mér smáat-
riðin skipta máli í skartgripagerð, að öll smáatriði í útfærslum séu
útpæld, bæði hvað varðar fagurfræðilega útkomu og hvað varðar
notkun.
Hvað hefurðu helst í huga þegar þú velur föt? Veður, kuldinn er
minn helsti óvinur og þess vegna elska ég ull, kasmír og leður. Svo
stýra uppáhaldslitirnir mínir tveir, fjólublár og vínrauður,
miklu um hvað ég vel. Ég hef lent í því að líta í spegil og
sjá að ég er bókstaflega vínrauð eða fjólublá frá toppi til
táar, frá höfuðfati niður að skóm.
Manstu eftir einhverjum tísku-
slysum sem þú tókst þátt í?
Slysin eru bara hressandi, þau
eru börn síns tíma. Eins og lík-
lega flestir var maður mest að
elta tískuna þegar maður var
unglingur og tískan var ekkert
til að hrópa húrra fyrir í byrjun
tíunda áratugarins fyrir utan
Dr.Martens-skótískuna sem
mér finnst jafn flott núna eins
og mér fannst þá.
ELSKAR ULL, KASMÍR OG LEÐUR
Helga segir þykku leðurbuxurnar sem
Orri maðurinn hennar fann á hana í
Rauða krossinum í miklu uppáhaldi
ásamt því að bera mikið skart.
Morgunblaðið/Árni Sæberg
Þorin og
óhefðbundin
Skartgripir úr nýju línu Orra Finn, Verkfæri.
Ofurtöff-
arinn
Grace
Jones.
Helga segir Dr.Martens-
skótískuna jafn flotta
núna eins og hún var á tí-
unda áratugnum.
Helga segir kuldann vera
sinn helsta óvin og því
heldur hún mikið upp á
kasmír, leður og ull.
Pönktímabilið er í miklu
uppáhaldi hjá Helgu.
HELGA GVUÐRÚN FRIÐRIKSDÓTTIR HANNAR EINSTAKA
SKARTGRIPI ÁSAMT ORRA FINNBOGASYNI UNDIR MERKINU ORRI
FINN. HELGA, SEM HELDUR MIKIÐ UPP Á PÖNKTÍMABILIÐ, ER MEÐ
EINSTAKAN STÍL OG ER ÓFEIMIN VIÐ AÐ FARA Í ÆPANDI LITI
EÐA ÁBERANDI FLÍKUR.
Sigurborg Selma Karlsdóttir sigurborg@mbl.is
Tíska *Hönnunarhúsið Dimmblá hefur sent frá sér fallegar slæð-ur úr nýstárlegu efni. Enið er vistvænt 100% bananaefni,unnið úr laufum og trjástilkum eftir bananauppskeru ogframleitt í Suðaustur-Asíu. Ný lína Dimmblár, sem UnaHlín Kristjánsdóttir hannaði, hefur að geyma fallegar ljós-myndir af sjónarspili íss og jökla á Íslandi en síðastliðin árhefur hlutfall af sölu runnið til umhverfissamtakanna
Landverndar.
Slæður úr vistvænu 100% bananaefni