Ægir - 01.08.2015, Side 27

27
„Í kjölfar forsetakosninga í Níg-
eríu í vor höfum við þurft að
hafa mun meira fyrir því að
selja á þann markað en mér vit-
anlega er engin birgðasöfnun
að ráði hjá íslenskum framleið-
endum. En hvað morgundagur-
inn ber í skauti sér vitum við
ekki og við fáum líka ólíkar
spár um það hjá viðskiptavin-
um okkar í Nígeríu. En því fer
fjarri að þessi markaður sé lok-
aður,“ segir Katrín Sigurjóns-
dóttir, framkvæmdastjóri sölu-
fyrirtækisins Sölku-Fiskmiðlun-
ar á Dalvík sem annast sölu
þurrkaðra fiskafurða til Nígeríu
fyrir nokkra hérlenda og er-
lenda framleiðendur. Um tutt-
ugu verksmiðjur hér á landi
framleiða og selja afurðir inn á
þennan mikilvæga afurða-
markað Íslendinga. Staðan í af-
urðasölu til Nígeríu er að þessu
leyti talsvert önnur en í Rúss-
landi þar sem sett var á hreint
og klárt viðskiptabann á árinu.
Áhersla á minni spillingu og
aukna innanlandsframleiðslu
Nígeríumarkaður hefur verið
stöðugur og vaxandi mörg
undanfarin ár og tekið við auk-
inni framleiðslu bæði frá Íslandi
og öðrum löndum. Nokkuð
snögg breyting varð í kjölfar
forsetakosninganna í Nígeríu í
vor en Katrín segir hana ekki
aðeins snúa að innflutningi
heldur í raun öllu efnahagslífi
og stjórnarfari í landinu. Til að
mynda sé fyrst nú að komast á
ný ráðherraskipan í landinu í
kjölfar kosninganna og vonast
sé til að meiri stöðugleiki kom-
ist á á nýjan leik í kjölfar þess,
t.d. hvað varðar gjaldeyrismál
og viðskiptalíf.
Nýr forseti Nígeríu er hinn
72 ára Muhammadu Buhari en
þetta er í annað sinn sem hann
er við völd í landinu. Á árabilinu
1983-1985 stýrði hann herfor-
ingjastjórn í Nígeríu og nú, líkt
og þá, leggur hann mikla
áherslu á að uppræta spillingu í
landinu og efla innlenda fram-
leiðslu. Þessar áherslur birtust
strax 1. júlí sl. í reglugerð um
innflutningsvörur sem bönkum
væri óheimilt að veita ábyrgðir
á. Þetta minnir á fyrra stjórnar-
tímabil Buhari en þá setti hann
á viðskiptabann sem kom illa
við íslenska framleiðendur sem
þá seldu afurðir á Nígeríumark-
að. Þær reglur sem nú eru í gildi
loka hins vegar ekki á innflutn-
ing nígerískra kaupenda en
gera þeim mun erfiðara fyrir en
ella að afla sér gjaldeyris til við-
skiptanna.
Stjórn- og hagkerfið höktir
Katrín var í Nígeríu þar sem hún
hitti viðskiptavini, líkt og hún
gerir á hverju ári.
„Staðan þarna ytra er nokk-
uð sérkennileg eins og er. Núna
er alla jafna aðal sölutímabilið
okkar, þ.e. strax eftir regntím-
ann og í aðdraganda jóla og ég
hafði gert mér vonir um að
meira jafnvægi væri komið á en
raun ber vitni. Skýringarnar eru
þó víðtækari en þetta breytta
stjórnarfar og áherslur Buhari
því regntíminn hefur staðið
óvenju lengi og samgöngur út
frá okkar stærsta markaðssvæði
eru erfiðar þar sem vegir eru
skemmdir eftir rigningarnar og
illfærir. Viðskiptavinir hafa þess
vegna átt erfitt með að nálgast
vörur og flytja þær,“ segir Katr-
ín.
Mikil hefð er fyrir kaupum á
þurrkuðum fiskafurðum hjá
stórum hópum Nígeríumanna
og segir Katrín alveg ljóst að
engin vara sé í sjónmáli sem
geti komið í hennar stað. „Sú
vara sem við erum að selja inn á
þennan markað er mjög góð,
hagstæð fyrir almenning og eft-
irsótt. Ég sé því alls ekki fyrir
mér að Nígeríumarkaður lokist
og vonast til að þegar meiri
gangur kemst í stjórn- og hag-
kerfið í landinu þá muni draga
úr óvissunni. Okkur tekst að
selja vörurnar en við þurfum
sannarlega að hafa meira fyrir
því en áður,“ segir Katrín.
Katrín Sigurjónsdóttir, framkvæmdastjóri Sölku Fiskmiðlunar á Dalvík.
Eins og sjá má eru flutningatækin heldur frumstæð sem ferja skreiðarpakkana frá Íslandi um götur í Nígeríu.