Ægir - 01.08.2015, Page 34

34
t.d. getur Neptune tekið um
440 þúsund lítra af olíu sem er
mjög mikið fyrir svo lítið skip.
Það getur því verið úti í allt að
tvo og hálfan mánuð í einu en
reyndar hefur aldrei reynt á
það. Áhafnirnar okkar eru oftast
í um sextíu daga í burtu en vís-
indamennirnir um borð skipta
nokkuð ört með sér verkum.
Höfuðstöðvar fyrirtækisins
hafa alltaf verið hér á Akureyri,
sem má kannski segja að sé
hálfgerð sérviska. Eins og stað-
an er núna væri fyrirtækið
kannski betur staðsett annars
staðar, m.a. vegna stöðu krón-
unnar, og það væri hægt að
manna skipin á ódýrari hátt er-
lendis. Engu að síður eru engin
áform um að breyta þessu.“
Á fjórða tug starfsmanna á
launaskrá
Neptune ehf., sem er með skrif-
stofur sínar í hinu sögufræga
Höepfnershúsi í Innbænum á
Akureyri, er með á fjórða tug
starfsmanna á launaskrá. „Við
höfum litla yfirbyggingu í fyrir-
tækinu en afleidd störf hér á
Akureyri eru umtalsvert mörg.
Við höfum nýtt okkur þjónustu
fyrirtækja hér við viðhald skip-
anna og því hefur byggst upp
ákveðin þekking á þeim tækni-
búnaði sem við notum og það
er að mínu mati mjög dýrmætt
fyrir þjónustufyrirtæki hér í
bænum. Við höfum alltaf lagt
áherslu á að halda skipunum
mjög vel við og í upphafi má
kannski orða það svo að um
hafi verið að ræða nýsmíða-
verkefni í Slippnum á Akureyri,
svo umfangsmiklar voru breyt-
ingarnar sem voru gerðar á
skipunum. Í byrjun fórum við í
gríðarlegar fjárfestingar í tækja-
búnaði og við þurfum að end-
urnýja tækin reglulega enda
eru svo miklar og hraðar fram-
farir á þessu sviði,“ segir Ágúst.
Verkefni út um allan heim
Fyrsta verkefni Neptune ehf.
var á sínum tíma við gasleiðslu í
Rússlandi en síðan hefur fyrir-
tækið tekið að sér verkefni út
um allan heim. „Við höfum ver-
ið með verkefni við strendur
Þýskalands, Hollands, Englands
og Noregs, svo dæmi séu tekin.
Einnig höfum við tekið að okkur
verkefni undan ströndum Suð-
ur-Ameríku, við Grænland, Ný-
fundnaland og víðar. Mörg
þessara verkefna hafa falist í
sýnatökum á hafsbotni, við höf-
um verið í bergmálsrannsókn-
um, fjölgeislamælingum, komið
fyrir duflum og straummælum
o.fl. Það er því ansi margt sem
við getum gert, enda höfum við
mjög öflugan tækjabúnað af
vönduðustu gerð um borð í
skipunum. Við höfum verið til-
búnir að fara út um allt með
skipin og höfum getað sýnt
fram á við getum unnið við
nánast hvaða aðstæður sem er.
Við unnum m.a. að sýnatökum
við Falklandseyjar, sem var
mjög erfitt vegna mikilla vinda
og strauma. En þetta gekk vel,
enda er Poseidon, gamli Harð-
bakur, mjög gott sjóskip.“ segir
Ágúst.
Aukin verkefni við vindmyllur
Um heim allan er mikill fjöldi
sambærilegra fyrirtækja í
rekstri, flest hafa þau unnið að
verkefnum sem lúta að leit á ol-
íu og gasi. „En við erum ekki
bara í þeim hluta rannsókn-
anna, við höfum líka mikið verið
að þjónusta fyrirtæki sem vinna
að því að setja upp vindmyllur
og leggja kapalstrengi á hafs-
botni. Á liðnu sumri vorum við
mikið í að taka rannsóknarsýni
sem tengjast staðsetningu svo-
kallaðra vindmyllugarða. Þeir
aðilar sem hyggjast ráðast í
byggingu slíkra garða þurfa að
sjálfsögðu að fara í víðtækar
rannsóknir á hafsbotninum til
þess að ganga úr skugga um að
jarðlögin séu heppileg og und-
irstöðurnar því traustar. Þessi
þáttur, þ.e. uppsetning vind-
mylla á bæði landi og í sjó, vex
núna hröðum skrefum, sem er í
takti við aukna áherslu á vist-
væna orkugjafa. Vinna við sæ-
strengi hefur einnig aukist
verulega, bæði lagning nýrra
og viðhald og endurnýjun eldri
strengja.
Og sem dæmi um hversu
víðtæk verkefni okkar hafa ver-
ið tókum við að okkur fyrir fjór-
um árum fyrir BBC – breska rík-
isútvarpið – að sigla á Neptune
með ströndum Grænlands með
teymi myndatöku- og dagskrár-
gerðarmanna til þess að gera
sjónvarpsmynd þar sem áhersl-
an var á hlýnun andrúmslofts-
ins og bráðnun íss á norður-
slóðum. Útkoman var mjög eft-
irtektarverð því myndin var val-
in ein af bestu sjónvarpsmynd-
um sinnar tegundar það ár.“
Lækkun olíuverðs hefur sín áhrif
Ágúst segir að hríðlækkandi
verð á olíu á undanförnum
mánuðum hafi orðið til þess að
þessi rannsóknariðnaður hafi
látið undan síga. „Nú þegar eru
mörg fyrirtæki sem starfa á
svipuðum slóðum og við farin á
hliðina og fjölmörgum skipum
hefur verið lagt. Ég hef þó fulla
trú á því að við stöndum þetta
af okkur og raunar er það mitt
mat að í þessu felist ákveðin
tækifæri. Við höfum áhuga á
því að endurnýja skipaflotann
og það erum við að skoða um
þessar mundir. Ég er vongóður
um verkefni áfram, þrátt fyrir
þessa niðursveiflu á olíumörk-
uðum. Allar líkur eru á því að á
einhverjum tímapunkti fari
olíu verðið aftur upp en menn
telja þó að það muni ekki ger-
ast á næstu mánuðum.
Því er ekki að neita að á
þeim tíma sem fyrirtækið hefur
starfað hefur byggst upp hjá
okkur mikil þekking. Við höfum
lært fjölmargt varðandi þá
tækni sem er notuð í þessum
iðnaði og einnig hefur okkur
lærst hversu gríðarlega um-
fangsmikill þessi rannsóknar-
iðnaður er og hversu mikil áhrif
hann hefur í raun á hagkerfi
heimsins. Og hvort sem okkur
líkar það betur eða verr, á tím-
um endurnýjanlegra orkugjafa,
þá er olía og gas gríðarlega stór
hluti af hagkerfi heimsins. Við
höfum líka lært að eftirlitsiðn-
aðurinn er mjög strangur, ekki
síst er lýtur að umhverfismál-
um, og á þeim tíma sem við
höfum starfað hafa orðið miklar
breytingar á þessu sviði, sem er
mjög af hinu góða,“ segir Ágúst
H. Guðmundsson.
Andi Steel, jarðeðlisfræðingur, sem unnið hefur með Neptune ehf. síðan 2009.