Morgunblaðið - 08.09.2016, Síða 9

FRÉTTIR 9Innlent
MORGUNBLAÐIÐ FIMMTUDAGUR 8. SEPTEMBER 2016
Bergþóra Jónsdóttir
bj@mbl.is
Samkomulag hefur náðst um mikil-
vægar forsendur er varða þjónustu og
rekstur hjúkrunarheimila. Sam-
kvæmt upplýsingum frá velferðar-
ráðuneytinu liggja drög að ramma-
samningi fyrir og eru aðilar sammála
um að ljúka gerð endanlegs samnings
fyrir 1. október næstkomandi. Aðilar
að samkomulaginu eru Samtök fyr-
irtækja í velferðarþjónustu, Samband
íslenskra sveitarfélaga og Sjúkra-
tryggingar Íslands með aðkomu vel-
ferðarráðuneytisins og fjármála- og
efnahagsráðuneytisins. Ramma-
samningurinn er til þriggja ára og fel-
ur m.a. í sér aukið fé til rekstursins
eða um 1,5 milljarða króna á árs-
grundvelli á árunum 2016-2018.
Samkomulag um lífeyrismál
Í rammasamkomulaginu kemur
meðal annars fram að auk hækkunar
ríkisins um 1,5 milljarða króna mun
ríki og sveitarfélög vera sammála um
að ríkið yfirtaki lífeyrisskuldbinding-
ar hjúkrunarheimila sem rekin eru á
ábyrgð sveitarfélaga með sambæri-
legum hætti og ríkið hefur yfirtekið
skuldbindingar annarra hjúkrunar-
heimila. Ef af verður mun þetta þýða
að lífeyrisskuldbindingar hverfa úr
ársreikningum þessara heimila til
framtíðar litið.
Merk tímamót
Kristján Þór Júlíusson heilbrigðis-
ráðherra segir samkomulagið merk
tímamót því með því verði hjúkrunar-
heimilin byggð á traustari grunni en
verið hefur og ríki og rekstraraðilar
muni koma heimilunum í uppbygg-
ingarlegri farveg.
Pétur Magnússon, formaður Sam-
taka fyrirtækja í velferðarþjónustu
og forstjóri Hrafnistuheimilanna,
segir samkomulagið vissulega
áfangasigur en samt megi alltaf gera
betur. „Að mínu mati er það þjóð-
félagsleg nauðsyn að gerðir séu
samningar um slíkar upphæðir sem
greiddar eru úr ríkissjóði árlega.
Kostnaður vegna þessa málaflokks er
um 25 milljarðar á ári og hingað til
hafa ekki verið til samningar milli rík-
is og hjúkrunarheimilia um nema lít-
inn hluta þessrar upphæðar.
Samningaviðræður hafa staðið yfir
í 20 mánuði og hefðum við viljað ná
fleiri af markmiðum okkar í gegn en
teljum að betra sé að ganga frá
rammasamningi á þessum nótum en
að slíta viðræðum,“ segir Pétur. Það
beri hæst að ríkið sé ekki tilbúið að
greiða hjúkrunarheimilum nægilega
háa upphæð svo þau geti starfað sam-
kvæmt viðmiðum Embættis land-
læknis um lágmarksmönnun á hjúkr-
unarheimilum, að sögn Péturs.
Aukið fé um 1,5 milljarða
 „Áfangasigur en hefði mátt gera betur,“ segir Pétur Magn-
ússon, formaður Samtaka fyrirtækja í velferðarþjónustu
Morgunblaðið/Ómar
Hjúkrunarheimili Fjárframlögin verða aukin á næstu þremur árum.
Ingvar Atli Sigurðsson, for-
stöðumaður Náttúrustofu Suður-
lands, býst ekki við að mikið finnist
af pysjum í Vestmannaeyjum í ár.
„Ég held að þetta fari ekki mikið
yfir 1.000 pysjur,“ segir Ingvar en
eins og kemur fram á baksíðu
blaðsins er þegar búið að skrá um
600 pysjur í Sæheimum. „Það hafa
komið alveg dauð ár þar sem hefur
ekki komið neitt af pysjum í bæinn
svo fólk verður dálítið upprifið þeg-
ar það kemur eitthvað. En þetta er
mjög lítið og kemur mjög seint. Ég
veit ekki alveg hvernig fer fyrir
þessum pysjum,“ segir Ingvar.
Áður fyrr voru pysjurnar komn-
ar í bæinn fljótlega eftir Þjóðhátíð
og jafnvel allar flognar úr holum
sínum um miðjan ágúst. En nú eru
pysjurnar að sjást í byrjun sept-
ember og teygist á pysjuveiðinni
fram í október. „Varpið hófst að-
eins seinna en í meðalári og svo er
pysjutíminn mikið lengri en hann á
að vera, hann á að vera 42 dagar en
þær eru 60 og jafnvel upp í 80 daga
núna að vaxa. Þær taka sér lengri
tíma í þetta því það er svo lítið æti
fyrir þær.“
Lundavarp í Eyjum hefur misfar-
ist að mestu flest ár frá 2003.
Hremmingar lundastofnsins virðast
tengjast fæðuskorti í kringum eyj-
arnar. Varpárangur lundans í Eyj-
um í ár verður aðeins á milli 10 og
20% að sögn Ingvars. Annars er
staðan á lundanum mjög góð fyrir
norðan og vestan en í Vest-
mannaeyjum og á Suðurlandi er
staða lundastofnsins enn í slæmum
málum. ingveldur@mbl.is
Pysjurnar eru
lengur að vaxa
 Pysjurnar koma seint og eru fáar
Morgunblaðið/Ómar
Lundar Stofninn nær sér ekki á strik við suðurströndina.