Dagblaðið Vísir - DV - 31.03.2015, Blaðsíða 10
10 Fréttir Páskablað 31. mars–7. apríl 2015
Rekkjan ehf ≤≥ Ármúla 44 ≥≥ 108 Reykjavík ≥≥ 588 1955 ≥≥ www.rekkjan.iS ≥≥ Opið virka d. 10–18 og lau 11–16 H E I L S U R Ú M
30% AFSLÁTTUR AF ÖLLUM
ROYAL-HEILSUKODDUM
GILDIR MEÐAN BYRGÐIR ENDAST
10 DAGA
AFSLÁTTUR Í50%
Í DAG ER ÞAÐ ROYAL LAYLA PLUSH
FULLT VERÐ 275,268 Kr.
NÚ 137,654 Kr.
MEÐ 50% AFSLÆTTI
TILBOÐIÐ GILDIR MEÐAN BYRGÐIR ENDAST
VIÐ GERÐUM ÞETTA Á SÍÐASTA ÁRI
OG GERUM AFTUR NÚNA
KOMDU STRAX AF ÞVÍ AÐ ÞETTA
TILBOÐ GILDIR BARA Í DAG
ROYAL LAYLA PLUSH
Queen size (153X203 cm)
Á HVERJUM DEGI - Í TÍU DAGA - VELJUM VIÐ EINA
TEGUND AF RÚMI OG SELJUM MEÐ 50% AFSLÆTTI
Foreldrar eiga ekki
að labba um og mynda
Prestar mæla ekki með því að foreldrar myndi börnin sín meðan á fermingarathöfn stendur
M
isjafnt er hvort foreldrar
fái að taka eigin ljósmynd-
ir við fermingar barnanna
sinna eða ekki. Stundum
er fenginn ljósmyndari
til að mynda, annaðhvort athöfnina
sjálfa eða hópinn að henni lokinni.
Engar reglur til staðar
Séra Árni Svanur Daníelsson hjá
Biskupsstofu segir að engar form-
legar reglur hafi verið settar varð-
andi það hvort foreldrar megi taka
ljósmyndir í fermingum. „Ég held
að þetta sé yfirleitt í höndum hverr-
ar kirkju. Kirkjan hefur ekki sett alls-
herjarreglur um þetta. Þetta fer oft
eftir aðstæðum, hvort maður vill að
fólk sé að taka myndir í athöfninni,“
segir Árni Svanur.
„Myndir ljúka upp minningum“
Sjálfur hefur hann ekki gert
athugasemdir við myndatökur for-
eldra þegar hann er að þjóna. „Fólk
smellir bara myndum. Ég þekki
ekki til vandamála í kringum þetta.
Myndir ljúka upp minningum og fólk
vill eiga góðar minningar frá athöfn-
inni. Við gerum það bæði með því
að smella af sjálf og með því að taka
formlegri myndir,“ segir Árni.
Ljósmyndari myndar athöfnina
Í Digraneskirkju myndar einn ljós-
myndari athöfnina sjálfa og foreldrar
fá aðeins tækifæri til að mynda börn-
in sín að henni lokinni. Ef foreldrar
vilja geta þeir keypt myndirnar sem
ljósmyndarinn tekur við athöfnina
og kostar það 8.000 krónur. Í kringum
20 til 25 foreldrar hafa nýtt sér þessa
þjónustu á ári hverju undanfarin ár.
Stilla sér upp fyrir myndastund
Í Laugarneskirkju fá foreldrar einnig
eingöngu að mynda eftir athöfnina.
„Við biðjum fólk um að vera ekki að
taka myndir meðan á athöfninni
stendur en eftir athöfnina er sérstök
myndastund. Þegar krakkarnir eru
búnir að ganga út koma þeir aftur og
stilla sér upp. Fyrst í hóp og svo eins
og fólk vill. Sumir vilja mynda sitt
barn, eins og gengur og gerist,“ segir
séra Kristín Þórunn Tómasdóttir.
Hún segir ekki hafa komið til
tals að fá sérstakan ljósmyndara
til að mynda börnin. „Það er góð
reynsla af þessu og það hafa engar
athugasemdir verið gerðar.“
Myndatakan má ekki trufla
Í Grafarvogskirkju eru myndatökur
leyfðar í athöfninni en ekki þannig
að þær séu truflandi. Að henni lok-
inni tekur ljósmyndari hópmynd af
krökkunum og í framhaldinu geta
foreldrar myndað hópinn eða börn-
in sín ein og sér, ef þeim sýnist svo.
Myndin sem ljósmyndarinn tekur
kostar 3.500 krónur.
Labbi ekki um kirkjuna
Í Bústaðakirkju var ákveðið eftir for-
eldrafundi að biðja fólk um að labba
ekki um kirkjuna og mynda með-
an á athöfninni stendur. Í lagi er að
mynda í sætunum en best er að stilla
myndatökum í hóf. „Svo kemur ljós-
myndari í lokin og tekur hópmynd.
Þegar hann er búinn að því geta allir
tekið mynd af hópnum eins og þeir
vilja,“ segir séra Pálmi Matthíasson
sóknarprestur.
Fólk getur keypt myndina af ljós-
myndaranum og kostar hún 2.500
krónur. Hann myndar aftur á móti
ekki meðan á athöfninni stendur.
Óþægilegt að horfa inn í linsu
Pálmi segir engan vera settan út af
sakramentinu þótt hann gangi um
kirkjuna og myndi við sjálfa athöfn-
ina. „Fólk verður að ráða því sjálft
en það áttar sig fljótt á því að það er
truflandi og krökkunum finnst held-
ur ekkert mjög þægilegt að horfa
inn í einhverja linsu. Þau missa svo-
lítið fókus á athöfninni sjálfri,“ seg-
ir hann. „Svo kemur líka á móti að
margir vilja eiga þetta „móment“ og
þá mynda menn úr sætinu sínu ef
þeir vilja. Þeir hafa öll tæki og tól til
þess. Við óskum bara eftir því að fólk
sé ekki labbandi, allavega upp að og í
kringum altarið, að mynda.“ n
Freyr Bjarnason
freyr@dv.is
Dreifði nektarmyndum
Dæmdur fyrir að dreifa myndum af 17 ára unnustu sinni
K
arlmaður var í síðustu viku
dæmdur í 60 daga skilorðs-
bundið fangelsi í Héraðsdómi
Austurlands fyrir að setja
fimm nektarmyndir af fyrrverandi
unnustu sinni á Facebook. Stúlk-
an var sautján ára þegar brotið var
framið.
Fram kemur í dómnum að svo
virðist sem maðurinn, sem var 18
ára þegar brotið var framið, hafi ver-
ið fúll yfir því að stúlkan hafi haldið
framhjá honum. Birti hann í kjölfarið
fimm nektarmyndir af henni á Face-
book-síðu sinni undir yfirskriftinni.
„Takk fyrir að halda framhjá mér
sæta.“ Myndirnar tók hann síðan út
nokkrum mínútum síðar en skað-
inn var skeður. Maðurinn játaði brot
sín fyrir dómi og var hann sakfelld-
ur fyrir brot gegn barnaverndarlög-
um, blygðunarsemi og fyrir stór-
felldar ærumeiðingar. Manninum
var gert að greiða stúlkunni 250 þús-
und krónur í skaðabætur og allan
málskostnað, 616 þúsund krónur. n
mikael@dv.is
Séra Pálmi
Matthíasson
Segir að mynda-
tökur fólks í miðri
athöfn geti verið
truflandi.
Laugarneskirkja Myndastund er haldin
eftir fermingarathöfnina. Mynd Sigtryggur Ari
„Krökkunum
finnst heldur
ekkert mjög þægilegt að
horfa inn í einhverja linsu.
Þau missa svolítið fókus á
athöfninni sjálfri.
Jón Gnarr á
„stóra svið
stjórnarráðs“?
Össur Skarphéðinsson, þingmað-
ur Samfylkingarinnar, segir að
Jón Gnarr, fyrrverandi borgar-
stjóri Reykjavíkur, sé tilvalið ráð-
herraefni fyrir þingflokk Pírata.
Þetta sagði Össur í færslu á Face-
book-síðu sinni á mánudag.
Eins og greint var frá fyr-
ir skemmstu mældist þingflokk-
ur Pírata stærsti flokkur landsins í
skoðanakönnun MMR.
Össur hefur pistilinn á þeim
orðum að honum þyki miður að
Jón Gnarr hafi tilkynnt að hann
vildi ekki lengur verða forseti Ís-
lands. Össur segir að Jón hefði
getað frelsað embættið úr þeirri
stöðu sem það sé nú í.
„Jóns Gnarr geta þó enn beðið
mikil örlög. Sem kunnugt er hafa
Píratar siglt beggja skauta byr í
mörgum síðustu skoðanakönnun-
um og virðist ekkert lát á. Þeir
eru í dag með langmest fylgi allra
flokka,“ segir Össur og bætir við að
hann hafi enga trú á að núverandi
ríkisstjórn haldi velli. Ef kosið yrði
núna yrðu, samkvæmt skoðana-
könnunum, Píratar stærsti stjórn-
málaflokkurinn. Það myndi þýða
að forsætisráðherra kæmi úr röð-
um Pírata. Össur telur í því sam-
hengi að þar gæti Jón Gnarr kom-
ið inn með sína reynslu:
„Píratar hafa margsinnis sagt
að þeir vilji fara ótroðnar slóðir,
og að það kæmi vel til greina að
sækja ráðherraefni út fyrir raðir
þingflokksins. Enginn í seilingar-
fjarlægð við Pírata hefur meiri
reynslu til að stýra landinu en sá
sem hefur stýrt höfuðborg með
farsælum hætti. Það tókst Jóni
Gnarr sannarlega. Passi hann að
fara ekki í framboð til þings yrði
hann nánast sjálfkjörinn sem
reynslubolti utan þings til að
fara með aðalhlutverkið á stóra
sviðinu í Stjórnarráðinu.“
Skilorð fyrir hefndarklám Maðurinn birti
fimm nektarmyndir af fyrrverandi unnustu
sinni, sem þá var 17 ára, á Facebook í fyrra.