Dagblaðið Vísir - DV - 31.03.2015, Blaðsíða 24

24 Fréttir Erlent Páskablað 31. mars–7. apríl 2015
Þau eru áhrifamest á netinu
Time Magazine afhjúpaði á dögunum lista yfir fólk sem blaðamenn og ráðgjafar
þeirra telja vera áhrifamest á netinu um þessar mundir. Farið var yfir stöðu fólks
á samfélagsmiðlum og áhrif þess þar, aðsókn á heimasíður, áhorf á myndbönd
og hæfileika fólksins til að koma efni á framfæri. Á listanum leynast 30 lista-
menn, embættismenn og svo sjálfskapaðar netstjörnur. astasigrun@dv.is
 Taylor Swift
Söngkonan Taylor Swift þykir
nýta samfélagsmiðla sérstaklega
vel til að ná til aðdáenda sinna. Á
liðnu ári skrifaði hún athugasemd
við Instagram-mynd hjá einum
aðdáanda, sendi öðrum lagalista
sem átti að koma honum í gegnum
ástarsorg og svo bauð hún aðdá-
endum sínum heim til sín að hlusta
á nýjustu plötuna hennar, áður
en hún kom út. Þeir sem fengu að
koma í heimsókn voru einstaklingar
sem hún hafði sjálf fundið og fylgst
með á samfélagsmiðlum. Þó að
Swift sjálf láti ekki mikið á þessum
samskiptum bera vekja aðdáendur
hennar sífellt á þeim athygli og fyrir
vikið tryggir stjarnan sér mikinn
velvilja og tryggð aðdáenda.
 Kim Kardashian Raunveruleikastjarnan
Kim Kardashian hefur fullkomnað tæknina á bak við „selfie“
eða sjálfsmyndina og birtir oft á dag af sér sjálfsmyndir á
hinum ýmsu miðlum. Hún státar af flestum einstökum
notendum á Instagram, eða 27 milljónum notenda og nýtur
mikillar hylli bæði á Facebook og Twitter.
 Barack Obama Barack Obama ákvað snemma í fyrri
kosningabaráttu sinni að sterk staða á samfélagsmiðlum væri mikilvægur
þáttur þegar kæmi að kosningunum. Eftir að hann tók við embætti sem
forseti Bandaríkjanna hefur hann ekkert slegið af og er virkur á Instagram
og Facebook en sló að auki öll met þegar hann sat fyrir svörum á Reddit.
 Beyoncé Tónlistar- og athafnakonunni Beyoncé tókst að senda frá sér
hljómplötu án nokkurs fyrirvara og platan seldist þrátt fyrir það í einni milljón eintaka á
einni viku í fyrra. Þakka má klókri og snarpri markaðssetningu á vefnum þessar vinsældir.
Hún notar Instagram-aðganginn sinn sérstaklega vel til að vekja athygli á sér og gefa innsýn
í líf sitt, eitthvað sem aðdáendur hennar þrá að fá. Þegar sögusagnir eru um bresti í
hjónabandi hennar birtir hún iðulega myndir af þeim hjónum saman, án orða og þaggar
þannig niður í gagnrýnisröddum.
 Justin Bieber Segja má að Justin Bieber sé fyrsta stórstjarna samfélags-
miðlanna, en hann hefur ekki gefið út plötu í þrjú ár en nýtur þrátt fyrir það álíka vinsælda og
þegar hann vann sem mest. 23 milljónir aðdáenda fylgja honum á Instagram, 78 milljónir á
Facebook og 61 milljón á Twitter.
 The Jester Sumir kalla hann glæpamann en aðrir hylla hann sem hetju. The
Jester, eða hirðfíflið, er einn af mörgum nafnlausum aðilum á netinu sem þekktir eru fyrir
grasrótarstarf og aktívisma. Hann segist sjálfur beina spjótum sínum að hryðjuverkamönn-
um og á þeim fimm árum sem hann hefur starfað hefur hann lagt af velli 180 heimasíður,
meðal annars síður sem tengst hafa hryðjuverkasamtökunum ISIS. Þá hefur hann gert
samtökum eins og Westboro Baptist-kirkjunni grikk. Hann hefur aldrei verið ákærður eða
handsamaður og er einn umfangsmesti hakkari í heimi.