Dagblaðið Vísir - DV - 08.09.2015, Blaðsíða 19

Vikublað 8.–10. september 201514 Fréttir
VANTAR ÞIG BÍL?
Kynntu þér kosti langtímaleigu AVIS.
Langtímaleiga AVIS er þægilegur,
sveigjanlegur og umfram allt
skynsamlegur kostur þegar kemur
að rekstri bifreiða.
Hagkvæmur kostur og allt innifalið,
s.s. bifreiðagjöld, tryggingar, olíuskipti
og allt hefðbundið viðhald.
Vetrarleiga AVIS er góður kostur fyrir
þá sem eru í / vinna við skóla, vinna við
vetrartengt starf eða vilja einfaldlega
heilsusamlegri lífsstíl á sumrin.
Hafðu samband og kynntu þér málið.
Þjónustuver Avis 591 4000 - avis@avis.is Bílaleiga
Fimm hundruð börn á biðlista
Árleg vandræði við að manna frístundaheimili
U
m fimm hundruð börn
á grunnskólaaldri eru á
biðlista eftir að komast á
frístundaheimili í Reykja-
vík. Biðlistar eftir frístunda-
heimilum eru orðnir árlegt vanda-
mál og er rót vandans sú að erfiðlega
gengur að manna stöður áður en
grunnskólarnir byrja á haustin. Á
frístundaheimilum borgarinnar er
sex til níu ára börnum við grunn-
skóla Reykjavíkurborgar boðið upp
á tómstundastarf eftir að skóladegi
lýkur. Það setur því fjölmarga for-
eldra þeirra barna sem byrja skóla-
árið á biðlistum í erfiða stöðu þar
sem þeir þurfa að verða sér úti um
frí í vinnunni með tilheyrandi tekju-
missi þegar um er að ræða ung
börn. Móðir í Grafarvogi, með barn í
öðrum bekk á biðlista, man ekki eft-
ir öðru eins.
Frístundaheimili eru starfrækt
við alla grunnskóla í Reykjavík en
samkvæmt upplýsingasíðu skóla-
og frístundasviðs heyra 39 frí-
stundaheimili og 6 frístundaklúbb-
ar fyrir 4.100 börn undir sviðið.
Börn fara á frístundaheimili eftir að
hefðbundnum skólatíma lýkur og
dekka þau því hefðbundinn vinnu-
tíma hjá foreldrunum. Þegar börn-
in komast ekki að er ljóst að foreldr-
ar þurfa að brúa bilið þennan hálfa
dag með öðrum leiðum, fimm daga
vikunnar og það getur kostað um-
talsvert vinnutap.
Árlegur flöskuháls í kerfinu
Sigrún Björnsdóttir, upplýsinga-
fulltrúi skóla- og frístundasviðs,
segir að um árlegan vanda sé að
ræða og að staðan nú sé svipuð og
í fyrra.
„Þetta er árvisst. Þetta eru
hlutastörf sem eru að stórum
hluta mönnuð af háskólanemum
og þeir eru fram í september að
skipuleggja sitt nám og ráða sig í
hlutastörf samhliða námi. Þannig
að þetta er ákveðið ferli sem kemst
í jafnvægi um miðjan september
og þá er jafnan búið að fullmanna
frístundaheimilin,“ segir Sigrún í
samtali við DV. „Það eru í kring-
um 500 börn sem enn bíða eftir að
komast inn á frístundaheimilin en
búist er við að þetta verði komið í
lag, eða í jafnvægi, upp úr miðjum
september.“
Sigrún bendir á að yngstu börn-
in, sem eru að byrja í fyrsta bekk,
njóti forgangs og ættu flest ef ekki
öll að vera komin inn en síðan geti
verið misjafnt eftir hverfum hversu
vel eða illa gangi að manna stöður.
Erfiðast sé einhverra hluta vegna
að manna stöður í Grafarvogi.
Aldrei lent í öðru eins
„Ég hef aldrei lent í þessu eins og
núna,“ segir Karlotta Jensdóttir leik-
skólakennari sem er með barn í 2.
bekk, einmitt í Grafarvogi, sem ekki
hefur komist inn á frístundaheimili
nú þegar rúmur hálfur mánuður er
liðinn af skólaárinu. Hún segir að hún
hafi meðal annars mátt reiða sig á að-
stoð frá tengdamóður sinni þennan
tíma en að ástandið og óvissan hafi
valdið fjölskyldunni vandræðum.
„Það er samt engin lausn að reiða sig
á fjölskyldu og reddingar í á þriðju
viku. Ég veit um fólk sem þarf að taka
sér frí frá vinnu.“
Samkvæmt ráðningarstöðu sem
tekin var 25. ágúst síðastliðinn var
talað um að það vantaði 120 starfs-
menn í um 60 stöðugildi, en um er
að ræða 50 prósent stöðugildi. Sigrún
bendir á að mikil hreyfing sé á þess-
um málum og því séu þetta líklega
þegar orðnar úreltar tölur. n
Biðlistar í borginni Um fimm hundruð grunnskólabörn á aldrinum 6–9 ára eru nú á biðlista eftir plássi á frístundaheimili í Reykjavík. Ekki
er búist við að búið verði að ráða í stöður og ná jafnvægi fyrr en um miðjan mánuðinn.
Mynd StefÁn KArlSSon
„Ég hef
aldrei lent
í þessu eins og
núna.
Sigurður Mikael Jónsson
mikael@dv.is