Dagblaðið Vísir - DV - 29.10.2015, Blaðsíða 22

22 Fréttir Helgarblað 29. október–2. nóvember 2015
– Vegferð fjölskyldna langveikra
barna um þjónustukerfið.
Málþingið 30. október kl. 14.00 á Hilton Nordica
Dagskrá og skráning á www.umhyggja.is.

AðgAngur
ókeypis
n Hagnaður Subway jókst um 100 milljónir milli ára n Skúli segir tækifæri í fjölda ferðamanna
S
tjarnan ehf., rekstrarfélag
Subway- skyndibitastaðanna
á Íslandi, hagnaðist um
rúmar 174 milljónir króna
í fyrra samkvæmt ársreikn-
ingi félagsins fyrir árið 2014. Þannig
jókst hagnaður Stjörnunnar um
rúmar hundrað milljónir króna
milli ára en árið 2013 skilaði félag-
ið tæpum 72 milljónum í hagn-
að. Félagið, sem er með einkaleyfi
fyrir og rekur 23 Subway-staði hér
á landi, er í eigu Skúla Gunnars Sig-
fússonar athafnamanns í gegnum
Leiti eignarhaldsfélag ehf. Hagnað-
ur síðasta árs helgast fyrst og fremst
af áhrifum frá fasteignafélagi Skúla,
dótturfélagi Stjörnunnar.
Bátar fyrir 1,8 milljarða
Af sölutekjum Subway í fyrra má
ráða að Íslendingar hafi keypt
Subway-báta og aðrar veitingar á
veitingastöðunum fyrir rétt rúmlega
1,8 milljarða króna. Heildarrekstrar-
tekjur félagsins, upp á tæplega 1,9
milljarða króna, standa reyndar
nánast í stað milli ára en rekstrar-
gjöld nema 1.837 milljónum króna.
Aukinn hagnaður Stjörnunnar milli
ára skýrist fyrst og fremst af áhrif-
um dótturfélagsins Sjöstjarnan ehf.
sem er fasteignafélag Skúla. Í árs-
reikningi kemur fram að hlutdeild
Stjörnunnar í afkomu dótturfé-
lagsins séu um 168 milljónir króna.
Þetta staðfestir Skúli í samtali við
DV. Hagnaður fasteignafélagsins
nam á síðasta ári 206 milljónum
króna en fasteignir Sjöstjörnunnar
eru metnar á rúma 2,8 milljarða
króna.
Sterk staða félagsins
Eigið fé félagsins nemur rúmum 805
milljónum króna, eignir félagsins eru
metnar á rúma 1,5 milljarða króna
á móti skuldum upp á samtals 758
milljónir. Fram kemur í skýrslu stjórn-
ar í ársreikningnum að tillaga um arð-
greiðslu verði lögð fram á aðalfundi
en engar upplýsingar liggja fyrir um
arðgreiðslur til eigenda undanfarin ár.
Vöxtur hér á landi
Samkvæmt ársreikningi störfuðu 150
starfsmenn við heilsársstörf hjá fé-
laginu í fyrra. Hin alþjóðlega keðja
telur 40 þúsund veitingastaði í rúm-
lega hundrað löndum um allan heim.
Fyrsti Subway-staðurinn á Íslandi var
opnaður árið 1994 af Skúla Gunnari í
Faxafeni í Reykjavík. Í dag eru 15 stað-
ir í Reykjavík en 8 á landsbyggðinni,
þar af eru tveir í Reykjanesbæ, tveir á
Akureyri og svo eru staðir á Selfossi, í
Vestmannaeyjum, Akranesi og Egils-
stöðum.
Skúli bjartsýnn
Aðspurður hvort enn séu tækifæri til
vaxtar hér á landi í ljósi þess að tekjur
Subway stóðu því sem næst í stað milli
ára segir Skúli svo vera.
„Já, það eru tækifæri en það hefur
aukist samkeppnin sem er auðvitað
af hinu góða. Eins og allir vita hefur
ferðamönnum fjölgað gífurlega og því
fylgir aukning og fjölgun af flóru góðra
veitingastaða. Við höldum ótrauð
áfram. En við erum komin með 23
staði í 330 þúsund manna landi og því
miður getum við ekki endalaust vax-
ið og bætt við. En við erum bara bjart-
sýn.“
Umsvif Skúla í veitingarekstri hér á
landi einskorðast ekki við Subway því
hann er einnig einn af aðaleigendum
Hamborgarafabrikkunnar í gegnum
Leiti og á 25 prósenta hlut á móti Sig-
mari Vilhjálmssyni og Jóhannesi Ás-
björnssyni sem eiga 35 prósenta hlut
hvor. n
Sigurður Mikael Jónsson
mikael@dv.is
Athafnamaður Skúli Gunnar Sigfússon,
kenndur við Subway, er eigandi Stjörnunnar
ehf. rekstrarfélags veitingastaðanna. Hagn-
aður síðastliðinna fimm ára nemur rúmum
620 milljónum króna. Mynd RóBeRt ReyniSSon
Hagnaður Stjörnunnar
ehf. undanfarin ár
Ár Hagnaður í milljónum kr.
2014 174,2
2013 71,7
2012 132
2011 120
2010 124
Alls 621,9
Fasteignafélag hífir
upp hagnað Subway
„Við erum
bara
bjartsýn