Dagblaðið Vísir - DV - 29.10.2015, Blaðsíða 54

46 Skrýtið Sakamál Helgarblað 29. október–2. nóvember 2015
Í
mars árið 1999 fóru bandarísku
hjónin Shelley Tyre, sem var
skólastjóri á Boston-svæðinu, og
David Swain, sem höndlaði með
köfunartæki, ásamt vinafólki
sínu í frí til Tortola. Fríinu vörðu
þau um borð í snekkju og nutu þess
að kafa, meðal annars niður að
Twin Tugs, flökum dráttarbáta sem
sökkt var við Mabouya-eyju í sept-
ember 2007 og eru mjög vinsæl á
meðal reyndra kafara.
Á síðasta frídeginum köfuðu
hjónin enn og aftur niður að flök-
unum en fyrir Shelley þá yrði um
síðustu köfun að ræða – í orðsins
fyllstu merkingu. Einn vina hjón-
anna fann lífvana líkama hennar á
80 feta dýpi, kom honum upp á yf-
irborðið og kallaði á hjálp. David,
sem hafði á árum áður unnið við
neyðarlæknaþjónustu, brást skjótt
við en eftir að hafa reynt endurlífg-
un í um þrjár mínútur lét hann gott
heita – Shelley var látin.
Virtist borðleggjandi
Lögreglu á Tortola sýndist sem ekki
væru brögð í tafli og David var frjáls
ferða sinna eftir að hún ræddi við
hann. Honum var afhent lík Shelley
og fór með það heim, til Rhode Is-
land í Bandaríkjunum.
David hafði samband við fjöl-
skyldu sína og Shelley sem eðlilega
var brugðið, en fjölskyldu henn-
ar var fyrirmunað að skilja hvernig
Shelley hefði getað látið lífið með
þessum hætti.
David virtist aftur á móti dafna
vel í kjölfar slyssins að mati þeirra
sem til þekktu. Don nokkur Badger
hafði á orði að David væri „of léttur í
lund“ og bætti við: „Þessi náungi er
of ánægður.“
Lögfræðingur ráðinn
Hjúskaparsáttmáli Swain-hjón-
anna kvað á um að David fengi
ekki einn eyri af auðæfum eigin-
konu sinnar ef til skilnaðar kæmi.
Shelley skildi eftir sig andvirði um
80 milljóna króna og David beið
ekki boðanna eftir að hann fékk
aðgang að fénu. Hann eyddi á báða
bóga, fór iðulega í frí og fór að gera
hosur sínar grænar fyrir hnykk-
lækni að nafni Mary Basler, konu
sem hann sagði vera „sálufélaga“
sinn, aðeins tveimur vikum eftir
dauða Shelley.
Innan tíðar var fræ grunsemda
fjölskyldu Shelley orðið að
fullvissu um að David væri úlf-
ur í sauðargæru og ári eftir dauða
hennar réð hún lögfræðing sem
ásamt teymi sínu ákvað að kafa í
málið.
Undarlega skemmd
öndunargríma
Að undirlagi lögfræðingsins skoðuðu
sérfræðingar köfunarbúnað Shelley
og komust að þeirri niðurstöðu
að skemmdir á öndunargrímunni
kæmu spánskt fyrir sjónir. Engu lík-
ara væri en að tekist hefði verið á um
hana og leiddar að því líkur að David
hefði komið aftan að Shelley og rifið
með herkjum af henni grímuna.
Árið 2006 lét fjölskylda Shelley
slag standa og höfðaði einkamál á
hendur David Swain fyrir dómstól-
um á Rhode Island. Niðurstaðan var
sú að David væri ábyrgur fyrir dauða
eiginkonu sinnar. Hann var dæmd-
ur til að greiða fjölskyldu Shelley
3,5 milljónir Bandaríkjadala en kom
með krók á móti bragði, lét lýsa sig
gjaldþrota og borgaði aldrei krónu.
Yfirvöld á Tortola rumska
En dómurinn sem kveðinn var upp
á Rhode Island vakti athygli yfir-
valda á Tortola sem ákváðu að leggja
fram ákæru á hendur David og árið
eftir, 2007, var hann framseldur frá
Bandaríkjunum til Tortola.
Við réttarhöldin fékk kviðdóm-
ur að heyra, meðal annars, að Dav-
id væri svikull eiginmaður sem hefði
haldið fram hjá Shelley. Einnig kom
fram að munnstykki öndunargrímu
Shelley hafði aldrei fundist, önn-
ur sundblaðkan fundist hálfgrafin í
sandrifi á botni sjávar og að súrefn-
iskútur Shelley hafði ekki verið tóm-
ur. Allt var þetta talið ótvíræð stað-
festing á að átök hefðu átt sér stað.
Dómur fellur
Hjúskaparsáttmálinn og auðæfi
Shelley voru síðan rúsínan í pylsu-
endanum hjá saksóknara á Tortola.
Verjendur Davids héldu því fram
að Shelley hefði setið að sumbli
kvöldið fyrir síðustu köfunina. Hún
hefði misst stjórn á sér, einhverra
hluta vegna, ekki ráðið við aðstæður
og drukknað. Þeir sögðu enn frem-
ur að niðurstöður krufningar væru
ófullnægjandi en ekki væri loku fyrir
það skotið að hjartaáfall hefði orðið
henni að aldurtila.
Kviðdómarar lögðu ekki trúnað á
orð verjenda Davids og 23. nóvem-
ber var hann dæmdur til 25 ára fang-
elsisvistar.
Átakanleg fortíð og áfrýjun
En ekki voru öll kurl komin til graf-
ar og David ákvað að áfrýja dómn-
um. Dóttir hans frá fyrra hjónabandi
sagði við blaðamenn að kviðdómur
þyrfti að heyra af átakanlegri fortíð
föður síns – bróðir Davids hefði barið
móður þeirra til bana og faðir þeirra
hefði, áður en það gerðist, yfirgefið
fjölskylduna til að verða kona.
Árið 2012 var áfrýjun Davids tek-
in fyrir en hvort áföll hans fyrr meir
höfðu eitthvert vægi skal ósagt látið.
Hins vegar komst áfrýjunardómstóll
að þeirri niðurstöðu að pottur hefði
verið brotinn hvað varðaði tilmæli
dómara til kviðdómara í upphaflegu
réttarhöldunum. Kviðdómurum
hefði nánast verið sagt að hundsa
málflutning verjenda og þrýst á þá
um að hallast að sjónarmiði sækj-
anda.
Sektardómi Davids Swain var
snúið og í dag er hann frjáls maður. n
„Don nokkur
Badger hafði á orði
að David væri „of léttur í
lund“ og bætti við: „Þessi
náungi er of ánægður.
Glöð á góðri stund David og Shelley Tyre þegar lífið lék í lyndi.
Ódæði eða Óhapp
n Shelley Tyre lést við köfun n Eiginmaður hennar sýndi litla sorg
Í sjónvarpsviðtali
David Swain hefur reynt
að útskýra hvað gæti hafa
orðið Shelley að aldurtila.