Dagblaðið Vísir - DV - 28.08.2015, Page 33

Helgarblað 28.–31. ágúst 2015 Fólk Viðtal 25
Gamli GluGGinn úr
nýi GluGGinn í
svo einfalt
er það!
súðarvoGur 3-5, reykjavík
GluGGaGerdin@GluGGaGerdin.is
s: 5666630 / GluGGaGerdin.is
Sitjum
eftir í
gamla
tímanum
„Ég er að vísa til þess að flokk-
urinn er ávallt svo sterkt tengd-
ur við grunnatvinnuvegina í
landinu. Í fyrsta lagi við orku-
öflun og orkunýtingu og líka
skynsama nýtingu auðlind-
anna í hafinu. Menn segja
gjarnan að flokkurinn vilji
bara virkja meira og fá fleiri
orkufrek fyrirtæki til lands-
ins. Nú, eða menn segja,
flokkurinn vill ekki hlusta á
vilja þjóðarinnar í sjávarút-
vegsmálum. Ég segi, tökum
þessa umræðu en á sama
tíma verður flokkurinn að ná
betur til kjósenda um önn-
ur mál sem jafnvel eru að
verða stærri.“ Bjarni nefnir
ferðageirann til sögunnar
og bendir á að vöxtur hans
hafi verið gríðarlegur. En
hann horfir lengra og víðar.
Hann telur til kvikmynda-
gerð, forritaþróun og fleiri
vaxtarsprota sem hafa vax-
ið hratt og geta orðið öflugir.
„Flokkurinn verður að koma betur
til skila sýn sinni á nýtingu tækifær-
anna á þessum sviðum og fleiri mál-
efnasviðum. Umhverfismálin eru þar
mikilvæg. Með þessu vil ég breikka
umræðuna um Sjálfstæðisflokkinn.
Við höfum tekið mjög stíft til varna
um stefnu okkar í sjávarútvegsmál-
um og orkunýtingarmálum. Það hef-
ur orðið til þess að sýn fólks á flokkinn
hefur takmarkast við þessa mála-
flokka, sem er svo rangt og illa lýsandi
fyrir það sem við viljum standa fyrir.“
Hafið þið grafið of djúpar skotgraf-
ir í þessum málum?
„Menn hafa án efa viljað gera ágrein-
ing um auðlindanýtingu á Íslandi við
Sjálfstæðis flokkinn. Mér finnst ekki
standast nema brot af því sem haldið
er fram um flokkinn og stefnu hans í
þessum málaflokkum. Það verður að
koma sá tímapunktur að við náum
sátt um þessi mál og að því erum við
svo sem að vinna. Með breytingum á
auðlindaákvæði í stjórnarskrá og fisk-
veiðistjórnunarkerfinu og til dæm-
is breytingar á eigendastefnu Lands-
virkjunar. Allt eru þetta skref í þá átt
að taka þessi stóru mál úr daglegri
átakaumræðu stjórnmálanna.“
Sitjum eftir í gamla tímanum
Ertu að segja að þú ætlir að mýkja
Sjálfstæðisflokkinn?
„Það sem hefur gerst síðustu ára-
tugi er að samfélagið hefur breyst og
flokkurinn þarf að breytast samhliða
því.“
Hefur hann ekki gert það?
„Mér finnst að við sitjum dálítið eft-
ir í gamla tímanum. Það stafar held
ég að hluta til af því að flokkurinn
var við völd í svo langan tíma sam-
fleytt.“ Bjarni segir eðlilegt að þegar
lífsafkoma þjóðarinnar gekk út á
það að nýta sjávarauðlindina hafi
stjórnmálin snúist um sjávarútveg-
inn. Sama hafi verið upp á teningn-
um þegar nýting orkuauðlinda fyr-
ir stóriðju hafi verið í brennidepli.
Hann rifjar upp að síðustu stóru átök-
in á því sviði hafi verið Kárahnjúkar.
Horfandi um öxl telur hann að þess-
um tveimur meginstoðum í hagkerfi
Íslands hafi verið kirfilega komið fyr-
ir og því sé rétt að horfa til fleiri þátta.
Víkka út umræðuna og í raun að færa
Sjálfstæðisflokkinn aðeins til í um-
ræðunni. „Það er orðið tímabært að
snúa sér að hinum nýju stoðum hag-
kerfisins. Nú erum við komin með
það öflugt hagkerfi og þróað mennta-
kerfi og í raun öflugt samfélag að okk-
ar næstu stóru skref eiga að vera inn
á ný svið. Verðmætasköpun á nýjum
sviðum sem eiga sér takmarkalausa
vaxtarmöguleika. Sjálfstæðisflokk-
urinn þarf að taka þetta skref með
þjóðinni. Ég vil sjá okkur meira af-
gerandi í umræðu á þessum sviðum.
Ísland mun ekki bara snúast um fisk
og ál þó að það séu mikilvægir þætt-
ir. Ég vil taka Sjálfstæðisflokkinn inn
á þessar nýju lendur og við þurfum að
einbeita okkur að því að teikna upp
framtíðarsýn á þessum vettvangi.
Við getum ekki látið stjórnmála-
umræðuna bara snúast um gömlu
stoðirnar, hversu mikilvægar sem
þær eru.“
Ert þú maðurinn til að taka Sjálf-
stæðisflokkinn og nútímavæða hann?
Bindið er lagað á nýjan leik. Ekki að
það hafi nokkuð þurft, en nú er það
mjög gott. „Ég er tregur til að fella
dóma um hvað ég get sjálfur gert.
Ég treysti mér til þess að vera sá sem
leggur í auknum mæli áherslu á þessi
mál og ég trúi því að þetta sé rétt fyr-
ir samfélagið og um leið nauðsyn-
legt skref fyrir Sjálfstæðis flokkinn
að beina sjónum sínum að
þessum nýju verkefnum.
Ég tel líka að þau kynslóða-
skipti sem urðu þegar ég
var kjörinn formaður séu
nauðsynleg og ég treysti mér
til að tengja við gamla tím-
ann og um leið að tala máli
nýrrar kynslóðar.“ Hann hef-
ur þann varan á að verkefni
stjórnmálamanna á þessu
sviði er að skapa regluverk-
ið, undirbúa jarðveginn og
gera hann frjóan. Hann tek-
ur skýrt fram að ekki standi til
að gera þetta með handafli.
Sjálfstæðisflokkurinn er ekki
að fara að stofna þessi fyrir-
tæki en markmiðið er að um-
hverfið verði aðlaðandi fyrir
þá sem vilja fara í þessar nýju
greinar.“
Ríkisstjórn með Pírötum?
Píratar mælast með yfir þrjá-
tíu prósenta fylgi í skoðana-
könnunum, mánuð eftir
mánuð. Þó svo að flestum
stjórnmálamönnum sé illa við
„hvað ef“-spurningar, er Bjarni
beðinn um að upplýsa, ef kosið
yrði nú og úrslitin yrðu á þá leið sem
kannanir mæla, hverjum myndi hann
fara í ríkisstjórn með? „Þú ert í raun
að spyrja mig hvort Píratar séu stjórn-
tækur flokkur. Mér finnst enginn geta
sett sig í það sæti að dæma aðra úr leik
sem hafa sterkt lýðræðislegt umboð.
Því er ekki að leyna að mér finnst hafa
verið mikið rótleysi í kringum suma
í þessum flokki. Ég nefni sem dæmi
að Birgitta sást fyrst á þingi þegar
„Mikil-
vægt
fyrir Hönnu
Birnu að fá
endurnýjað
umboð
Stjörnumaður
Bjarni var leikmað-
ur Stjörnunnar
og spilaði sem
varnarmaður.