Dagblaðið Vísir - DV - 28.08.2015, Page 46

Helgarblað 28.–31. ágúst 201538 Menning
Mynd BenjaMin ealovega
Konungur sönghópanna
The King's Singers með tónleika og vinnustofu í Hörpu
H
inn margverðlaunaði breski
sönghópur The Kings's Singers
heldur tónleika í Eldborgarsal
Hörpu 16. september næst-
komandi. Hópurinn hefur starfað frá
árinu 1968 en af þeim sex sem skipa
hópinn hefur David Hurley, fyrsti ten-
ór, sungið lengst með hópnum, eða frá
árinu 1989.
Á þeim fimmtíu árum sem hópur-
inn hefur verið starfræktur hefur hann
sent frá sér yfir 150 diska og hlotið
tvenn Grammy-verðlaun, árin 2009
og 2012, og sungið á yfir hundrað tón-
leikum um allan heim árlega.
„Þeir eru mjög fjölhæfir og efnis-
skráin þeirra er gríðarlega fjölbreytt.
Þarna er allt frá klassík, endurreisn-
artónlist, barokk og yfir í popp. Árið
2013 sendu þeir frá sér Great Amer-
ican Songbook og eru því með djass-
slagara á efnisskránni. Á tónleikun-
um í Hörpu verða þeir svo með eitt
íslenskt lag á efnisskránni. Það er
Kvöldvers eftir Tryggva Baldursson
sem hann útsetti fyrir þá að þessu til-
efni,“ segir Pétur Oddbergur Heimis-
son, skipuleggjandi tónleikanna.
Auk þess að halda tónleika munu
meðlimir hópsins kenna Masterclass-
námskeið fyrir íslenska sönghópa,
kammerkóra, og kóra samdægurs. Sex
hópar hafa verið valdir til þátttöku í
námskeiðinu – en það eru Kvennakór
Garðabæjar, oktettinn Einn tvöfaldur,
Barbörukórinn, Kalmanskórinn af
Akranesi, Raddbandafélag Reykjavík-
ur og Skuggamyndir.
Námskeiðið verður haldið í tveim-
ur sölum Hörpu frá klukkan 11.00 til
13.30 en almenningur getur einnig
fylgst með kennslunni. „Hver og einn
hópur fær 40 mínútur og það fer eft-
ir stærð hópanna hversu margir með-
limir King's Singers verða með. Þeir
hjálpa sönghópnum eða kórnum að
bæta framkomu, hvernig hann byrjar,
andar saman og ýmsir litlir hlutir sem
skipta mikla máli. Ég held að þetta geti
verið mjög fróðlegt og áhugavert að
sjá hvernig þeir vinna,“ segir Pétur. n
kristjan@dv.is
Hljóðbylgjur og
Hættulegar skissur
É
g veit hvað gerist þegar ég læt
ákveðna tíðni vinna á móti
annarri, hvernig munstur verð-
ur til. En þó ég þekki virknina
veit ég samt aldrei nákvæm-
lega hvernig verkið verður hverju
sinni,“ segir Finnbogi Pétursson um
hljóðskúlptúra sína en einn slíkur,
Infra/ Supra, er sýndur um þessar
mundir á sýningunni Listería sem
fer fram í hálfkláruðu safnahúsi á
Seltjarnarnesi. Finnbogi mun leiða
gesti um sýninguna klukkan 15.00 á
laugardag.
Ef fólk ætlar að gera sér ferð út á
Seltjarnarnes til að upplifa list Finn-
boga má einnig benda á að önn-
ur sýning á verkum listamannsins
fer fram um þessar mundir í bæn-
um, sýningin Sjólag í Gallerí Gróttu á
Eiðistorgi.
dansað fyrir ofan og neðan línu
Finnbogi hefur um árabil starfað á
mörkum listforma og fundið frjóan
skurðpunkt raftónlistar og myndlist-
ar. Á áttunda áratugnum byrjaði hann
að vinna með sjónræna eiginleika
hljóðbylgna. Árið 1991 sýndi hann
fyrst verkið hringur þar sem hann
lætur hljóðgjafa hanga rétt fyrir ofan
vatnsflöt. Hljóðbylgjurnar mynda
gárur sem er svo speglað upp á vegg
með ljóskösturum.
Um miðjan síðasta áratug var
verkið svo sett upp til frambúðar
í kjallara höfuðstöðva Orkuveitu
Reykjavíkur. Finnbogi hefur í kjölfarið
sett upp innsetningar í sama stíl í
munkaklaustri frá 13. öld, sjöundu
aldar vatnsbóli í Marokkó, í Pitts-
burgh í Bandaríkjunum og nú síð-
ast í hálfkláruðu læknaminjasafni
á Seltjarnarnesi. Verk Finnboga eru
ávallt mótuð sérstaklega fyrir tiltekið
sýningarrými og nefnist verkið sem
hann sýnir nú í dimmum og köldum
steinsteyptum kjallara hússins, Infra/
Supra, eða fyrir ofan og neðan.
„Eina beina pottþétta línan sem
maður getur fengið á jörðinni er vatn-
ið. Hljóðbylgjurnar í verkinu dansa
fyrir ofan og neðan þessa beinu línu.
Sínusbylgjurnar ferðast fyrir ofan og
neðan slétta flötinn og það er það sem
við sjáum. Hvítu línurnar á veggnum
er sá hluti bylgjunnar sem er fyrir
ofan vatnsflötinn og þær svörtu fyrir
neðan. Þetta er dans milli negatífu og
pósitífu, yin og yang.“
Skapandi augnablik
„Það er betra að þessi verk séu
í góðu myrkri og það sé ekki
mikil utanaðkomandi truflun.
Það er mjög mikilvægt fyrir
mig að þú komir inn og verk-
ið grípi þig strax – það skiptir
ekki máli hvort það séu fjór-
ar sekúndur eða tveir tímar.
Best er ef þú læsir þig við það,
látir hugann reika og náir að
fara eitthvað annað en hing-
að. Að þú farir út með aðrar
hugsanir en þú komst inn með.“
Þessi ósk Finnboga um að kveikja
nýjar hugsanir hjá áhorfandanum
endurómar svo í þeirri ákvörðun að
nota þriggja riða rafstraum í verkinu.
„Skapandi augnablikið í heilanum á
sér stað þegar hann starfar á þremur
riðum. Þess vegna hef ég mikið notað
frá tveimur til fjórum riðum í verkum
mínum.“
Skissur og ný mið
Finnbogi segir að í gegnum tíðina
hafi hann öðlast betri skilning á sam-
spili bylgnanna og vatnsins og öðl-
ast tæknilega færni til að stjórna því.
Áður notaðist hann við tölvu-
forrit til að gera skissur og sjá
nákvæmlega fyrir sér hvernig
mynstur myndi skapast. „Hætt-
an við að nota svona herma er
að skissan getur farið að gefa
þér sama „kikk“ og þú færð
þegar þú ert búinn að skapa
verkið. Það er rosalega hættuleg
staða fyrir mig sem listamann,
þegar skissan er orðin það
góð að þú sérð nákvæmlega hvern-
ig virknin er – þá ertu kominn út á
hættulegar brautir.“
En skissan getur verið listaverk í
sjálfu sér. Á sýningunni Sjólag sem
stendur yfir í Gallerí Gróttu leyfir
hann tölvugerðum skissum – sem
voru svo hættulegar fyrir hljóðverkin
– að njóta sín einum og sér.
Verkin voru upphaflega gerð fyrir
sýningu sem fór fram á Eskifirði síð-
asta sumar. Í verkunum nýtir hann sér
nöfn og gamlar lýsingar á því hvern-
ig veiðimenn komust á gjöful fiskimið
úti fyrir Austfjörðum. Hann stillir svo
ákveðin veðurskilyrði inn í tölvuforrit
sem formar tölvugert landslag.
„Ég byrja með ládauðan eða slétt-
an sjó í þrívíddartölvuforritinu, svo
stilli ég inn í það ölduhæð, vind-
stefnu og –styrk, þar til ég er kominn
með ákveðnar upplýsingar sem búa
til þetta sjávarlandslag,“ segir Finn-
bogi. n
n Finnbogi Pétursson tekur þátt í tveimur sýningum á seltjarnarnesi n rabbar við gesti um verk sín
Kristján guðjónsson
kristjan@dv.is „Skapandi augna-
blikið í heilanum
á sér stað þegar hann
starfar á þremur riðum.
Fyrir ofan og neðan Hvítu línurnar
á veggnum er sá hluti bylgjunnar sem
er fyrir ofan vatnsflötinn og þær svörtu
fyrir neðan. Mynd þorMar vignir gunnarSSon