Fréttatíminn - 13.08.2016, Blaðsíða 22

22 | FRÉTTATÍMINN | Laugardagur 13. ágúst 2016
Íslenski djassinn streymir fram
Nýr íslenskur djass kemur oftar en ekki út í kippum og á undanförnum árum hefur útgáfan oft viljað þéttast í
kringum Jazzhátíð Reykjavíkur sem nú er í fullum gangi. Fréttatíminn skoðar fjórar glænýjar útgáfur.
Svif Agnars
Fimmta djassplata Agnars Más Magnússonar lítur nú dagsins
ljós og heitir Svif. Nafnið kemur úr samræðu við áhorfendur.
„Við vorum að prufukeyra efni plötunnar á tónleikum síðasta
vetur og ég kallaði eftir hugmyndum áheyrenda. Síðan var það
tengdapabbi sem kom með þetta nafn, eitthvert svif tengdist
upplifun hans af tónlistinni. Það er gott að hafa gott svigrúm
til að leika nýja tónlist á tónleikum, þá „sest hún“ og maður
venst henni.“
Agnar Már lærði sinn djasspíanóleik bæði í Hollandi og
Bandaríkjunum og segir það móta tónlist sína. „Það er fínt þegar maður
býr og starfar hér mitt á milli.“
Á plötunni leikur Agnar ásamt Scott McLemore á trommur og Valdi-
mar Kolbeini Sigurjónssyni á bassa. Hann segir mikilvægt að vera ekki
feiminn við þetta söguríka form, djass-píanótríóið. „Það þýðir ekkert að
láta lifandi eða látna meistara þvælast fyrir sér, maður verður bara að
vera trúr sínu. Möguleikar hljóðfæranna eru miklir. Það er í höndum
þessara þriggja einstaklinga að skapa tónlistina.“
Fullur bjartsýni
Þorgrímur Jónsson bassaleikari sendir nú frá sér sína fyrstu
plötu undir eigin nafni og nefnir hana Constant Movement.
„Maður gerir þetta náttúrulega bara í pípandi bjartsýnisk-
asti,“ segir Þorgrímur hlæjandi þegar hann er spurður um
afurðina. „Annars hefur það blundað í manni alveg frá útskrift
að koma frá sér plötu og ekki gefist tími fyrr en nú. Tilfinn-
ingin er bara ljúf, miðað við þær móttökur sem maður hefur
fengið frá sínum nánustu.“
Með Þorgrími leika Ari Bragi Kárason á trompet, Ólafur
Jónsson á tenórsaxófón, Kjartan Valdimarsson á píanó og
hljómborð og Þorvaldur Þór Þorvaldsson á trommur. „Þetta
eru mennirnir sem lífga þetta við. Maður kemur með eitt A4
blað fyrir þá og tónlistin sprettur fram.“
Djasstónlist í dag er víðtækt hugtak sem hægt er að teygja í ýmsar áttir.
„Djassinn getur í rauninni rúmað allt. Ætli mín tónlist sé ekki bara fjöl-
breytt og lagræn og undir áhrifum jafnt frá Balkanskaganum, úr popp-
og rokktónlist og frá hörðum og mjúkum djassi,“ segir Þorgrímur, sem
slær botn í Jazzhátíð Reykjavíkur að þessu sinni með útgáfutónleikum í
Hörpu klukkan 21 á sunnudag.
Leynilegt swing
Secret Swing Society á rætur að rekja til Amsterdam þar sem
meðlimir sveitarinnar, þrír Íslendingar, Frakki og Lithái, voru í
námi. Þrátt fyrir nafnið hefur sveitin ekki verið sérlega leynileg
nema þá helst þegar æfingar hófust.
Allir meðlimir sveitarinnar leika á hljóðfæri og syngja í rödd-
um. Bassa leikarinn Andri Ólafsson talar fyrir hönd sveitarinn-
ar: „Við byrjuðum að hittast þarna úti og leika gamla bandaríska
swingtónlist. Við fórum með hana út á götur borgarinnar og
fengum góðar viðtökur. Brátt fórum við að syngja líka og þá bara
bötnuðu viðtökurnar.“
Swing var popptónlist síns tíma. „Það er gaman að leika þessa tónlist og
gott að blanda þessu saman við annað sem maður er að vinna að. Margt af
annarri tónlist sem ég leik kemur á einn eða annan hátt úr þessari átt,“ segir
Andri sem er líka meðlimur í Moses Hightower.
Á nýju plötunni, Keeping it Secret, eru 7 frumsamin lög og þekktir
„standardar“. „Þetta er tilgerðarlaus, aðgengileg og strangheiðarleg tónlist,“
segir Andri.
Ypsilon frá Andrési Þór
Andrés Þór Gunnlaugsson gítarleikari sendir frá sér nýja plötu
sem hann kallar Ypsilon. Þetta er fimmta plata Andrésar undir
eigin nafni.
„Ég er því ágætlega sjóaður í að senda frá mér svona gripi,“
segir Andrés Þór. „Mér leið vel með þessa plötu, fannst hún vera
alveg tilbúin.“
Áhrifin koma víða að, frá dægurtónlist og ferskum djassi
beggja vegna Atlantshafsins þó að Andrés segi oft erfitt að átta
sig á hvaðan innblásturinn kemur.
Á plötunni leikur kvartett sem Andrés fékk til samstarfs við
sig á Jazzhátíð árið 2014. Richard Anderson leikur á bassa, Ari
Hoenig á trommur og Agnar Már Magnússon á píanó. Þeir Agnar og Andr-
és eru samverkamenn í tónlistinni til marga ára en Agnar sendir líka frá sér
nýja plötu í tenglsum við Jazzhátíð. „Við erum alls ekki í samkeppni,“ segir
Andrés og hlær. „Djassinn á Íslandi er einn stór vináttuleikur. Það er gaman
að heyra hvað félagarnir eru að gera og hjálpast að.“
Guðni Tómasson
gudni@frettatiminn.is
Íþróttamenn eru ekki einir um að keppa á ólympíuleikunum í Ríó í
sumar. Brasilíski götulistamaðurinn Eduardo Kobra keppir einnig að
ákveðnu marki: Hann ætlar að setja nýtt Guinnes-met með nýjustu vegg-
mynd sinni.
Verkið, sem ber yfirskriftina
Etnias, þekur meira en 2.800
fermetra af yfirgefnu vöruhúsi í
einu af nýuppgerðum hverfum
Ríó. Veggur umlykur svæðið og
á hann er teiknað. Með því að
nota skæra liti og geómetrísk
form eru teiknuð upp fimm and-
lit frumbyggja frá fimm heims-
álfum. Ólympíuhringirnir fimm
eru innblástur að fjölda einstak-
linga. Andlitsmyndirnar sýna
andlit meðlima Mursi fólksins frá
Eþíópíu; Kayin frá Tælandi; Supi
frá Evrópu; Huli frá Papúa í Nýju Gíneu og Tapajos frá Ameríku.
„Mig langaði að sýna að við erum öll eitt,“ segir Kobra og vill þannig
gefa heilbrigð og jákvæð skilaboð á tímum glundroða og spennu í Ríó og
víðar. Verkefnið er framhald af listaverki hans Friðarhorfum (e. Peace
Outlooks) sem sýna myndir af fólki eins og Malölu, Martin Luther King
og Nelson Mandela. | bg
Ekki bara ólympíufarar
sem keppa í Brasilíu
Götulistamaðurinn Kobra ætlar að slá met
Lest fer hjá nýjasta listaverki Kobra í Ríó.
Konan á veggnum er úr
Mursi ættflokknum í Eþíópíu.
Hin fagra og forna Albanía.
Albanía hefur nú loksins opnast fyrir erlendum
ferðamönnum. Enn hefur alþjóðavæðingin ekki
náð að festa þar rætur og er lítt sjáanleg. Þar má
sjá ævaforna menningu, söguna á hverju horni,
gríðarfallega náttúru og fagrar strendur og
kynnast einstakri gestrisni heimamanna þar sem
gömul gildi eru í hávegum höfð.
Verð 344.900 per mann i 2ja manna herbergi
Innifalið. Flug hótel í London, hótel m/hálfu fæði
í Albaníu, allar skoðunarferðir, ísl. fararstjóri, skattar
og aðgangur þar sem við á.
Upplýsingar í síma 588 8900
Albanía
4. - 15. október
WWW.TRANSATLANTIC.IS SÍMI: 588 8900
Við kynnumst
stórkostlegri náttúru,
dýralíf og hinum forna
menningarheimi Maya
indíána. Skoðum m.a.
píramída,gamlar
menningaborgir, syndum
í sjónum við næst
stærsta kóralrif heims
og upplifum regnskóginn.
Endum svo á lúxus hóteli
við Karabíska, þar sem
allt er innifalið.
568.320.-
á mann í 2ja manna herbergi
Innifalið:
Flug, skattar, hótel með
morgunmat, islenskur
fararstjóri, allar ferðir og
aðgangur þar sem við á.
0 4 - 1 9 O k t ó b e r 2 0 1 6
Á SLÓÐIR MAYA INDÍÁNA
MEXICO, BELIZE
& GUATEMALA