SÍBS blaðið - 01.06.2006, Blaðsíða 19

19
hjá hjartasérfræðingi. Nefnd voru dæmi þessu
til stuðnings. Einnig var undirstrikað það aukna
óhagræði og sá kostnaður sem hlýst af því að
sjúklingurinn þurfi að hitta heimilislækni og
óska þar eftir tilvísun til hjartasérfræðings.
Engir samningar í sjónmáli
Ráðherra var spurður um á hvaða stigi
samningaviðræður ráðuneytisins við sjálfstætt
starfandi hjartalækna væru. Einnig hvort
stæði til að afturkalla reglugerðina þegar/ef
samningar nást eða hvort gert væri ráð fyrir
að reglugerðin verði áfram í gildi þó svo að
samningar náist.
Í svörum ráðherra kom fram að mati ráðuneyt-
isfólks væri öryggi sjúklinga ekki stefnt í hættu.
Hægt væri að fá skjóta þjónustu á heilsugæslu
auk bráðaþjónustu á LSH. Ráðherra sagði að
mikið bæri á milli samningsaðila. Þá sagði ráð-
herra ekki ljóst hvort reglugerðin stæði áfram
þó að samningar næðust.
Ekki hafa verið teknar ákvarðanir um fund
ráðuneytisins með fulltrúum hjartasérfræðinga
vegna samningsgerðar og samningar væru því
ekki í sjónmáli.
Samráðsnefnd verður skipuð
Að lokum lagði ráðherra til að skipaður yrði
þriggja manna samráðsnefnd til að fylgjast með
gangi mála sem í ættu sæti fulltrúi heilbrigðis-
og tryggingamálaráðuneytisins, Hjartaheilla og
hjartasérfræðinga. Þetta var samþykkt. Vonandi
felst í þessu samstarfi vettvangur fyrir félögin
að vinna málstað skjólstæðinga þeirra fylgi
og finna leiðir til að bæta úr þessu ófremdar-
ástandi. Það er með öllu óviðunandi að hjarta-
sjúklingar geti ekki haft aðgang að hjartalækn-
um sínum án milliliða. SÍBS og Hjartaheill
skora enn og aftur á heilbrigðisráðherra og
hjartalækna að setjast að samningaborðinu og
leysa þessa deilu sem allra fyrst.
Nýjun
g!
Léttur ab-drykkur í dós – næstum of góður!
Ný
tt f
rá
MS