SÍBS blaðið - 01.06.2006, Blaðsíða 22

22
störfum 1990. Sú sem hér stendur tók síðan við
starfi Þóru hér 1995.
Ég ætla ekki að rekja starfsmannaskiptin lengra
en eitt er víst að án alls þess hæfa starfs-
fólks sem komið hefur að störfum í Hlíðabæ
hefðu stjórnendurnir mátt sín lítils. Við höfum
verið lánsöm að njóta hæfileikaríkra starfs-
krafta. Starfsfólk með margs konar gagnlega
sérmenntun og áhugamál sem mikilvægt er
að nýta. Viðfangsefni og þjálfunaraðferðir
mótast því sífellt af þessu tvennu; annars vegar
styrkleika og getu skjólstæðinganna og hins
vegar því sem starfsfólk hefur best að bjóða á
hverjum tíma.
Grunnur sá er lagður var í upphafi að starf-
semi Hlíðabæjar, hugmyndafræðin sem lá að
baki starfseminni og markmið starfsins eru
enn í fullu gildi þó áhersluatriðin séu eilítið
breytileg. Áherslurnar miðast alltaf við þann
skjólstæðingahóp sem er í Hlíðabæ hverju
sinni, þarfir þeirra og fjölskyldna þeirra. Þeim
reynum við að mæta eftir bestu getu en fjár-
hagur og fjöldi starfsmanna setja okkur auðvit-
að ákveðnar skorður.
Áður en starfsemin hófst í Hlíðabæ fóru nokkr-
ir starfsmenn til Bandaríkjanna og skoðuðu 3
heimili í Bronx fyrir tilstuðlan Peggyjar Helga-
son iðjuþjálfa. Það reyndist gott veganesti við
mótun starfsins.
Starfsemi Hlíðabæjar byggir hugmyndafræði
sína á kenningum um að þarfir manneskjunnar
séu óbreyttar frá vöggu til grafar.
Abraham Maslow setti þessar þarfir upp í
pýramída „Þarfapýramídann“ þar sem neðst eru
þær fyrirferðamestu, grunnþarfirnar sem oftast
er séð vel fyrir, s.s. fæði, klæði og húsaskjól.
Ofar á pýramídanum eru þarfirnar fyrir það
að koma að notum og láta gott af sér leiða. Í
Hlíðabæ hefur verið leitast við að huga vel að
þessum efri hluta pýramídans eins og þörfinni
fyrir að finna til nytsemdar sinnar, að skipta
aðra máli og gera eitthvað gagnlegt. Það er því
mikilvægt að finna styrkleikana hjá hverjum
og einum. Næra þá með viðeigandi viðfangs-
efnum og verkefnum. Horfa ekki um of á það
sem er farið (sjúkdómurinn rænir persónuleik-
anum) en horfa á það sem eftir er og byggja
á því. Það er mikilvægt að allir heyri um það
sem gengur vel, jákvætt viðhorf örvar og eflir
sjálfstraustið og hæfileikarnir sem eru til staðar
nýtast betur. Á þessum 20 árum hafa tæplega
300 einstaklingar og fjölskyldur þeirra notið
þjónustunnar í Hlíðabæ. Í upphafi fékkst heim-
ild fyrir 20 manns og hefur nánast alltaf hvert
pláss verið skipað.
Ríkið greiðir daggjöld fyrir hvern einstakling
sem þetta árið er 8.104 krónur. S.l. 2 ár hefur
reksturinn verið öfugu megin við núllið. Það er
okkur vaxandi áhyggjuefni sem við höfum gert
heilbrigðisyfirvöldum grein fyrir. Við finnum
þörfina fyrir aukna þjónustu við fjölskyldur
skjólstæðinga. Aukinn fjöldi yngri skjólstæð-
ingar með aðrar þarfir gera aðrar kröfur. Til-
finnanlegur skortur er á stuðningsúrræðum eins
og heimaþjónustu og heimahjúkrun og skortur
á sambýlum og hjúkrunarheimilum við hæfi
eru verkefni sem brýnt er að leysa.
Virðing, virkni, vellíðan. Það eru þau ein-
kunnarorð sem við viljum að sé einkennandi
fyrir þjónustuna í Hlíðabæ.
Fortíðin er það sem við byggjum á, ræturnar
sem eru okkur öllum svo nauðsynlegar.
Nútíðin er þar sem við erum nú og getum haft
áhrif á og breytt og þá sérstaklega okkkur sjálf-
um.
Framtíðin er það sem við viljum horfa til.
Í draumum mínum um framtíð Hlíðabæjar og
umhverfi hans vil ég sjá:
1. Virkari þátttöku heilabilaðra sjálfra í stefnu-
mörkun þjónustunnar og aukin stuðning við
þá í samskiptum við þá aðila sem þeir þurfa
þjónustu frá.
2. Aukna þjónusta við fjölskyldur, bæði í formi
stuðnings og fræðslu.
3. Aukna möguleika á fræðslu, stuðningi og
handleiðslu fyrir starfsmenn heimilisins.
Aukna möguleika á að ráða fleira fagmennt-
að fólk til starfa.
4. Úrbætur, sérstaklega í málum yngri skjól-
stæðinga bæði hvað varðar skammtímainn-
lagnir á sólarhringsstofnanir, sambýli og
hjúkrunarheimili.
Ég hef hér aðeins stiklað á stóru og ekki farið í
fyrirkomulag starfsins, dagskrá á heimilinu eða
annað því viðvíkjandi. Það bíður betri tíma.
Góð stemning í sundlauginni. Sólardagur í garðinum við Hlíðabæ.