SÍBS blaðið - 01.06.2006, Blaðsíða 25
Augnlæknastöðin Sjónlag hf. er til húsa í
Spönginni, Grafarvogi. Þar er sinnt almennum
augnlækningum ásamt laseraðgerðum við
sjónlagsgöllum sem skipa veigamikinn
sess í starfsemi stöðvarinnar. Undanfarna
mánuði hafa staðið yfir miklar breytingar.
Ólafur Már Björnsson er sérfræðingur
í sjónhimnusjúkdómum. Hann er
nýkominn úr sérnámi frá Osló og hóf
störf hjá Sjónlagi sl. sumar. Hann mun
byggja upp augnbotnaeftirlit í Sjónlagi
en lögð verður aukin áhersla á greiningu og
meðhöndlun sjónhimnusjúkdóma en áður. Ólafur
Már hefur í nokkur ár rekið miðstöð fyrir
sjónhimnulækningar í Osló
og starfar enn þar þótt hann
sé kominn heim.
Við báðum Ólaf Má
að lýsa fyrir okkur hvað
sjónhimnusjúkdómar væru
og hvað felst í eftirlitinu.
„Sjónhimnan þekur augað
að innanverðu og má líkja
við filmuna í myndavél. Í
daglegu tali er oft talað um
augnbotninn. Breytingar í
augnbotnum hafa mikil áhrif
á sjón fólks. Það eru einkum
aldraðir og sykursjúkir sem
fá augnbotnabreytingar í
formi nýæðamyndunar og
bjúgs í sjónhimnu. Miklar
framfarir hafa orðið á þessu
sviði lækninga undanfarin
ár, sérstaklega hvað
varðar greiningartækni en einnig í þróun nýrra
meðferða. Rannsóknir hafa sýnt ótvíræða kosti
við reglubundið eftirlit með augnbotnum, sem
dæmi má nefna að á Íslandi er lögblinda vegna
sykursýki með því lægsta sem gerist í heiminum
og er reglubundið eftirlit ein helsta ástæðan fyrir
þessum árangri.”
„Í augnbotnaeftirliti felst ítarleg skoðun, stafræn
augnbotnamyndataka ásamt þykktarmælingu,
æðamyndatöku og sjónsviðsmælingu eftir
þörfum. Stafræna tæknin gerir okkur kleift að
halda utan um gagnagrunninn á auðveldan hátt.
Þannig getum við borið saman stafrænar myndir
og skoða þannig þróun augnbotnabreytinga og
gripið inní á réttum tímapunkti. Hornsteinn góðs
eftirlits er fræðsla sjúklinga enda er mikilvægt að
sjúklingar þekki einkenni eigin sjúkdóms og viti
hvernig bregðast skuli við. Svo kölluð Amsler-
kort eru mjög hjálpleg og hægt að fá hjá
augnlæknum. Þannig getur fólk sjálft
fylgst með framvindu sjúkdómsins og
látið vita ef breyting verður á.“
Að sögn Ólafs Más felst meðferðin
annars vegar í lasermeðferð og hins
vegar í lyfjameðferð þar sem lyfin
eru ýmist gefin í æð eða beint í
augað. Lasermeðferðirnar getum við
framkvæmt í Sjónlagi en sumar lyfjameðferðanna,
sem margar eru mjög dýrar, eru gerðar á
Augndeild LSH.
„Ég setti á fót sjónhimnumiðstöð í Osló þar sem
við höfum náð góðum
árangri í baráttunni við
sjúkdóma í sjónhimnu
og er ætlunin að
byggja á þeirri
reynslu hér heima
við uppbyggingu
augnbotnaeft i r l i ts .
Við erum mjög vel
búin tækjum til þessa
í Sjónlagi og haldið
verður vel utan um
alla sem koma í
eftirlit og þeir kallaðir
inn reglulega eftir
þörfum hvers og eins.
Sömuleiðis leggjum
við mikla áherslu á
góða samvinnu við heilsugæsluna.“
Augnbotnaeftirlit í Sjónlagi
R æ t t v i ð Ó l a f M á B j ö r n s s o n s é r f r æ ð i n g í s j ó n h i m n u s j ú k d ó m u m
Sjónhimnan
Amsler-kort: Notað
til að fylgjast með
ástandi augnbotna,
ef l ínurnar fara
að bogna er
mikilvægt að leita ti l
augnlæknis.
Eðlilegur augnbotn
og skemmd vegna
ell ihrörnunar.
Lasermeðferð á augnbotni
Kynning