SÍBS blaðið - 01.06.2006, Blaðsíða 26

26
Samband íslenskra berklasjúklinga var stofnað
1938. Markmið samtakanna var að stuðla að
útrýmingu berklanna og berjast fyrir bættum
kjörum berklasjúklinga. Fljótlega varð til hug-
myndin um stofnun vinnuheimilis til þess að
styðja berklasjúklinga út í atvinnulífið eftir
langa sjúkdómslegu. Fyrstu 15 árin dvöldu
aðeins berklasjúklingar á Reykjalundi en um
1960, þegar berklaveikin fór að láta undan
síga, varð ljóst að ekki væri lengur þörf á end-
urhæfingu fyrir þennan sjúklingahóp í sama
mæli og áður. Árið 1963 hóf sjúkraþjálfunar-
deild starfsemi og 1970 tók til starfa iðjuþjálf-
unardeild. Í tengslum við sjúkraþjálfunardeild-
ina voru ráðnir til starfa íþróttakennarar og
starfsemi heilsusports hófst. Smám saman
hefur endurhæfingin þróast og tekið til æ fleiri
sjúkdóma og vandamála sem hrjá fólkið í land-
inu. Reykjalundi - endurhæfingarmiðstöð er
nú skipt upp í níu svið: Gigtarsvið, hjartasvið,
lungnasvið, taugasvið, geðsvið, hæfingarsvið,
næringarsvið, verkjasvið og atvinnulega end-
urhæfingu. Eins og nöfn sviðanna bera með sér
leggja þau aðaláhersluna á mismunandi vanda-
mál. Þó fer ekki hjá því að mikil skörun er í
starfsemi sviðanna, t.d. hvað varðar fræðslu,
sálfræðiþjónustu, félagsráðgjöf og ýmsa þjálf-
unarþætti, enda eru vandamál hvers sjúklings
venjulega fjölþætt.
Á gigtarsviði fer fram endurhæfing sjúklinga
með langvinna stoðkerfisverki. Þetta eru
sjúklingar með „klassíska gigtarsjúkdóma“ t.d.
liðagigt, slitgigt og hrygggigt auk fjölvöðva-
gigtar og annarra langvarandi verkjavanda-
mála. Sviðið hefur yfir að ráða 15 plássum
hverju sinni. Algeng tímalengd endurhæfingar
eru 4 – 7 vikur þannig að 110 – 130 sjúklingar
geta fengið endurhæfingu á sviðinu á hverju
ári.
Í meðferðinni er teymisvinna fagstéttanna lögð
til grundvallar endurhæfingunni. Teymin eru
þverfaglegir vinnuhópar þar sem félagsráðgjafi,
læknir, sálfræðingur, hjúkrunarfræðingur, iðju-
þjálfi og sjúkraþjálfari vinna að því að aðstoða
sjúklinginn við að ná eins góðri líkamlegri,
andlegri og félagslegri færni og kostur er.
Endurhæfing á Reykjalundi
er full vinna fyrir sjúklinginn
Þegar sjúklingur kemur til endurhæfingar er
gerð meðferðaráætlun. Meðferðaráætlunin er
sniðin eftir þörfum hvers og eins og getur verið
bæði í formi hópmeðferðar og einstaklings-
meðferðar. Mikil áhersla er lögð á eigin vinnu
sjúklingsins og að hann sé virkur í endurhæf-
ingunni. Fræðsla, líkamsþjálfun og ýmiskonar
stuðningur eru grundvallarþættir og það und-
irstrikað að heilbrigðir lífshættir stuðli að góðri
heilsu. Sjúklingur fær vikulega stundaskrá sem
hann fylgir, nokkurn veginn eins og um skóla-
nám væri að ræða. Helstu þættir sem meðferðin
byggist á eru:
-Læknisfræðilegt mat á göngudeild. Þegar
beiðni berst um endurhæfingu er algengt að
sjúklingi sé boðið til forskoðunar á göngu-
deild Reykjalundar. Þetta er gert til þess að
reyna að átta sig á því hvort sú endurhæfing
sem gigtarsviðið býður upp á henti sjúk-
lingnum eða hvort hann geti fengið meðferð
annars staðar. Þetta er nauðsynlegt þar sem
við önnum því miður ekki öllum beiðnum
I n g ó l f u r K r i s t j á n s s o n l æ k n i r :
Um endurhæfingu
á gigtarsviði Reykjalundar
R
e
y
k
j
a
l
u
n
d
u
r