SÍBS blaðið - 01.06.2006, Blaðsíða 37
37
FRÁ FÉLAGSMÁLANEFND
HVATNING
Aðildarfélög SÍBS hafa tekið höndum
saman um það sameiginlega markmið:
Að styðja sjúka til sjálfsbjargar.
Næsta skref er að kynnast og starfa
saman af heilindum til að þoka baráttu-
málum félaganna áleiðis. Gera sér grein
fyrir hvar úrbóta er þörf og ganga í það
sameiginlega að reyna bæta úr því.
Nýta styrk heildarinnar til brautargengis.
Félagsmálanefnd hvetur þessvegna
félaga SÍBS til að mæta á næsta „Opið
hús“ á mánudegi kl. 16.00 - 18.00, von-
andi seinni hluta september. Áformað er
að fá fulltrúa frá aðildarfélögunum til að
kynna félag sitt og starfsemi þess.
Það verður kaffi á könnunni og gott með-
læti.
Ræðum saman. Stöndum saman. Stuðlum
að bættum lífskjörum allra SÍBS félaga
með því að gera okkur grein fyrir hvar
skórinn kreppir að hjá aðildarfélögunum
og berjast sameiginlega fyrir skynsamleg-
um úrbótum.
Á undanförnum árum hefur Hjartaheill, með
öflugum stuðningi AstraZeneca og heilbrigð-
isstarfsfólki víðs vegar um landið, staðið að
mælingum á blóðþrýstingi og blóðfitu hjá
almenningi ásamt því að veita ráðgjöf varðandi
heilsufar og þá einkum með tilliti til hjarta- og
æðasjúkdóma. Þar hefur vegið þungt ráðgjöf
um fyrirbyggjandi aðgerðir, mataræði og gildi
hreyfingar.
Í þessu skyni hafa starfsmenn Hjartaheilla
ásamt stjórnarfólki ferðast vítt um landið
auk þess að standa fyrir slíkum mælingum á
Alþjóðlega hjartadeginum sem er á haustdögum
ár hvert. AstraZeneca hefur tekið þátt í þessu
starfi með láni á útbúnaði og dýrmætu efni
ásamt því að hafa oft verið á vettvangi og veitt
upplýsingar.
Þá hafa ýmis stærri fyrirtæki og stofnanir verið
sótt heim og starfsfólki gefinn kostur á að fá
slíkar mælingar.
SÍBS, en Hjartaheill er innan vébanda þess,
hefur tekið þátt í þessu starfi og stundum hafa
ferðir um landið verið samnýttar í beggja þágu.
H j a r t a h e i l l – L a n d s s a m t ö k h j a r t a s j ú k l i n g a
Mælingar víða um land
Hér hafa heilbrigðisstarfsmenn komið sér fyrir í
Kringlunni í gamla Alþingishúsinu og eru að mæla, en
Ingibjörg Sólrún Gísladóttir er næst í röðinni. Aftast
fyrir miðri mynd er Ólafur Ólafsson frá AstraZeneca
og til hægri er Guðrún Bergmann starfsmaður
Hjartaheilla.
Mynd Rikisendursk. Texti: Hér var verið að mæla
blóðfitu og fleira hjá embætti Ríkisendurskoðanda
og þessi skemmtilega mynd birtist á heimasíðu
SÍBS undir heitinu: ,,Stungið á Sigurði Þórðarsyni
ríkisendurskoðanda”. F
é
la
g
s
s
t
a
r
f
ið