SÍBS blaðið - 01.11.2006, Blaðsíða 3

3
Skipulagsmál SÍBS
35. þing SÍBS markar nokkur þáttaskil
innan SÍBS. Með því lýkur í raun fjög-
urra ára vinnu að því að endurskoða lög
sambandsins, þar sem tvö síðustu ár hefur
verið lögð mikil áhersla á að marka sam-
bandinu stefnu fram á veginn og að laga-
breytingin geti verið rammi utan um það
starf sem framundan er.
Þegar lagafrumvarpi því sem fékk langa
umræðu á 34. þingi var vísað til frek-
ari úrvinnslu og afgreiðslu þá hófst
mikil vinna sem fólst m.a. í því að stjórn SÍBS leitaði
eftir víðtækri samvinnu úr röðum félagsmanna. Settur
var á stofn skipulagshópur sem skilaði áfangaskýrslu á
aukaþingi síðastliðið haust og laga- og skipulagsnefnd
SÍBS vann síðan með niðurstöður hans. Jafnframt barst
óvæntur liðsauki, þar sem hópur háskólanema undir for-
ystu stjórnarmanns í SÍBS, Auðar Ólafsdóttur, tók skipu-
lagsmál SÍBS sem sérstakt verkefni og skilaði skýrslu til
stjórnarinnar með tillögum.
Þessi mál voru aðalefni nýafstaðins þings og umræður
snerust nær eingöngu um lagabreytingarnar og þar með
skipulagsbreytingarnar.
Skemmst er frá að segja að þingið gaf stjórninni óskorað
umboð til að halda þessu starfi áfram og samþykkti með
lagabreytingunum þann grunn sem nauðsynlegt er að
byggja á.
Þær breytingar sem helst hafa verið ræddar felast m.a.
í aukinni ábyrgð stjórnar SÍBS á stofnunum sínum og
fyrirtækjum, og stórauknu flæði upplýsinga þar á milli.
Umfang sambandsins og umsvif aukast ár frá ári og
nauðsyn gegnsæis og tengsla jafnframt. Þá verður reynt
að dreifa áhrifum og völdum meira en verið hefur og
áhersla lögð á áætlanagerð og skipulega vinnu.
Starf SÍBS hefur frá upphafi verið hugsjónastarf sam-
hliða því að frumkvöðlarnir voru ávallt vakandi fyrir
nýjum möguleikum. Innan raða SÍBS starfar mikill fjöldi
hæfileikafólks sem býr yfir mikilli reynslu og þekkingu.
Mannauðurinn hefur verið sterkasta afl sambandsins og
þar liggja öflugustu sóknarfæri SÍBS. Markmiðið með
breytingastarfinu er að tryggja að svo verði áfram með
markvissu og skipulegu starfi.
Pétur Bjarnason
L
e
i
ð
a
r
i
E f n i s y f i r l i t
Leiðari . . . . . . . . . . . . . . . 3
35. þing SÍBS . . . . . . . . . 4
Stjórnir og nefndir SÍBS . . 6
Ráðstefna um hreyfingu . . . 8
SÍBS dagurinn . . . . . . . . . 11
Snoddas kemur til Íslands . 12
Ástir sjóarans . . . . . . . . . . 18
Frá Hjartaheill . . . . . . . . . 20
3L EXPO í Egilshöll . . . . . 22
Tauga- og hæfingarsvið
á Reykjalundi . . . . . . . . . 24
Haukur Þórðarson minning 26
Endurgreiðsla
v/hjartalækna . . . . . . . . .30
Skemmtun
Krossgátan . . . . . . . . . . . . 28
Myndagátan . . . . . . . . . . . 32
Ritstjóri og ábyrgðarmaður:
Pétur Bjarnason
Ritnefnd:
Elísabet Arnardóttir
Haraldur Finnsson
Jóhanna S. Pálsdóttir
Útlit:
Hér & Nú auglýsingastofa
Umbrot og prentun:
Gutenberg
Upplag 7.200
Pökkun:
Vinnustofan Ás
Auglýsingar:
Hænir sf.
ISSN 1670-0031
Forsíðumynd:
Fulltrúar á 35. þingi SÍBS fyrir utan Reykjalund