Lystræninginn - 01.11.1979, Page 10

Leifur Jóelsson
KLEPPUR
í greni ljónsins gekk ég tregur inn
en gamli skógarherrann ei þar var
og hafði í stað sin hund og rottu sett
að hýsa þann sem nú að garði bar
I
Hér er lítið lokað samfélag
læknar og starfsfólk eru hluti múrsins
sem skilur oss frá áður kunnum heimi
er einskis bíður, heldur fram sinn veg
og tengsl þau bætir sér er bresta nú
hér blandar geði hópur ókunns fólks
sem á sér ekki saman útleið neina
og enga framtíð saman getur grundað
en nútíð á sér innan þröngra veggja
sem ótal reglum háð er þó og bundin
og aftur þekkir enginn fyrri mann
hér bresta þeirra vonir smátt og smátt
sem komu ei hér í heilsubótarleit
en voru inn í valdsins krafti leiddir
hér verða sumir æfilangt að bíða
eftir þeirri heilsu er heitið var
II
í gamalkunnan örheim aftur snýrðu
og allar skorður þekkir nú og veizt
þótt dyrnar ljúkist lítið hefur breytzt
hér laukstu forðum göngu þinni að sunnan
Á vogarskál þú hefur lóð þitt lagt
í línudansi barist hefur einn
við fyrrum óþekkt öfl og enga slóð
aftur þekkir héðan, stendur beinn
10