Lystræninginn - 01.11.1979, Page 19

Lygnir eru dalirnir
Þegar hinar lymskulegu vættir læðast um
Eins og við höfum aldrei verið til
Svefninn vill oft verða langur
þegar draumarnir eru spennandi
en samt læðist alltaf einhver
lymskulega inn
Það er kannski til eitthvað skrítið
en samt þykjumst við alltaf dæma eins og
enginn annar sé til
nema þið
Dreymið um vöku og hugsið um svefn
Framkvæmdin mun aldrei rísa upp úr
þægilegum sætum velferðarinnar
Hátíð vill oft verða óæt
því safinn er skyggn
en samt er lystin fyrir hendi
þótt annað sé stundum látið í ljós
þið og við
ææææææææææææææ þið og við
Búrið bítur ekki á mig
Eg lifi í annarlegum heimi þar sem
syndirnar eru jákvæðar
Með hjálp þess sem sumir segja flótta
En maður fyrirgefðu þessum heimsku hundum
þeir vita ekki hvað þeir hugsa
það hefur verið saumað fyrir þá
svo þeir sofni
Þótt stundum fái þeir teiknibólu
í rassinn
til að hægt sé að
halda þeim
hæfilega vakandi
19