Pilsaþytur: málgagn Kvennalistans í Vestfjarðakjördæmi - 17.03.1995, Blaðsíða 4

PILSAÞYTUR
Ég trúi á búsetu á Vestfjörðum
— við getum það sem við viljum
Blaðakona Pilsaþyts náði tali
af Jónu Valgerði, í þann mund
sem hún var að korna frá Hólma-
vík. En þessa dagana er mikið að
gera hjá frambjóðendum við að
heilsa upp á kjósendur og fara á
framboðsfundi, en færð og veður
raskar oft skipulagningunni.
Já, þú hefur alltaf verið mikil
baráttumanneskja fyrir byggða-
málum?
Vissulega, ég hef mikinn á-
huga fyrir því að jafna að-
stöðumun fólks, sem hér býr við
það sem gerist annars staðar á
landinu. I því skyni hef ég beitt
mér mjög fyrir lækkun húshitun-
arkostnaðar, og einnig fyrir því
að landið verði eitt gjaldsvæði
Pósts og síma. Eg hef notað hvert
tækifæri til þessa, lagt fram fyr-
irspurnir á Alþingi og frumvörp
í þessu skyni.
Lofaði ekki ríkisstjórnin að
jafna húshitunarkostnaðinn á 2
árum?
Því miður hefur ríkisstjórnin
ekki staðið við loforð sitt um
jöfnun húshitunarkostnaðar,
frekar en önnur loforð. Hún
hækkaði hins vegar kostnaðinn
með því að leggja virðisaukaskatt
á húshitun. Þó að nokkur skref
liafi verið stigin í að jafna hús-
hitunarkostnað þá er staðreyndin
sú að kostnaðurinn við hitun á
meðalhúsnæði sem notar tæpar
33.000 kwst á ári var f maí 1991
kr. 90.424 kr, en í árslok 1994 var
kostnaðurinn kr. 90.839. Þessar
tölur eru frá Rafmagnsveitum
ríkisins uppreiknaðar til ársins
1994 og því sambærilegar. Af
þeim sést að árlegur húshitunar-
kostnaður hafði hækkað um kr.
415,-frá 1991. Það var nú öll
lækkunin! Hjá Orkubúi Vest-
fjarða var verðið þó aðeins lægra,
vegna aðgerða fyrirtækisins til að
lækka húshitunarkostnað, ekki
vegna aðgerða rflcisstjórnarinnar.
Það er því ekki seinna vænna hjá
iðnaðarráðherra að tilkynna nú
um auknar niðurgreiðslur á hús-
hitun, sem taka áttu gildi l.mars
s.l. Það eru jú að koma kosningar.
Jóna Valgerður
Kristjánsdóttir.
Hvað telurþú brýnast að gera
í málum okkar Vestfirðinga á
nœsta kjörtímabili?
Fyrir utan það sem ég nefndi
áðan, þá eru atvinnumálin þau
mál sem brenna mest á fólki. T.d
eru nú 24 atvinnulausir á
Hólmavík. Atvinnulífið hér er á
ákaflega veikum grunni, sökum
einhæfni og veikrar stöðu margra
fyrirtækja. Ur þessu verður að
bæta, með fjölgun atvinnutæki-
færa t.d. með fullvinnslu sjávar-
afla, og með því að nýta nýjar
tegundir botndýra af sjávarbotni.
Eg tel einnig að lífræn ræktun t.d.
f sauðfjárrækt eigi framtíð fyrir
sér og einnig ný tækni í ylrækt og
fiskeldi.
Hvað með atvinnu fyrir kon-
ur?
Ferðaþjónustan er vaxandi at-
vinnugrein og þar eru konur
miklir frumkvöðlar. Margir
möguleikar eru fyrir hendi í
rekstri smáfyrirtækja, sem konur
hafa verið mjög duglegar að
konia á fót. Það þarf því að styðja
við frumkvæði kvenna í þessum
efnum, því að allar rannsóknir
sýna að helsti vaxtarbroddur at-
vinnulífsins er í rekstri smærri
fyrirtækja.
En þurfum við ekki að bœta
aðstöðu til menntunar hér í
lieimabyggð?
Það skiptir miklu máli að bæta
menntunarskilyrði ungmenna
hér og fullorðinsfræðslu. Eg
lagði mitt af mörkum á Alþingi
til þess að fjarkennsla við Kenn-
araháskólann komst í fram-
kvæmd, og vann að því ásamt
fleirum að bygging verkmennta-
húss við Framhaldsskóla Vest-
fjarða varð að raunveruleika.
Við megum ekki gleyma þeim
auðlindum sem búa í fólkinu
sjálfu. Við verðum að geta hald-
ið í unga fólkið eftir að það er
búið að mennta sig. En þá verð-
um við líka sjálf að trúa á fram-
tíðina hér á Vestfjörðum og sýna
það í verki með því að búa hér.
Eg er ákaflega ánægð með það
að af mínum fimm börnum skuli
þrjú vera búsett hér og það fjórða
á leiðinni hingað aftur að loknu
námi.
Og blaðakona Pilsaþyts hugs-
aði um leið og Jóna Valgerður
kvaddi:
Við megum ekki
við því að missa
þessa konu,
þennan málsvara
Vestfírðinga,
af Alþingi
KVENNAUSTINN
Kosningaskrifstofa Samtaka um
kvennalista á Vestfjörðum er að
Austurvegi 2, 2-hæð, ísafirði.
Þar er opið mánud. - laugard.
frá kl. 14:00 - 18:00,
símar: 5230 og 5231.
Komdu og kynntu þér framtíðarsýn
Kvennalistans. Alltaf heitt á könnunni.
Sigríður Bragadóttir kosningastýra
býðurykkur velkomin.