Pilsaþytur: málgagn Kvennalistans í Vestfjarðakjördæmi - 03.04.1995, Blaðsíða 11
PILSAPYTUR
11
Áskorun til Vestfirðinga
Eitt af brýnustu verkefnum
næstu ríkisstjórnar er að takast á
við atvinnu- og byggðamál á
landsbyggðinni og þó sérstak-
lega hér á Vestfjörðum.
Fólksflutningar tii höfuðborg-
arsvæðisins hafa aukist jafnt og
þétt síðustu áratugina og þeirri
þróun verður að snúa við.
Frá síðustu kosningum hefur
kjörgengum Vestfirðingum
fækkað hátt á þriðja hundrað
manns og er svo komið að rúm-
lega 6300 manns eru á kjörskrá
til næstu alþingiskosninga og eru
konur innan við 3000. I ölluni
sveitarfélögum eru konur
færri en karlar. Hvað segir það
okkur? Jú, konur fá ekki vinnu
við sitt hæfi og flytja því í burtu.
Þetta skýrir þó ekki allan fólks-
flóttann, því það eru heilu fjöl-
skyldurnar sem taka sig upp og
flytja vegna þess hversu dýrt er
að búa út á landi.
Þingkona okkar Vestfirðinga,
Jónína Ó Emilsdóttir.
Jóna Valgerður. hefur margítrek-
að á Alþingi hvaða mál það eru
sem þurfi að taka á til þess að
byggð haldist. Hún hefur verið
óþreytandi að minnast á byggða-
málin og látið mikið til sfn taka í
þeim efnum.
Á hverju ári hefur hún lagt
fram fyrirspurn um það hvað liði
jöfnun húshitunarkostnaðar en
það var eitt af kosningaloforðum
síðustu kosningabaráttu. Þessi
stefnufesta hennar í lækkun hús-
hitunarkostnaðar hefur átt sinn
þátt í að nú á síðustu stundu kom
inn heimild í fjárlög fyrir aukn-
um niðurgreiðslum til lækkunar
á orkukostnaði. Hún hefur einnig
lagt fram frumvarp um að landið
yrði eitt gjaldsvæði Pósts og
síma. Þessi tvö atriði skipta fjöl-
skyldurnar heilmiklu máli. Því er
afar brýnt að þingkona okkar
komist að í næstu kosningum til
þess að hamra á þessum málum.
Henni treysti ég fullkomlega
til að koma þessu til skila, því
hún er málefnaleg og fylgir mál-
um eftir til enda.
Jóna Valgerður nýtur mikils
trausts, ekki bara meðal alþing-
ismanna heldur hjá öllum þeini
sem eitthvað til hennar þekkja
vegna þess að hún ígrundar mál,
hún er vinnusöm og ber hag
fólksins fyrir brjósti. Stöndum
saman að baki þeirrar einu vest-
fírsku konu sem á möguleika á
þingsæti fyrir Vestfirði því hún er
svo sannarlega verðugur fulltrúi
okkar. Því skora égá ykkur, hvort
sem þið fylgið Kvennalistanum
að málum eða ekki, að kjósa hana
því hún gjörþekkir vestfirska
byggð og þá mannlífsflóru sem
þar býr og hún veit hvaða mál það
eru sem þarf að taka á strax. Við
höfum hreinlega ekki efni á að
missa Jónu Valgerði, þessa
kraftmiklu konu, út af Alþingi og
því segi ég:
„Veldu vestfirska konu
á þing.
Veldu V fyrir Vestfirði“.
Jónína O. Emilsdóttir
sérkennslufulltrúi, skipar 9.
sæti á Kvennalistans
í Vestfjarðakjördæmi.
Látum hendur
standa fram úr
ermum.
Frá vorþingi
Kvennalistans
á
Agœti kjósandil
Vandaðu valið
í kjörklefanum
8. apríl nk.
„Hlustaðu á þinn
innrí manny
hvaðsem hver segir“.
Kvennalistinn
er raunhœjur kostur