Tímarit Hjúkrunarfélags Íslands - 01.03.1975, Blaðsíða 3

Ritstjórnarspjall
Hálfrar aldar afmæli Tímarits HFI
Kvennaárið 1975
Á kvennaárinu 1975 eru liðin 50 ár síðan
Tímarit HFl hóf göngu sína. Fyrsta tölublaðið
kom út í júní 1925.
Félag íslenskra hjúkrunarkvenna var stofn-
að í nóvember 1919 fyrir forgöngu Christoph-
ine Bjarnhéðinsson. Munu stofnfélagar hafa
verið átta.
Harriet Kjær var kjörinn fyrsti formaður,
en aðrar í stjórn voru: Ásdís Helgadóttir, Jór-
unn Bjarnadóttir, Kristín Thoroddsen og Sig-
ríður Magnúsdóttir.
Á félagsfundi 24. apríl 1925, rúmum sex ár-
um frá stofnun félagsins, ákváðu þessar hug-
djörfu framákonur, fyrir atbeina Guðnýjar
Jónsdóttur, að hefja útgáfu tímarits sem hefði
það að markmiði „að halda áhugamálum stétt-
arinnar vakandi, útbreiða þau og efla skilning
á þeim“ eins og segir í fyrsta tölublaðinu. Munu
félagar þá hafa verið 21 (aukafélagar 12).
Nafn ritsins var þá Tímarit Félags íslenskra
hjúkrunarkvenna og í ritstjórn voru: Guðný
Jónsdóttir, Sigríður Eiríksdóttir og Kristjana
Guðmundsdóttir.
1 formála þessa fyrsta tölublaðs segir m. a.:
„Þetta úrræði okkar hefir þann kost, að það
er algjörlega undir okkur sjálfum komið að
hverju liði það verður okkur. Tímaritið kemur
til ykkar núna fáskrúðugt og fátæklegt frá
hendi okkar, sem falið var að sjá um það, það
kemur aðeins sem tilkynning til ykkar um það
að hér sé opin leið til þess að koma boðum og
hugsunum hver til annarra. Hver einasta mann-
eskja, sem fæst við hjúkrunarstarf, verður fyrir
margvíslegri reynslu sem er séreign hennar,
i’eynsla sem hún getur auðgað hinar starfsyst-
ur sínar af, hugsjónum sem hún getur gefið,
vandamálum sem hún getur á sama hátt borið
undir þær. Möguleikann til þessa hefur hingað
til vantað. Nú kemur þetta tímarit. Það getur
bætt úr þessu.
Viö eigum að skrifa þaö allar. Við eigum að
leggja það besta af þekkingu okkar og reynslu,
af trú á málstað okkar og framsóknarhug. Und-
ir því er líf þess komið. Þegar það kemur til
þín fátæklegt, þá áttu að minnast þess fyrst
að þú hefir sjálf brugðist því.“
Undir þessi orð fyrstu ritstjórnar getum við,
sem nú stöndum að blaðinu, eindregið tekið.
Við ættum í dag, hálfri öld síðar, að hafa
það hugfast að það er undir okkur sjálfum kom-
ið hversu aflmikið tímaritið okkar er. Líka þér,
lesandi góður.
Afmælisins verður nánar getið í 2. tölublaði
þessa árs og mun það væntanlega koma út um
svipað leyti og 1. tölublað 1925. Einnig er fyr-
irhugað að fjölrita umrætt 1. tölublað 1925 og
senda það sem viðauka með afmælisritinu.
Hj úkrunarstéttin hefur alla tíð verið kvenna-
stétt. Það eitt er ærin ástæða til þess að hjúkr-
unarkonur láti málefni kvennaársins 1975 til
sín taka, en einkunnarorð þess eru eins og kunn-
ugt er: jafnrétti, framþróun, friður.
Mörg af vandamálum hjúkrunarstéttarinnar
eru bein afleiðing af því að hjúkrunarstörf hafa,
samkvæmt gamalli hefð, verið í höndum kvenna.
Þetta hefur m. a. gert stéttinni erfitt fyrir í
launa- og menntunarmálum og staðið í vegi fyr-
ir viðurkenningu á því að hjúkrunarkonur eigi
aðild að stefnumótun og ákvarðanatöku í heil-
brigðismálum.
Ritstjórn tímaritsins sendir öllum lesendum
sínum bestu kveðjur á hinu nýbyrjaða ári og
óskar þeim allra heilla.
AND”íiQKÁ5AFS I
!
317919
(c» y r
IO L r\ 1« -* 0