Tímarit Hjúkrunarfélags Íslands - 01.03.1975, Blaðsíða 14

Afengissala
verði skráð á nafn
annast skyndihjálp, slys og
lyfjaafgreiðslu. Hún þarf að
geta áttað sig á því hvenær
læknis sé þörf og ná þá til hans
í síma eða á annan hátt.
Iljúkruiiarkunan rr í sljórn-
unarstörfum.
Hún er í skólastjórnun, spít-
alastjórnun og deildastjórnun.
Hún er í stjórnum ýmissa heil-
brigðisstofnana og heilbrigðis-
ráðum og nefndum.
Öllum þessum störfum fylgir
mikil ábyrgð, og þau krefjast
mikillar og fjölþættrar þekking-
ar. Hjúkrunarkonan, sem hjúkr-
ar, kennir og stjórnar þarf að
kunna eigi hún að skila starfi
sínu vel. Og hún þarf að vera
sér þess meðvitandi, að hún
kunni starfið og valdi því.
Þá kemur mér í hug saga um
austurlenskan speking, sem átti
fjóra syni. Hann var spurður
um syni sína og gaf á þeim eft-
irfarandi lýsingu: Einn sonur
minn veit og veit að hann veit,
hann er heiminum þýðingar-
mikill þegn. Annar sonur minn
veit, en hann veit ekki að hann
veit, þekking hans kemur því
ekki að þeim notum, er skyldi.
Þriðji sonur minn veit ekki, en
hann veit að hann veit ekki,
hann er því hógvær og veldur
ekki skaða. Fjórði sonur minn
veit ekki, hann veit ekki að hann
veit ekki — og getur því orðið
heiminum hættulegur.
Við þurfum hjúkrunarkonur,
sem vita og vita að þær vita. Við
þurfum hjúkrunarkonur, sem
kunna vel til verka, geta unnið
sjálfstætt, þekkja takmörk sín,
vita hvenær þær ráða við að-
stæður hverju sinni, og ef ekki,
þá hvað beri að gera.
Breyttir þjóðfélagshættir
gera nýjar kröfur og kalla á
endurskipulagningu og breyt-
ingu á námi hjúkrunarkvenna
engu síður en annarra stétta
innan heilbrigðisþj ónustunnar.
□
LancLssambandið gegn úfengis-
bölinu hélt ellefta þing sitt
23. nóvember 197U.
Mættu þar fulltrúar frá 26 að-
ildarfélögum, en þau emi alls 30.
Þingforseti var Hclgi Þorláks-
son, skólastjóri.
FormaJður sambandsins, Páll V.
Daníelsson, gerði grein fyrir
störfum þess á liðnu ári.
Haukur Kristjánsson, yfirlækn-
ir, flutti erindi um slys af völd-
um áfengisneyslu og aðrar af-
leiðingar hennar.
Annað erindi flutti Ólafur
Haukur Árnason. Fjallaði það
um áfengisvarnir o. fl.
Eftirfarandi samþykktir voru
gerðar á þinginu:
1. Þing Landssambandsins
gegn áfengisbölinu, 28. nóvem-
ber 1974, leggur enn sem fyrr
ríka áherslu á að öll áfengis-
sala frá útsölum Áfengis- og tó-
baksverslunar ríkisins verði
skráð á nafn. Þingið telur mjög
miður farið að ennþá skuli ekki
hafa náðst árangur í þessu efni
og beinir því til fjármálaráð-
herra að láta ekki lengur drag-
ast að koma máli þessu í fram-
kvæmd. Afleiðingar áfengis-
neyslunnar verða því hörmulegri
sem lengur dregst að gripið sé til
róttækra ráðstafana til þess að
hamla gegn síaukinni áfengis-
notkun. Er það álit þingsins að
ráðamenn í þjóðfélaginu kom-
ist ekki hjá því að gera stór-
auknar ráðstafanir til að draga
úr áfengissölu og þar með áfeng-
isneyslu.
2. Þing Landssambandsins
gegn áfengisbölinu telur það
óeðlilegt og styðja að aukinni
áfengisneyslu að leyfa fólki sem
kemur frá útlöndum að hafa
með sér tollfrjálst áfengi inn í
landið eða kaupa það í fríhöfn.
Þingið skorar því á Alþingi og
ríkisstjórn að stöðva nú þegar
öll tollfríðindi á áfengi, svo og
tóbaki.
8. Ellefta þing Landssam-
bandsins gegn áfengisbölinu
flytur menntamálaráðherra,
Vilhjálmi Hjálmarssyni, þakkir
fyrir þá ákvörðun að veita ekki
áfengi í þeim gestamóttökum
sem ráðuneyti hans stendur að.
Landssambandið hefur oft
hvatt til þess í samþykktum sín-
um að slíkur háttur væri hafð-
ur á við móttöku gesta. Þingið
beinir nú þeirri eindregnu
áskorun til allra opinberra að-
ila að fara að dæmi mennta-
málaráðherra í þessum efnum.
4. Þing Landssambandsins
gegn áfengisbölinu beinir því til
dómsmálaráðherra að eftirlit
með vínveitingahúsunum verði
hert og aðgangur að þeim mið-
aður við lögaldur.
Stjórn Landssambandsins skipa
nú:
Páll V. Daníelsson,
Eiríkur Stefánsson,
Pétur Björnsson,
Óskar Pétursson,
Guðsteinn Þengilsson,
Jóhanna Steindórsdóttir,
Hanna Kolbrún Jónsdóttir.
□
12 TÍMARIT HJÚKRUNARFÉLAGS ÍSLANDS