Tímarit Hjúkrunarfélags Íslands - 01.12.1975, Blaðsíða 7
Búið er að skipuleggja Lóknámið, þ. e. a. s. fyrstu 2
veturna, en skipulag verknáms mun ekki ennþá vera
ákveðið.
Forráðamenn skólans hafa ekki séð ástæðu til þess
að hafa samband eða samráð við HFI og litlar upp-
lýsingar var hægt að fá í menntamálaráðuneytinu þeg-
ar félagið hafði samband við það nú nýverið.
Formaður HFI boðaði skólastjóra þessa skóla til
fundar þ. 4. september sl. ásamt aðilum úr fræðslu-
málanefnd félagsins og frá hjúkrunarskólunum. Fengust
þar frekari upplýsingar og staðfesting á því sem hér er
sagt á undan. Stjórn HFÍ hefur falið sömu fulltrúum
að taka þessi mál til umfjöllunar.
Það mun óhætt að segja, með tilliti til þess sem
hér hefur verið sagt og í ljósi þess að Hjúkrunarfélag
Islands hefur lýst þeirri stefnu sinni við opinbera aðila
að öll hjúkrunarmenntun eigi að fara á háskólastig að
við liöfum ekki meðbyr eins og er,“ sagði Ingibjörg
Helgadóttir að lokum.
Hópumræður
Unnið var í 8 hópum og var umræðugrundvöllur
sem hér segir:
Fyrirkomulag stjórnunar með megináherslu á
stjórnun heilsuverndar á heilsugæslustöðvum og á
sjúkrahúsum.
Fyrirkomulag stjórnunar með megináherslu á hjúkr-
unarþjónustu utan sjúkrahúsa og samræmingu við
þjónustuna innan sjúkrahúsanna.
Dreifing á ábyrgð og verkaskiptingu í starfi hjúkr-
unarfræðinga utan sjúkrahúsa svo og samvinna við
þjónustuna innan sjúkrahúsa.
Dreifing á ábyrgð og verkaskiptingu í starfi hjúkr-
unarfræðinga á sjúkrahúsum svo og samvinna við þjón-
ustuna utan sjúkrahúsa.
Viðhorf í málefnum starfsmanna.
Líkam-, sálar- og félagsleg starfsaðstaða hjúkrunar-
fræðinga.
Hvaða hlutverki eiga hjúkrunarfræðingar og starfs-
mannafélögin að gegna í starfsemi þeirri sem vinnur
að öryggi í starfi?
Hvaða atriði eru það sem einkum þarf að huga að
og breyta í öryggi í starfi hjúkrunarfræðinga?
A hvern hátt er unnt að koma slíkum breytingum á?
Aðrar skoðanir sem varða öryggi í starfi og vafa-
mál, er að því lúta.
I. Skoðanir á úthlutun og skiptingu fjármagns til
heilsugæslu, sjúkra- og félagsþjónustu.
II. Hlutverk og ábyrgð hj úkrunarfræðinga og starfs-
mannafélaganna við skiptingu fjármagnsins.
Ályktanir
Menntun
Félög hjúkrunarfræðinga á Norðurlöndum skulu eiga
fulltrúa í öllum nefndum, starfshópum og ráðum af
svipuðu tagi, sem gera áætlanir um og skipuleggja
menntun á sviði heilsugæslu og hjúkrunar.
Samvinna norrænna hjúkrunarfræðinga og aðildar-
félög að henni skulu vinna að því: aS útlærður hjúkr-
unarfræðingur, jafnt í stofnunum sem við almenna
heilbrigðisþjónustu, eigi sér að kostnaðarlausu kost á
að aðhæfa menntun sína menntunarkröfum líðandi
stundar, að vinnuveitanda verði skylt að tryggja skipu-
lega framkvæmd þessa viðbótarnáms, að viðhótarnám-
ið fari einungis fram sem skólanám.
Aðild til áhrifa
Alits hjúkrunarfræðinga og hjúkrunarfélaga skal
leitað, vegna sérþekkingar þeirra, þegar teknar eru á-
kvarðanir um öll mál sem varða heilsugæslu og hjúkrun.
Þörf á starfsliði
Með hliðsjón af óskum um að fullnægja þörf samfé-
lagsins fyrir sem fullkomnasta heilsugæslu og hjúkrun,
mælir samvinna norrænna hjúkrunarfræðinga með
því, að aðildarfélögin beini tilmælum til áhyrgra stjórn-
valda í landi sínu um að láta sem fyrst fara fram rann-
sókn á þörf fyrir heilsugæslu og hjúkrun. Á þann hátt
einan er unnt að fá markverðan mælikvarða um sam-
setningu og menntun starfsliðs við heilbrigðisþjónust-
una. Á þeim grundvelli eru tök á að koma í veg fyrir
handahóf og óæskileg starfsskilyrði við heilbrigðisþjón-
ustuna.
Rannsóknir
Samvinna norrænna hjúkrunaríræðinga telur að
rannsóknir á sviði hjúkrunar séu ein veigamesta
forsenda þess að unnt sé að tryggja einstaklingsbundna
og fullnægjandi heilsugæslu og hjúkrun. Er því knýj-
andi þörf á að veitt verði fé til rannsókna á heilsu-
gæslu og hjúkrun, bæði í einstökum löndum og á Norð-
urlöndum í heild.
Andlegar og líkamlegar pyntingar
I sambandi við þær upplýsingar sem stöðugt berast
um andlegar og líkamlegar pyntingar á fólki, vill full-
trúafundur SSN taka eftirfarandi fram: Hjúkrunar-
fræðingar á Norðurlöndum mótmæla harðlega hvers
konar andlegum og líkamlegum pyntingum á fólki. Þeir
skora á öll ábyrg stjórnvöld að beita áhrifum sínum við
leiðtoga í þeim löndum, sem talið er, að pyntingar eigi
sér stað, og að binda endi á þær.
TÍMARIT HJÚKRUNARFÉLAGS ÍSLANDS 105