Tímarit Hjúkrunarfélags Íslands - 01.12.1975, Blaðsíða 14
Heimahjúkrun og
heimílisþjónusta i Reykjavík
0
Oviðumndí aðstceður aldraðra í heimahúsum
lij áhruntirfrœðingarnir
Sigríður Jahobsdóítir og
Rannveig Þórólfsdóttir
unnu saman að eftirfar-
andi grein, þ. e. Sigríður
tóh greinina satnan en
Rannveig flutti á ráð-
stefnu uni heilbrigðismál
er fram fór í Reghjavíh í
niaí s.l.
Heimaiijúkrun í Reykjavík á sér
alllanga sögu. Hún hefur verið starf-
rækt stöðugt frá árinu 1915, fyrst á
vegum Hjúkrunarfélagsins Líknar
eða þar til haustið 1955 að Heilsu-
verndarstöð Reykjavíkur tók við
rekstri hennar.
Það hefur alla tíð verið 'hljótt um
þessa starfsemi en frá upphafi hefur
verið unnið þar mikið og óeigin-
gjarnt starf við erfiðar aðstæður.
En tímarnir breytast og sú þjón-
usta sem þótti allgóð fyrir t. d. 10
árum, svo ekki sé farið lengra aftur í
tímann, fullnægir ekki kröfum nútím-
ans og þannig er því farið með
heimahj úkrunina.
I janúar 1972 voru gerðar tals-
verðar breytingar á fyrirkomulagi
heimahjúkrunarinnar í þeim tilgangi
að auka hana og bæta og sýna tölur
á meðfylgjandi skýrslu (yfirlit yfir
heimahjúkrun s.l. 10 ár) að sú breyt-
ing leiddi til aukningar. Breytingar
sem þá voru gerðar voru miðaðar
við þær aðstæður sem fyrir hendi
voru en ekki framtíðarskipulag.
Heimahjúkrunina þarf að endur-
skipuleggja jafnhliða uppbyggingu
væntanlegra heilsugæslustöðva. -
Heimahjúkrun getur ekki með góðu
móti starfað ein sér, hún verður að
vera í nánum tengslum við aðra
heilbrigðis- og félagsmálaþjónustu.
Við heimahjúkrun í Reykjavík
starfa nú 4 hjúkrunarkonur og 6
sjúkraliðar í fullu starfi, auk þess 1
hjúkrunarkona og 2 sjúkraliðar við
afleysingar. Heimahjúkrim er veitt
öllum að kostnaðarlausu og er greidd
að 8/9 hluta af Sjúkrasamlagi
Reykjavíkur.
Tilhögun er í stuttu máli þannig:
Heimahjúkrunin byggist á vitjunum
og er hámark vitjana til hvers sjúk-
lings tvær á dag. Seinni vitjun verð-
ur að vera fyrir kl. 17 þar sem ein-
ungis er um dagvinnu að ræða.
Ætlast er til þess að beiðnir komi
frá heimilislæknum og sjúkrahúsum
og séu skriflegar á þar til gerðum
eyðublöðum sem þessir aðilar hafa
fengið send frá heimahjúkruninni.
Einnig er tekið á móti beiðnum frá
sjúklingum sjálfum eða aðstandend-
um þeirra þar sem ekki er hægt að
komast hjá því. Þá er reynt að hafa
samband við heimilislækni viðkom-
andi sjúklings til þess að fá upplýs-
ingar, en það reynist oft mjög tíma-
frekt og stundum ógerlegt.
Deildarhjúkrunarkona hefur við-
talstíma frá kl. 13-15 alla virka
daga nema laugardaga. Hún fer í
fyrstu vitjun til allra sjúklinga og
metur hjúkrunarþörfina. Einnig at-
hugar hún heimilisaðstæður og hvort
e. t. v. sé þörf á heimilishjálp. Hún
ákveður hvort hjúkrunarkona eða
sjúkraliði taka að sér hjúkrunina og
hversu oft þarf að vitja sjúklings.
Sjúkraskrá er skrifuð yfir hvern
sjúkling. Starfsfólk hefur daglega
samband við deildarhjúkrunarkonu
og fær upplýsingar um nýja sjúklinga
og meðferð þeirra.
Hjúkrunarkonur og sjúkraliðar
hafa hver sitt hverfi og sína sjúk-
linga, en sjúkraliðar vinna undir
eftirliti hjúkrunarkvenna.
Leitað er til aðstoðarlækna borg-
arlæknis með læknisfræðileg vanda-
mál sem brýn nauðsyn er að leysa
a. in. k. til bráðabirgða. Einnig er
unnt að leita til félagsráðgjafa
Heilsuverndarstöðvarinnar.
Það sem mest háir heimahjúkrun-
inni í dag er skortur á tengslum og
samvinnu við aðra heilbrigðisþjón-
ustu og húsnæðisskortur en hún hef-
ur eitt lítið herbergi til afnota.
Mjög erfiðlega gengur að fá upp-
lýsingar um sjúklinga bæði frá heim-
ilislæknum og sjúkrahúsum. Skiln-
ingur á nauðsyn upplýsinga um
sjúklingana og áhugi á hjúkrun
þeirra virðist oft furðu lítill.
Flestir þeirra sjúklinga sem heima-
112 TÍMARIT HJÚKRUNARFÉLAGS ÍSLANDS