Tímarit Hjúkrunarfélags Íslands - 01.12.1975, Blaðsíða 30
Sjúkrahús Vestmannaeyja
Hjúkrunardeildarstjóri I óskast á handlækningadeild
Sjúkrahúss Vestmannaeyja.
Umsóknir sendist til stjórnar Sjúkrahúss Vestmanna-
eyja og heilslugæslustöðvar fyrir 1. desember n.k.
Staðan veitist frá 1. janúar 1976.
Nánari upplýsingar veitir hjúkrunarframkvæmda-
stjóri, sími 98-1955.
Sjúkrahús Seyðisfjarðar
Staða hjúkrunarframkvæmdastjóra við Sjúkrahús Seyð-
isfjarðar er laus til umsóknar frá og með næstu ára-
mótum. — Laun samkv. 23. lfl.
Upplýsingar gefur hjúkrunarframkvæmdastjóri og
læknir í síma 97-2406 og bæjarstjóri í síma 97-2304.
Lífeyrissjóður hjúkrunarkvenna
Samþykkt hefur verið hækkun frumlána til sjóðfélaga
úr kr. 800.000,00 í 1.000.000,00 - eina milljón króna.
Kom hækkunin til framkvæmda hinn 1. september
1975.
Fyrirspurn
til allra hjúkrunarfræðinga sem þáðu boð hjúkrunar-
kvenna bandaríska sjóhersins þ. 7. 10. 1975.
Var það áhugi á því efni sem var á dagskrá fundar-
ins sem hvatti þær til þátttöku (Ijósmæður á íslandi)
og tóku þær þátt í umræðum eða var þetta eingöngu
skemmtiferð, farin til þess að fá ókeypis mat og drykk?
Fara þessir sömu hjúkrunarfræðingar á fundi hjá
sínu eigin stéttarfélagi til þess að gæta hagsmuna
sinna? - Varla - því á félagsfundum mæta u. þ. b. 50-
80 félagar, en til Keflavíkur fóru 250-300.
Aldrei fyrr hafa hjúkrunarfræðingar átt eins mikilla
hagsmuna að gæta í menntunar- og kjaramálum og nú.
Það væri því betur sæmandi ef svo margir félagsmenn
sýndu málum sínum áhuga og væru virkir í baráttunni
fyrir sínum eigin hagsmunum.
Anna M. Hlöðversdóttir,
Þuríður Backman,
Gerður Jóhannsdóttir.
Nómskeið í hjúkrun
Námskeið i hjúkrun á vegum fræðslumálanefndar HFÍ
verður haldið i Hjúkrunarskóla Islands.
Aætlað er að námskeiðið hefjist um miðjan febrúar
og standi í 6 vikur.
Nánar auglýst síðar.
Frœðslumálanefnd.
Fulltrúafundur
Fulltrúafundur Alþjóðasamtaka hjúkrunarfræðinga ár-
ið 1975 var haldinn í Singapore dagana 4.-8. ágúst s.l.
Ingigjörg Helgadóttir formaður HFI sótti fundinn
og mun hún gera grein fyrir honum í næsta blaði.
Styrkur
The International Council of Nurses hefur óskað eftir
að kynntur væri styrkur frá Edwina Mountbatten Trust.
Sjóðurinn var stofnaður 1960 til minningar um
Countess Mountbatten of Burma. Styrkir eru veittir
árlega og var heildarupphæð árið 1974 £ 4.000.
Aðaltilgangur sjóðsins er: Efling og framþróun
hjúkrunarmála.
Skilyrði til styrlcveitinga.
Styrkir eru venjulega veittir:
1. Til sérstakra verkefna til eflingar hjúkrunarmál-
efnum.
2. Til eða í gegnum viðurkennd lijúkrunar-, læknis-,
félags- eða fræðslusamtök. Einstaklingur (hjúkrunar-
fræðingur) sem óskar að sækja um styrk verður að
hafa meðmæli félags síns eða yfirmanns á vinnustað.
3. Aðeins ef ekki eru tök á að afla fjár til verkefnis-
ins með öðrum leiðum.
Styrkir hafa verið veittir til rannsókna á ýmsum
sviðum, námsferða, heima og erlendis, tækjakaupa o. fl.
Nákvæm greinargerð um verkefnið og tilgang með
notkun styrksins, ásamt kostnaðaráætlun, fylgi umsókn.
Sjóðurinn hefur sérstök umsóknareyðublöð. Um-
sóknir sendist fyrir 31. janúar ár hvert.
Nánari upplýsingar á skrifstofu HFI.