Tímarit Hjúkrunarfélags Íslands - 01.12.1975, Blaðsíða 32
Raddir hjúkrunarnema
r
Brot úr skýrslu stjórnar HNFI
Á aðalfundi 27.2 var kosin ný stjórn
og á framhaldsaðalfundi urðu Jiær
breytingar að Sigríður Guðmunds-
dóttir fyrrverandi formaður féll úr
stjórn vegna brautskráningar.
Stjórn HNFI lítur nú þannig út:
Formaður: Ingigerður Olafsdóttir
Varaformaður: Vigdís Steinþórs-
dóttir
Ritari: Aðalbjörg Þorvarðardóttir
Vararitari: Anna Guðný Ingadóttir
Gjaldkeri: Elín Hartmannsdóttir
Varagjaldkeri: María Gunnarsdóttir
Formaður kj aranefndar: Margrét
Þorvarðardóttir
Fulltrúi nema í skólanefnd HSI:
Erna Einarsdóttir.
Á þessu ári var gerð lagabreyting
og nú situr formaður heimavistar-
ráðs ekki lengur í stjórn. Þannig er
heimavistin algjörlega óháð félaginu
en hefur auðvitað stuðning í baráttu-
málum sínum.
Við formannsskipti urðu þær
breytingar að Ingigerður Ólafsdóttir
tók fulltrúasæti nema í stjórn HFl
og varamaður er Ása Atladóttir.
Þegar litið er aftur kemur fram
margt sem á dagana hefur drifið og
verður nú minnst á það helsta.
Síðastliðið vor sátu hjúkrunar-
fræðingar á skólabekk og notuðum
við tækifærið og boðuðum óform-
legan rabbfund. Þar var frjálslega
rætt um spítalalíf almennt, samband
hjúkrunarfræðings og nema og bætt
verklegt nám. Þar kom ýmislegt fram
og sýndu Jiær fullan skilning og
stuðning við baráttu okkar um bætt
verklegt nám. Það kom greinilega
fram hve deildirnar gerðu mikið til-
kall til nemanna sem vinnukrafts enda
ekki annað hægt þegar þeir fylla
vinnuskýrslurnar.
Hafið þið nokkurn tíma heyrt tal-
að um að hjúkrunarnemar væru
skemmtanaglaðir. Það er algjör fjar-
stæða eftir þátttöku á árshátíð HNFÍ
að dæma. Þar mættu aðeins fáeinir
hausar og sjóðurinn varð að borga
tugþúsundir í tap og skemmtinefnd
sat með súrt ennið enda húnar að
leggja mikla vinnu í undirbúning.
Enginn kennari lét sjá sig enda hafa
þeir sjálfsagt öðrum málum að sinna.
Fleiri tilraunir voru gerðar til þess
að ná deyfðinni úr nemunum og
tókst betur til bæði með spilakvöld
og kvikmyndakvöld.
Á einum stjórnarfundi var ákveð-
ið að hópefla hjúkrunarnema og sjá
hvort það hefði ekki skapandi áhrif
á félagslífið. Þær Ása Atladóttir, Að-
albjörg Þorvarðardóttir, Ingigerður
Ólafsdóttir og Margrét Þorvarðar-
dóttir sóttu námskeið á vegum BSRB
í hópefli (gruppedynamik) undir
leiðsögn Gunnars Árnasonar sálfræð-
ings. Námskeiðið fór í fyrstu fram í
höfuðborginni og síðan var enda-
spretturinn tekinn í Munaðarnesi.
Námskeiðið var hyggt upp á hóp-
vinnu og sást þar svart á hvítu hve
langt er hægt að ná og skemmtilegra
er að vinna saman í hópum en Jiegar
hver pukrast í sínu horni. Árangur
þessa námskeiðs hefur komið fram í
störfum stjórnar og annarsstaðar og
dreifist vinnan meira nú en áður
þegar aðeins örfáir hausar voru vak-
andi.
Margrét Þorvarðardóttir sótti einn-
T
ig námskeið BSRB fyrir trúnaðar-
menn HFl og kynntist þar störfum
trúnaðarmanna og kjarasamningum.
Ákveðið var að eyða engum pen-
ingum til utanlandsferða nema, þetta
ár, en þrátt fyrir það hefur samband-
ið við hin Norðurlöndin aldrei verið
eins gott og nú. Það er ekki af á-
stæðulausu því tveir nemar, þær Ása
Atladóttir og Vigdís Steinþórsdóttir
sátu fulltrúafund SSN og á eftir SSN
mótið komu nemarnir frá öllum
Norðurlöndunum saman og héldu tvo
langa og góða fundi. Nánar verður
greint frá þessum fundum síðar. Á
stj órnarfundi eftir þessa fundi var á-
kveðið að leggja skyldi meiri áherslu
á norræna samvinnu og var skipuð
þriggja manna nefnd til að bera á-
byrgð á þeim málum.
Stærsta stund ársins rann upp þann
29. sept. sl. þegar Katie Eriksson
rektor við Helsingfors Svenska
Sjukv&rdsinstitut kom hingað til
lands. Hingað var hún komin í boði
HNFÍ til að halda fyrirlestra fyrir
allar heilbrigðisstéttir og annan fyr-
ir nema og kennara HSl og sitja
fundi með skólanefndum HSÍ og NHS
og kennurum beggja skólanna. Þar
að auki sat hún fundi með náms-
brautarstjórn við hjúkrunarbrautina
í Háskóla Islands, laganefnd er end-
urskoðar lög um hjúkrunarnám hér
á landi og stjórn HFÍ. Þrátt fyrir
hennar stutta tíma hér á landi náði
hún til flestra þeirra sem fara með
menntunarmál hjúkrunarfræðinga og
er öruggt mál að margir hafa fengið
nýjar hugmyndir og leiðbeiningar á
Framh. á bls. 137.
126 TÍMARIT HJÚKRUNARFÉLAGS ÍSLANDS