Tímarit Hjúkrunarfélags Íslands - 01.03.1976, Blaðsíða 36

sanni viðkomandi að hann hafi menntun, sem sé sam-
bærileg við próf úr viðurkenndum sjúkraliðaskóla
skv. 15. gr.
Sjúkraliði hefur rétt til þess að vinna hjúkrunar-
störf í samræmi við 17. gr. reglugerðar þessarar. Hon-
um er því óheimilt að stunda sjálfstæð hjúkrunarstörf.
17. gr.
Sjúkraliðar skulu starfa undir stjórn hjúkrunarfræð-
ings.
Störf sjúkraliða:
Umhúnaður. Umbúnaður og skipting á mikið veikum
sjúklingum með hjúkrunarfræðingi.
Sjúklingum þvegið um andlit og hendur. Hárhirðing.
munnhirðing, neðanþvottur, fótahirðing. Sjúklingar
baðaðir í baðkari og í rúmi, og sé um mikið veikan
sjúkling að ræða þá með hjúkrunarfræðingi.
Hitamæling. Púlstalning. Blóðþrýstingsmæling.
Varnir gegn legusárum.
Fylgst með líðan sjúklinga.
Sjúklingum hjálpað á fætur og hagrætt í stól.
Kalli sjúklinga svarað og flutt skilaboð.
Gefin og tekin bekja. Tekin og merkt sýnishorn af
þvagi og saur. Gegin stólpípa.
Framleiðsla matar. Sjúklingum hagrætt fyrir og eft-
tir máltíðir. Þeir sjúklingar mataðir, sem ekki geta
borðað sjálfir.
Búið um lík.
Umbúðir gerðar.
Tekið við blómum og öðru til sjúklinga og gestum
þeirra leiðbeint.
Notkun ýmissa hjálpargagna og hirðing á þeim.
Hirðing á sj úkrastofum, skolherhergjum og líni.
Hreinsun ýmissa hjúkrunargagna. Hirðing á blóm-
um sjúklinga, blómavögnum og blómaskolum.
Sjúkraliðar mega ekki taka til eða gefa lyf í sjúkra-
húsum.
III. kafli.
18. gr.
Skólanum skal heimilt að hafa námskeið fyrir sjúkra-
liða.
19. gr.
Kostnaður við rekstur Sjúkraliðaskóla Islands skal
greiddur úr ríkissjóði.
20. gr.
Námskeið þau, sem í gangi eru á sjúkrahúsum, við
gildistöku þessarar reglugerðar, skulu fram ganga skv.
fyrri reglum.
21. gr.
A þeim stöðum, þar sem ekki reyndist unnt að fá
hjúkrunarfræðing til starfa, má ráða sjúkraliða til
hjúkrunarstarfa um skemmri tíma og skal hann þá
starfa undir stjórn læknis. Leita skal samþykkis ráðu-
neytisins hverju sinni.
Reglugerð þessi, sem sett er samkvæmt heimild í 8.
gr. hjúkrunarlaga nr. 8/1974, öðlast þegar gildi. Jafn-
framt fellur úr gildi reglugerð nr. 254 frá 29. nóvem-
ber 1971.
Heilbrigðis- og tryggingaráðuneytið
18. desember 1975.
Matthías Bjarnason/
Páll Sigurðsson.
III. Skýringar við nokkrar greinar reglu-
gerðarinnar
Um 1. gr. og 11. gr.
Sjúkraliðaskóli íslands hefur með höndum nám
sjúkraliða. Námið var áður allt á vegum deildaskiptra
sjúkrahúsa undir stjórn hjúkrunarforstjóra þeirra. Nú
verður bóknám í skólanum, en verknám eftir sem áður
í sjúkrahúsum, skipulagt af skólanum í samráði við
hjúkrunarforstjórana.
Um 5. gr.
Inntökuskilyrðum var verulega breytt frá eldri reglu-
gerð (1971). Þar var gerð krafa um lokapróf skyldu-
námsins eða 8 ára skólagöngu. Það þótti ýmsum þegar
of lítið undirbúningsnám, en ákvörðun réð sú stað-
reynd, að allmargar áhugasamar konur, sem vegna bú-
setu eða annarra óviðráðanlegra aðstæðna, áttu ekki
kost á gagnfræðanámi, hefðu þá orðið frá að hverfa.
Inntökuskilyrði nú eru bundin 10 ára skólagöngu,
— prófi úr 1. bekk fjölbrautaskóla, — eða hliðstæðu
námi. Þótt tekið sé fram um próf úr 5. bekk gagn-
fræðaskóla er það aðeins tímabunið vegna breytinga
á skólakerfinu. Nánari skýringar um undirbúningsnám
koma fram, er fjallað verður um 8. gr. Þá er skólanum
heimilt að hafa inntökupróf.
Um 7. gr.
Námstími er 1 ár sem fyrr. Rétt þykir, að skólinn
velji námsfyrirkomulag. Þar þarf að taka tillit til
verknámsaðstöðu í sjúkrahúsum og fjölda nemenda
í verknámi hverju sinni.
Um 8. gr.
Nokkrar þeirra námsgreina, er áður voru kenndar í
sjúkraliðaskóla, verða nú kenndar í fjölbrautarskóla.
30
TÍMARIT HJÚKRUNARFÉLAGS ÍSLANDS